Mika 2:1 - MUKANDA WA MYIDI MUKULU

¹ Bantu badi bela meji butuku, badilongolola bua kuenza malu mabi, butshia baakumbaja, bualu badi ne bukole bua kuenza, mbena diakabi.

Mukanda wa Nzambi Dihungila Dikulukulu ne Dihungila Dihia-dihia 2003

¹ Mulau wikale kudi badi belangana meji a kuenza bibi, ne badi bahangidisha malu mabi munda muabo ha malalu abo! Hatshiabu badi benza malu â, bualu bua bukole bua kuaenza budi mu bianza biabo.

Mika 2:1 ပူးပေါင်းရင်းမြစ်များ

Genese 31:29

Meme ndi mua kukuenzela bibi. Kadi Mvidi Mukulu wa tatuebe Izake mmunkandike butuku bua lelu ne: “Udimuke, kukengeshi Yakobe ku bualu nansha bumue.”

1 Bakalenga 21:7

Yezabele kuandamuna ne: — Bulelela! Kuena muvuluke ne: wewe udi mukalenga wa bena Izrayele anyi? Juka! Udie biakudia, usanke! Meme Yezabele ndi nkupesha budimi bua mvinyo bua Nabote wa Yizreyele.

Estere 3:8

Amane kuambila mukalenga Ahashaveroshe ne: — Mukalenga, mu bukalenga buebe, mudi tshisamba tshia bantu ba mushindu mukuabu, bamuangalaka mu bitupa bionsu bia bukalenga buebe. Bibidilu biabu mbishilangane ne bia bantu ba bisamba bikuabu bionsu. Kabena banemeka meyi ne mikandu bia mu bukalenga to. Kadi tshiudi mulekele bantu aba basomba talalaa mu ditunga ntshinyi?

Estere 5:14

Nenku, muena kuende Zereshe ne balunda bende bonsu, kumuambila ne: — Bantu bakongoluele mutshi wa bule bua metre makumi abidi ne atanu. Maloba dinda, lomba mukalenga bua boweleku Mordekayi. Nenku, neuye kufila mukalenga ne disanka mu didia amu. Amane kuanyisha lungenyi alu, kuenzeja tshiowelu.

Estere 9:25

Kadi Estere kuya kumanyisha mukalenga bualu abu. Ke mukalenga kutuma diyi, kufunda mukanda bua bakengeshe Amane mushindu uvuaye musue kukengesha bena Yuda. Ke bantu kumowa ne bana bende ba balume.

Yobe 15:35

Badi bela meji ku malu mabi, nebatele malu mabi. Badi badinga bantu, badidinga ne bobu kabidi.

Yobe 24:14

Patshiatshia, mushipianganyi udi ujuka, uya kushipa mukengi udi kayi ne tshintu. Padi butuku buila, udi uya kuiba.

Misambu 36:4

Bionsu bidiye wamba bidi amu bia dishima ne bia didinga. Mmupange meji, mmupange muoyi muimpe.

Misambu 36:5

Butuku udi udilongolola bua kuenza bibi. Udi wenda mu njila wa bubi, kayi musue kudilengeja.

Misambu 58:3

Nansha kakese. Nutu nubingisha muena tshibawu munudi basue. Ke munudi nubueja tshinyangu mu ditunga dijima!

Nsumuinu 12:2

Maweja-Nangila udi wanyisha muntu muimpe, kadi udi udiwula muntu udi upangadika bibi.

Nsumuinu 14:22

Bantu badi bela meji a kuenza bibi badi bapambuke. Kadi bantu badi bela meji mempe, bantu nebabanange ne muoyi umue.

Nsumuinu 3:27

Paudi ne tshintu, ambuluisha natshi muntu udi utshikengela.

Nsumuinu 4:16

Bantu babi kabena balala kabayi banji kuenza bibi. Kabena bamona tulu kuisu, padibu kabayi banji kulenduisha bantu bakuabu.

Yeshaya 29:20

Bualu bena tshikisu nebajimine. Bena kapeja bonsu nebumuke. Bonsu badi bakeba mua kukengesha bakuabu nebafue.

Yeshaya 3:14

Udi ufunda bafidi ba ngenyi, ne bamfumu ba tshisamba tshiende, ku tshilumbu ne: “Nuenu ke badi banyanga budimi buanyi bua mvinyo. Nudi buwuje nzubu yenu, ne bintu binudi banyenga bapele!

Yeshaya 32:7

Bantu bapale badi bamanye mua kukengesha bantu bakuabu bikole. Badi badilongolola, bua bamone mua kupisha bapele, pa kujadika malu a dishima. Ke mudi bena dikenga kabayi mua kubinga, nansha bobu kabayi ne bualu.

Yeshaya 5:8

Bantu bonsu badi basakidila nzubu ku mikuabu, balamika madimi ku makuabu, mbena diakabi. Ku kakese ku kakese nebangate miaba yonsu. Nebashale bobu nkayabu mu ditunga!

Yeshaya 59:3

Bualu bianza bienu bidi ne mashi. Minu yenu idi minyanguke ne malu mabi. Nudi nuakula amu bua kujana bantu, bua kushiminyinangana malu.

Yirmeya 18:18

Bantu bakuabu bavua bamba ne: “Tuyayi, tuelela Yirmeya tshitungu amu mpindiewu. Bualu batuangaji badi mua kutulongesha, tudi amu nabu. Tudi ne bena meji, bua bafile ngenyi. Tudi ne bambi badi mua kutumanyisha tshidi Mvidi Mukulu wamba. Tumufunde ku tshilumbu, katuteleji kabidi tshidiye wamba.”

Yezekiyele 11:2

Maweja-Nangila kungambila ne: — Yezekiyele, mona bantu badi bela meji a kuenza malu mabi, bapesha kabidi bantu lungenyi lubi mu Yerushalayime.

Yezekiyele 33:26

Nudi batekemene anu ku bia mvita bienu. Nudi nuenza malu mabi, nubuelela bakaji ba bende mu nzubu. Kadi munudi mua kuamba ne: netupete ditunga mbishi?”

Yezekiyele 38:10

“Meme Maweja-Nangila Mvidi Mukulu, ndi ngamba ne: Padi tshikondu atshi tshikumbana, neutuadije kuela meji mabi.

Yezekiyele 46:18

Kadi mukalenga kena mua kunyenga buloba bua muena ditunga. Mukalenga udi mua kuangata amu bitupa bia buloba buende yeye, kubipesha bana bende ba balume bua babipiane. Kena mua kuipata muntu nansha umue, wa ku bantu banyi meme Maweja-Nangila, mu buloba buende.”

Mika 6:12

Babanji badi mu tshimenga etshi, badi bakengesha bantu bakuabu. Bonsu badi basomba mu tshimenga etshi, badi bashima, badingangana.

Nahume 1:11

Bena Ninive, muntu mmufume mu tshimenga tshienu, udi musue kutombokela Maweja-Nangila, muntu udi ukeba kuenza bibi.

Zekâya 7:10

Kanukengeshi bakaji bakamba, bana ba nshiye, benyi nansha bapele. Kanuedi meji nansha makese, a kuenzelangana bibi.”

Marke 15:1

Patshiatshia, bamfumu ba batuangaji ne bakulu pamue ne balongeshi ba mikenji kudisangishabu ne bena Tshipangu tshikulu bonsu bua kukosabu tshilumbu. Kusuikabu Yezu mionji, kua kumufila kua Pilate.

Luke 20:19

Balongeshi ba mikenji ne bamfumu ba batuangaji bavua bakeba kukuata Yezu diba adi. Bualu bavua bamanye ne: Yezu mmutuelele tuetu lusumuinu elu. Kadi bavua batshina bantu.

Yowanane 19:11

Yezu kumuandamuna ne: — Kuena ne bumfumu nansha bumue pambidi panyi, pa kumusha buvua Mvidi Mukulu mukupeshe. Nanku muntu uvua mmufile kuudi, udi ne tshibawu tshipite tshiebe.

Bienzedi 23:12

Butshia dinda, bamue bena Yuda kuya kuela tshitungu, baditshipa, bamba ne: “Katuena tudia, katuena tunua, amu tuetu bashipe Polu!”

Bienzedi 23:15

Nenku nuenu, ne bena Tshipangu tshikulu bonsu, lombayi mulombodi wa basolayi, bua anutumine Polu. Numudingidije ne: tudi basue kutangila tshilumbu tshiende bimpe. Tuetu netumuadile mu njila, bua kumushipa, kayi muanji kufika kunudi.

Rome 1:30

bajanangana; badi bakina Mvidi Mukulu, baleja dikamakama, baditambisha, baditemba. Badi bela meji ku malu mabi mapiamapia adibu mua kuenza. Badi batombokela baledi babu.

Dielulula 28:32

Nebakuate bana benu ba balume ne ba bakaji mu bupika kudi bantu benyi, nuenu batangile. Nenuikale bindile batangila ku njila, kadi bana benu abu kabayi bapingana kabidi to.