Mika 1:12 - MUKANDA WA MYIDI MUKULU

¹² Badi basomba mu Marote, badi bazakala bua bintu biabu bidibu mua kujimija. Dikenga didi Maweja-Nangila utuma, ndifike ne ku biibi bia Yerushalayime. Nedibuele ne mu ditunga dijima dia Yuda.

Mukanda wa Nzambi Dihungila Dikulukulu ne Dihungila Dihia-dihia 2003

¹² Muana mukashi udi mushikame mu Malota udi uhampakana hadiye windila lumu luimpe. Bualu bua dikenga difume kudi Yehowa diakufika tô ne ku tshibuelelu tshia ku Yelushalema.

Mika 1:12 ပူးပေါင်းရင်းမြစ်များ

Yobe 30:26

Meme kutekemena disanka, kadi meme kupeta dikenga. Meme kuindila butoke, kadi anu miidima kuenzeka.

Yeshaya 45:7

Ndi ngenza munya, mfuka miidima kabidi. Ndi mpetesha diakalenga, mfila ne dikenga. Eyowa, ke Meme Maweja-Nangila, udi wenza malu onsu aa.

Yirmeya 14:19

Maweja-Nangila udi mubenge bena Yuda anyi? Kuena mumanye kabidi bena Siyone anyi? Udi mututape mputa idi kayiyi yuma bua tshinyi? Tuvua batekemene ne: bionsu nebikumbane, kadi katuena bamone tshia nsongu nansha tshimue. Tuvua bindile tshikondu tshivua makenga etu ne bua kujika, kadi tudi tumona amu malu adi atukuatshisha bowa.

Yirmeya 8:15

Tuvua batekemene ne: malu onsu neajike bimpe. Kadi kakuena bualu buimpe nansha bumue to. Tuvua batekemene ne: makenga etu neajike, kadi tudi tubutuka.

Amosa 3:6

Badi mua kuela mpungi wa mvita mu tshimenga, bantu kabayi bakuatshika bowa anyi? Tshipupu tshidi mua kukuata tshimenga, Maweja-Nangila kayi mutshitume anyi?

Mika 1:9

Mituutu idibu batuuta Samariya, idi imubutula kashidi. Baluishi mbabuele ne mu ditunga dia Yuda, mbafike ku biibi bia Yerushalayime, kudi bantu banyi basombe.

Rute 1:20

Kadi Nowemi kubandamuna ne: — Kanumbikidi kabidi ne Nowemi (mmuena diakalenga), kadi numbikile ne: Mara (Kabungama), bualu Mvidi Mukulu wa bukole buonsu mmunkengeshe bikole.

1 Samuele 4:13

Mutuangaji Eli uvua ku mpenga kua njila, musombe mu nkuasa wende. Uvua muindile, upampakana bikole bua mushete wa tshijila wa Mvidi Mukulu. Muntu uvua munyema mu mvita awu ubuela mu tshimenga, kuambilaye bantu bonsu bivua bienzeka mu mvita. Nanku bantu bonsu kudila muadi bikole.