Mika 1:8 - MUKANDA WA MYIDI MUKULU

⁸ Pandi ngela meji ku bionsu abi, meme Mika, ndi ngasa muadi, ndi ndila, ntua mikemu. Ndi ngenda butaka, ku makasa kutupu. Ndi ngela mikunda, bu nyama ya mibuabua, ntua mikemu ngabakana bu nyunyi ya mikolu mile.

Mukanda wa Nzambi Dihungila Dikulukulu ne Dihungila Dihia-dihia 2003

⁸ Bua muanda eu nengase muadi, nendile, nengende butaka ne ku makasa kutuhu; nengase muadi bu wa mibuabua, nendile ne kudila bu kua nyunyu wa nfiondo.

Mika 1:8 ပူးပေါင်းရင်းမြစ်များ

2 Bakalenga 18:13

Izkiya mumane kulala mu bukalenga bidimu dikumi ne binayi, Senakeribe, mukalenga wa bena Ashure, kuluisha bimenga bionsu bia Yuda bivua ne bimana bikole, kubikuata.

Estere 4:1

Mordekayi umvua bivua bienzeka, kudipandaye bilamba, kuvuala bilamba bia madilu, kudilaba butu mu mutu. Uvua wendakana mu tshimenga, wela mbila mikole ya dikenga.

Yobe 30:29

Ndi ngela mbila ya dibungama, bu nyama ya mibuabua. Ndi ndila muadi pa nkayanyi bu kasonganyunyi.

Misambu 102:6

Badi bumvua mundi ntua mikemu, ndi mushale mifuba pa mifuba.

Yeshaya 13:21

Kadi nyama ya mikenga neisombemu. Bipungulu nebibuele mu nzubu yabu. Nyunyi ya tufyondu neisombemu. Mbuji ya mpumbu neitupikemu.

Yeshaya 13:22

Nyama ya bimungu neilale mu nzubu minene ya mu tshimenga. Nyama ya mibuabua neidile mu nzubu ya bakalenga. Tshikondu tshia kubutula Babilone tshikadi pabuipi. Bakadi bamane kubala matuku ende.

Yeshaya 16:9

Ke pandi ndila, pamue ne bantu ba mu Yazere, bua budimi bua mvinyo bua mu Sibma budi bunyanguke. Ndi ndila bikole bualu buenu, nuenu, bena Eshebone, ne bena Elale, bua padi bena mvita bapitshila ne mvita, muaba unuvua bapole bimuma, banowe bia pa madimi.

Yeshaya 21:3

Ke padi mubidi wanyi mujima musunsuke ne makenga. Dikenga ndinkuate, bu mudidi dikuata mukaji pa lulelu. Bindi ngunwua bidi bimpampakaja. Bindi mmona bidi binkuate bowa.

Yeshaya 22:4

Ke pandi nkuambila ne: “Kutangidi bualu buanyi to. Undekele, ndile bikole. Lekelayi kuditatshisha bua kunsamba, bua bana betu bonsu bavuabu bashipe.

Yeshaya 32:11

Nuenu bakaji badi kabayi basumpakena tshintu, zakalayi, nuenu bana ba bakaji badi benda bu badi kabayi ne lutatu, nusumpakane. Vulayi bilamba bienu, vualayi bilamba bia madilu mu tshimonu.

Yirmeya 4:19

Eyi, dikenga didi dintatshisha too, dinkunya ne ku mala a munda. Muoyi udi untuuta bikole munda, ukeba kutayika. Tshiena mumvue dikisha to. Tshiena mua kupuwa to. Ndi mumvue mpungi ne mbila ya mvita.

Yirmeya 9:1

Eyi, bu meme mu tshipela, muaba udi bena luendu bikishila, mvua mua kubenga bantu banyi bena Izrayele, mvua mua kubashiya kashidi. Bualu mbantu batomboke. Bonsu badi amu babenga Maweja-Nangila.

Yirmeya 9:10

Maweja-Nangila udi wamba ne: “Nengandamune Yerushalayime ashale dikolu, muaba udi nyama ya mibuabua isomba. Bimenga bia bena Yuda nebishale tshipela, kabiyi ne bantu to.”

Yirmeya 9:19

Nanku, nuenu bakaji, telejayi diyi dia Maweja-Nangila. Telejayi tshidiye wamba. Longeshayi bana benu ba bakaji mua kuela muyenga. Nsongakaji yonsu alongeshe muena mutumba nende, mudi kudila mushindu ewu:

Yezekiyele 32:18

— Yezekiyele, dila muadi bua bena Ejipitu. Muadi webe ubalunguluje mu kandondu ka bafue pamue ne bisamba binene bikuabu.

Mika 2:4

Tshikondu atshi, nebimbe musambu, nebanuelele kasala ka muadi ne; “Eyi! Mbatubutule bonsu. Mbanyenge tshisamba tshietu maloba atshi. Badi batuipata mu madimi etu, badi baabanyangana. Mbatunyenge bintu bietu bua tshinyi?”

1 Samuele 19:24

Shawule kuvula bilamba bu muvua bambi bakuabu benza. Kujaye maja, wela mbila, muaba uvua Samuwele. Pashishe kufuaye tshipuka, muikale butaka. Kushalaye nanku munya mujima too ne butuku. Ke padi bantu bashala belangana lusumuinu ne: “Kadi Shawule kabidi ukadi muambi anyi?”