Mika 2:3 - MUKANDA WA MYIDI MUKULU

³ Ke padi Maweja-Nangila wamba ne: “Ndi nnulongoluela dikenga dinene. Kanuena mua kudipanduka, kanuena mua kuditambisha kabidi, bualu diba dia dikenga dikadi difika.”

Mukanda wa Nzambi Dihungila Dikulukulu ne Dihungila Dihia-dihia 2003

³ Bua malu â Yehowa udi wamba ne, Monai, ndi nnuhangidishila, nuenu ba tshisamba etshi, dikenga dinudi kanuyi mua kumusha ha nshingu yenu, ne kanuena nuenda ne dihetu, bualu bua tshikondo etshi netshikale tshibi.

Mika 2:3 ပူးပေါင်းရင်းမြစ်များ

Yeshaya 29:20

Bualu bena tshikisu nebajimine. Bena kapeja bonsu nebumuke. Bonsu badi bakeba mua kukengesha bakuabu nebafue.

Yeshaya 3:16

Maweja-Nangila udi wamba ne: “Bakaji ba mu Yerushalayime badi ne ditambisha. Badi benda bela mitu mulu, bakenzakana kabayi bundu, benda balunduka badisua, badidisha nkanu yabu ya ku mikolu.”

Yeshaya 5:19

Bantu aba badi bamba ne: “Maweja-Nangila enze lukasa tshionsu tshidiye musue kuenza. Tudi basue kutshimona. Mvidi Mukulu wa tshijila wa bena Izrayele enze tshionsu tshidiye muelele meji, tudi basue kutshimanya!”

Yirmeya 18:11

— Yirmeya, mpindiewu ambila bena Yuda ne badi basombe mu Yerushalayime ne: “Maweja-Nangila udi wamba ne: ndi mupangadike bua kununyoka. Ndi nnulongoluela dikenga. Muntu yonsu alekele kuenza malu mabi. Nukudimune malu enu, enzayi amu malu mimpe.”

Yirmeya 27:12

Yirmeya uvua mumanyishe Sedekiya, mukalenga wa bena Yuda, malu a mushindu umue, umuambila ne: — Wewe ne bantu bebe, nudi ne bua kuanyisha mua kuambula mutshi wa bupika udi Nebukadnesare, mukalenga wa mu Babilone, muteke pa makaya enu. Numuenzele mudimu, yeye ne bantu bende. Nanku kanuakufua to.

Yirmeya 34:17

Yirmeya kuamba kabidi ne: — Maweja-Nangila udi wamba ne: “Yonsu wa kunudi uvua ne bua kuanyisha bua mupika wende, muanabu nansha muena mutumba nende, aye mudiye musue. Kadi kanuena bangitabe to. Nanku, meme Maweja-Nangila ndi ngamba ne: Nennutumine mvita, tshiyole tshia nzala, ne disama dia tshiambu. Nenku makalenga onsu a pa buloba neikale ne bowa padiwu amona bidi binuenzekela.

Yirmeya 36:23

Pavua Yekudi mumane kubala tshitupa tshia mukanda, mukalenga kutshikosa ne kele, kutshiela mu kapia. Uvua mutungunuke nanku too ne pavua muvungu mujima mubutuke.

Yirmeya 43:2

Ke Azarya, muana wa Oshaya, Yowanane, muana wa Kareya, ne bakuabu bonsu, kuandamuna Yirmeya ne dikamakama ne: — Udi ushima. Maweja-Nangila Mvidi Mukulu wetu kena mukuambile bua kutubela bua katuyi kusokoma mu Ejipitu to.

Yirmeya 8:3

Maweja-Nangila wabukole buonsu udi wamba ne: Bena mu ditunga edi bikale bashale ne muoyi, miaba yonsu indi mbatangalaja, nebajinge kufua pa mutu pa kushala ne muoyi.

Muadi 1:14

Udi mumone bubi bumvua muenze. Budi bu dijita mu tshianza tshiende. Budi bufika too ne mu nshingu muanyi. Maweja-Nangila mmuntekeshe, mmumfile kudi baluishi bandi tshiyi mua kutshimuna.

Muadi 2:17

Maweja-Nangila mmuenze tshivuaye muele meji, mmukumbaje tshivuaye muambe, tshivuaye mushindike ku kale. Mmubutule kayi ne luse. Uvua musankishe muluishi ne dikenga diebe, uvua mukoleshe ditambisha dia muena lukuna webe.

Muadi 5:5

Badi batukengesha badi batulonda. Tudi bapungile, kadi katuena ne dikisha to.

Amosa 2:14

Nansha muntu ne lubilu lukole, muaba wa kunyemena, kakuufika. Nansha tshilobu mene katshiakupeta bukole. Bena mvita ba bukitu kabakudisungidila ku lufu.

Amosa 3:1

Bena Izrayele, telejayi. Nudi bantu bayua Maweja-Nangila mupatule mu Ejipitu. Udi unujadikila ne:

Amosa 3:2

“Ku bisamba bionsu bidi pa buloba, ndi munusungule amu nuenu. Ke mundi nnulumbuluisha, nnunyoka, bua malu mabi onsu anuvua benze.”

Amosa 5:13

Tshikondu etshi ntshibi. Ke padi muntu mudimuke upuwa vii.

Mika 2:1

Bantu badi bela meji butuku, badilongolola bua kuenza malu mabi, butshia baakumbaja, bualu badi ne bukole bua kuenza, mbena diakabi.

Rome 16:4

Bavua babuele mu njiwu ya lufu bua kusungidila. Ki mmeme nkayanyi udi ne bua kubela tuasakidila nansha. Bisumbu bionsu bia bena ditaba ba mu bisamba bikuabu bidi ne bua kubela tuasakidila.

Efeze 5:16

Enzayi bimpe mu malu onsu adi anuenzekela. Bualu matuku atudi mmabi.

Dielulula 28:48

Maweja-Nangila neanutumine baluishi, banukuate ku bupika. Nenukenge ne nzala ne nyota, nupanga ne tshilamba tshia kuvuala. Maweja-Nangila neanuambuishe mukoolu wa tshiamu tshia bujitu pa makaya, too ne panuabutuka bonsu.

Yakobe 2:13

Bualu muntu uvua kayi mufuile muanabu luse, Mvidi Mukulu neamulumbuluishe, kayi umufuila luse. Muntu uvua muleje luse, udi mua kutekemena luse kudi Mvidi Mukulu, mumukosedi wa nsambu.