Mika 1:1 - MUKANDA WA MYIDI MUKULU

¹ Telejayi bivua Maweja-Nangila muambile Mika, muena mu musoku wa Moreshete, mu tshikondu tshiwa Yotame, Akaze, ne Izkiya, bakalenga ba mu Yuda. Maweja-Nangila uvua mumuleje malu adi atangila bimenga bibidi: tshia Samariya ne tshia Yerushalayime.

Mukanda wa Nzambi Dihungila Dikulukulu ne Dihungila Dihia-dihia 2003

¹ Dî dia Yehowa diakalua kudi Mika, Muena Molesheta, mu matuku a Yotama, Ahaza ne Hezikiya, bakelenge ba Yuda, bualu bua Samalea ne Yelushalema.

Mika 1:1 ပူးပေါင်းရင်းမြစ်များ

2 Bakalenga 15:32

Peka, muana wa Remalya, mumane kulala mu bukalenga bua bena Izrayele bidimu bibidi, Yotame, muana wa Azariya kudia bukalenga bua mu Yuda,

2 Bakalenga 15:5

Nanku, Maweja-Nangila kusamisha Azariya bikole. Mukalenga kupeta disama dia nsudi. Kushalaye nadi too ne ku lulu luende. Azariya uvua ne bua kusomba anu ku luseke pa nkayende. Muanende wa balume Yotame, uvua mulombodi wa nzubu wa bukalenga. Ke uvuabu bapesha mudimu wa kulombola ditunga.

2 Bakalenga 16:1

Peka, muana wa Remalya, mumane kulala mu bukalenga bua Izrayele bidimu dikumi ne muanda mutekete, Akaze, muana wa Yotame kudia bukalenga bua Yuda.

2 Bakalenga 18:1

Osheya, muana wa Ela, mumane kulala mu bukalenga bua Izrayele bidimu bisatu, Izkiya, muana wa Akaze kudia bukalenga mu Yuda,

2 Kulondolola 28:1

Akaze uvua ne bidimu makumi abidi, pawaye mubuele mu bukalenga bua bena Yuda. Uvua mushale mu bukalenga bidimu dikumi ne bisambombu mu Yerushalayime. Kavua muenze malu avua Maweja-Nangila musue, bu avua nkambua wende Davide muenze.

2 Kulondolola 29:1

Izkiya uvua ne bidimu makumi abidi ne bitanu, pawaye mubuele mu bukalenga. Kushalaye mu bukalenga bidimu makumi abidi ne tshitema mu Yerushalayime. Mamuende wa Izkiya uvua Abi, muana wa Zekarya.

Yeshaya 1:1

Mu tshikondu tshivua Uziya, Yotame, Akaze, ne Izkiya, bakalenga ba Yuda, Yeshaya, muana wa Amose, uvua mumanyishe bantu malu avua Maweja-Nangila mumuleje, adi atangila bukalenga bua Yuda ne tshimenga tshia Yerushalayime.

Yeshaya 1:2

Maweja-Nangila udi wamba ne: “Diulu, teleja, buloba, teya matshi. Meme kukolesha bana. Kadi bobu bamane kukola, kuntombokelabu.

Yeshaya 7:1

Tshikondu tshivua Akaze, muana wa Yotame, ne muikulu wa Uziya, mukalenga wa bena Yuda, mukalenga Resine wa bena Arame kufika ne Peka, muana wa Remalya, uvua mukalenga wa bena Izrayele, bua kuluisha tshimenga tshia Yerushalayime. Kadi kabavua batshikuate to.

Yirmeya 26:18

— Mu tshikondu tshia Izkiya, mukalenga wa bena Yuda, muvua muambi mukuabu, dina diende mMika, wa mu Mereshete. Uvua muambile bantu bonsu ba mu Yuda ne: Maweja-Nangila wa bukole buonsu udi wamba ne: “Siyone neikale bu budimi budibu babundulula. Yerushalayime neashale bu mu dikolu. Mukuna, muaba udi nzubu wa Mvidi Mukulu, newikale bu ditu.”

Osheya 1:1

Mu mukanda ewu, mudi malu avua Maweja-Nangila muambile Osheya, muana wa Beyeri. Tshikondu atshi, Yerobowame, muana wa Yowashe, ke uvua mukalenga mu buloba bua Izrayele. Uziya, Yotame, Akaze ne Izkiya, ke bawa bakalenga mu buloba bua Yuda.

Osheya 4:15

Nansha bena Izrayele bena tshiendenda, kadi nuenu bena Yuda, kanuikadi bena tshiendenda to! Kanuyi muaba wa tshijila udi mu Ngilgale. Kanuyi ku Betele-Awene, bua kuditshipa ne: “Bu mudi Maweja-Nangila ne muoyi.”

Osheya 8:14

Bena Efrayime mbase nzubu minene, bapue Mufuki wabu muoyi. Bena Yuda mbase bimenga bia bungi babikolesha ne bimana. Kadi meme Maweja-Nangila nengoshe bimenga abi. Kapia nekabutule nzubu yonsu mimpe ya mu bimenga abi.”

Amosa 1:1

Mu mukanda ewu mbafunde miaku ya Amosa, mumunyi wa nyama, wa mu musoku wa Tekowa. Maweja-Nangila uvua mumumanyishe malu avua atangila bukalenga bua bena Izrayele, bidimu bibidi kumpala kua tshikumina tshinene. Mu tshikondu tshiwa Uziya mukalenga wa bena Yuda, ne Yerobowame, muana wa Yowashe, mukalenga wa bena Izrayele,

Amosa 6:1

Diakabi ndienu, nuenu bonsu, badi basomba talala pa mukuna wa Siyone, nuenu bonsu badi pa mukuna wa Samariya, bela meji ne: ke patuasomba ku matshi talalaa. Badi banuamba ne: nudi bamfumu ba tshisamba tshidi tshipite bikuabu bionsu bia pa buloba. Bena Izrayele badi banuvuila bua kulomba meji ne lungenyi. Kadi kanudidingi nansha.

Mika 1:5

Maweja-Nangila udi ufika bua kulumbuluisha bantu, bualu ndelanganyi ya Yakobe ivua imutombokela, bena Izrayele benza malu mabi. Udi utombuesha bena Izrayele nnganyi? Ke Samariya, tshimenga tshiabu tshikulu! Udi usaka bena Yuda bua batendelele mvidie pa mikuna nnganyi? Ke bena Yerushalayime mene!

Mika 3:9

Ndi nnubela nuenu, bamfumu ba ndelanganyi ya Yakobe, ne bakoshi ba nsambu ba bena Izrayele. Nudi nubenga kuenza malu mimpe, nukosa bilumbu bibi.

Abakuke 1:1

Telejayi bidi Mvidi Mukulu mumanyishe muambi Abakuke.

2 Petro 1:21

Bualu bivua bambi batumanyishe kabivua bifuma ku disua nkayadi dia muntu. Kadi bambi bavua bakula mu dina dia Mvidi Mukulu, bualu Mueyelu wa Tshijila uvua ubaludika.