Mika 2:2 - MUKANDA WA MYIDI MUKULU

² Padibu bajinga madimi a bende, badi baangata ku bukole. Padibu balakana nzubu ya bakuabu, badi bayinyenga bantu ku bukole. Badi biba bintu bia muntu, ne bia bena diku diabu, banyenga bantu maloba abu.

Mukanda wa Nzambi Dihungila Dikulukulu ne Dihungila Dihia-dihia 2003

² Badi bakuma mitshima yabo ku madimi a bakuabo, badi bânyenga; ne ku nsubu ya bende, badi bayinyenga. Badi bakengesha muntu ne ba mu nsubu wandi, muntu mene ne buhianyi buandi.

Mika 2:2 ပူးပေါင်းရင်းမြစ်များ

1 Bakalenga 21:1

Malu awu mamane kujika, bualu bukuabu kuenzeka mu tshimenga tshia Yizreyele, muvua muntu mukuabu dina diende Nabote. Uvua ne budimi bua mvinyo mu tshimenga atshi, pabuipi ne nzubu kampande wa bukalenga wa Akabe, mukalenga wa Samariya.

2 Bakalenga 9:26

“Meme Maweja-Nangila mvua mumone bionsu biuvua muenze makelela. Wewe uvua mutume bantu bua bashipe Nabote ne bana bende ba balume. Nanku, meme Maweja-Nangila, ndi nditshipa bua kukusombuela anu mu budimi ebu.” Nanku, wewe Bidkare, ambula tshitalu tshia Yorame, utshimanshe mu budimi ebu, bu muvua Maweja-Nangila muambe.

Yobe 31:38

Budimi buanyi budi mua kudila, mabula adi mua kuasa muadi,

Ekesode 20:17

“Kualakanyi tshintu nansha tshimue tshia mukuenu: nansha nzubu wende, mukajende, mupika wende, ngombe wende, mpunde wende.”

Yeshaya 3:14

Udi ufunda bafidi ba ngenyi, ne bamfumu ba tshisamba tshiende, ku tshilumbu ne: “Nuenu ke badi banyanga budimi buanyi bua mvinyo. Nudi buwuje nzubu yenu, ne bintu binudi banyenga bapele!

Yeshaya 5:8

Bantu bonsu badi basakidila nzubu ku mikuabu, balamika madimi ku makuabu, mbena diakabi. Ku kakese ku kakese nebangate miaba yonsu. Nebashale bobu nkayabu mu ditunga!

Yirmeya 22:17

Kadi wewe udi musue anu tshidi tshikulengelela wewe nkayebe. Udi ukeba anu kushipesha bantu badi kabayi ne bualu, ne kukengesha bantu ne tshikisu.

Yezekiyele 18:12

Udi ukengesha bapela ne bena dikenga. Udi wiba bintu bia bantu. Kena upingaja tshieya tshivua muena dibanza mumueyeke. Udi utendelela mvidie, wenza malu mabi, andi mbenga.

Yezekiyele 22:12

Muebe, badi bangata bantu ku mudimu, babafuta bua bashipe bantu bakuabu. Badi basombeshangana makuta bua kupeta kasombele ka bungi. Badi banyenga bintu bia muena mutumba bua kunema nabi. Kadi badi bampua muoyi kashidi meme Maweja-Nangila Mvidi Mukulu. Ke malu andi mujadike awu.

Yezekiyele 22:13

“Kadi nuenu bena Yerushalayime, nennunyoke bikole ne tshiji, bua bintu binuvua bapete pa kudinga bantu ne bua bantu banuvua bashipe.

Yezekiyele 33:26

Nudi batekemene anu ku bia mvita bienu. Nudi nuenza malu mabi, nubuelela bakaji ba bende mu nzubu. Kadi munudi mua kuamba ne: netupete ditunga mbishi?”

Yezekiyele 45:9

Telejayi bidi Maweja-Nangila wamba ne: “Bakalenga bena Izrayele, nuvua bakoleshe malu bushiwa! Lekelayi malu a tshinyangu a kukengesha bantu, kanubanyengi bintu biabu, nuenze anu bimpe, nulonde anu njila wa malu mimpe. Kanuipatshi kabidi bantu banyi mu buloba buabu to. Meme Maweja-Nangila ndi nnutumina diyi edi.

Yezekiyele 46:18

Kadi mukalenga kena mua kunyenga buloba bua muena ditunga. Mukalenga udi mua kuangata amu bitupa bia buloba buende yeye, kubipesha bana bende ba balume bua babipiane. Kena mua kuipata muntu nansha umue, wa ku bantu banyi meme Maweja-Nangila, mu buloba buende.”

Yezekiyele 8:17

Mvidi Mukulu kunkonka ne: — Yezekiyele, udi mumone bionsu ebi anyi? Kadi bena Yuda kabena benza bibi bindi mubenge amu muaba ewu to. Badi bakengesha bantu nabu mu ditunga dijima. Tangila mudibu bampenda muabu muonsu. Badi badiela tshisosa nkayabu mu diulu.

Amosa 2:7

Badi badiata ku makasa badi kabayi ne bukole. Ku kabadi badi banyanga tshilumbu tshia mupele udi kayi ne kantu ku bianza. Tatu ne muanende wa balume, badi benza malu a buendenda mu bulalu bumue ne nsongakaji mupika wa momumue. Ke mudibu banyanga dina dianyi dia tshijila.

Amosa 4:1

Nuenu bakaji ba mu Samariya, telejayi: nudi badiunde bibi, bafuanangane ne ngombe ya mu Bashane. Telejayi tshindi nnuambila ne: badi kabayi ne bukole, nudi nubanyenga bintu biabu, nukengesha bapele, nuambila babayenu ne: “Koleshayi! Nututuadile maluvu!”

Amosa 8:4

Nuenu badi badiatakaja bakengi, nuenu badi bakeba kushipesha bapele mu ditunga, telejayi tshindi ngamba ne:

Mika 3:9

Ndi nnubela nuenu, bamfumu ba ndelanganyi ya Yakobe, ne bakoshi ba nsambu ba bena Izrayele. Nudi nubenga kuenza malu mimpe, nukosa bilumbu bibi.

Mika 6:12

Babanji badi mu tshimenga etshi, badi bakengesha bantu bakuabu. Bonsu badi basomba mu tshimenga etshi, badi bashima, badingangana.

Malaki 3:5

Mvidi Mukulu wa bukole buonsu udi ujadika ne: “Nemfike munkatshi muenu bua kunulumbuluisha. Nempishe lukasa bantu badi benza malu a majimbu, badi benda tshiendenda, badi baditshipa mitshipu ya dishima, badi babenga kufuta muena mudimu, badi bakengesha bakaji bakamba, bana ba nshiya ne benyi, nansha bonsu badi kabayi bantshina meme.”

Matayi 23:13

— Nuenu balongeshi ba mikenji ne Baparushe, nudi bena diakabi, bualu nudi bena mpala ibidi! Nudi nupangisha bantu, bua kababuedi mu Bukalenga bua mu diulu. Nuenu mene kanuena numubuela. Kanuena nansha banyishe bua babuelemu kudi badi bakeba kubuela. [

1 Timote 6:10

Bualu lukuka lua biuma mmuji wa malu mabi a mishindu yonsu. Banga bantu badi ne lukuka alu, mbapambuke mu njila wa ditaba, mbadikebele makenga mavule.