Matayi 5:9 - MUKANDA WA MYIDI MUKULU

⁹ Bantu badi basombesha bantu nabu mu bupole, ke bena diakalenga, bualu Mvidi Mukulu neabinyike ne: mbana banyi!

Mukanda wa Nzambi Dihungila Dikulukulu ne Dihungila Dihia-dihia 2003

⁹ Basungi ba bantu badi ne disanka, bua nebabidike ne, Bana ba Nzambi.

Matayi 5:9 ပူးပေါင်းရင်းမြစ်များ

Ebrewu 12:14

Nudikolele bua numvuangane bimpe ne bantu bonsu. Nuikale bantu ba tshijila. Bualu kanuyi nuenza nanku, kanuena mua kumona Mfumu to.

Rome 12:18

Nuenze muenu muonsu bua nusombe ne bantu bonsu mu ditalala, bilondeshile munudi numona ne: tudi mua kuenza nanku.

Ngalate 5:22

Kadi bidi Mueyelu wa Tshijila upetesha ke dinanga, disanka, ditalala, lutulu, diyi dilenga, muoyi muimpe, diyi dimue,

Misambu 120:6

Ndi mupite kusomba munkatshi mua bantu badi babenga bupole.

Rome 8:14

Bantu bonsu badi Mueyelu wa Mvidi Mukulu uludika badi bana ba Mvidi Mukulu,

Luke 6:35

Kadi nangayi bena lukuna benu, benzelayi bimpe. Sombeshayi bantu bintu, kanuyi nutekemena ne: nebatupingajilebi. Nanku nenupete difutu dinene. Nenuikale bana ba Mvidi Mukulu Muena kulu. Bualu Yeye udi wenzela bena kadiwu, ne bantu babi, bimpe.

2 Korente 13:11

Mpindiewu, bana hetu, kolayi! Nulonde amu njila mululame. Nukoleshangane ku muoyi. Nuenze tshintu tshimue. Sombayi ne bupole. Nanku Mvidi Mukulu udi utunanga, neatupe bupole buende. Neikale nenu.

Kolose 3:13

Nulengululangane bilema, nufuilangane luse. Misangu yonsu idi muntu tshilumbu ne mukuabu, nulekelangane bilema, muvua Kristu munulekelebi.

Misambu 34:12

Vuakunuayi bana banyi, nunteleje, nennulongeshe mua kunemeka Maweja-Nangila.

Matayi 5:48

Nuikale bantu balenga tshishiki, bu mu Tatu wenu udi mu diulu mulenga tshishiki.

2 Korente 5:20

Ke mutudi tuakula mu dina dia Kristu. Mvidi Mukulu mene udi unubikila patudi Umuambila ne: “Mu dina dia Kristu tudi tunusengelela ne: nuanyishe bua Kristu anutuangaje ne Mvidi Mukulu.”

Bienzedi 7:26

Butshia, Moshe kusangana bena Izrayele babidi baluangana. Kukebaye mua kubasunga, ubabela ne: “Bana betu, nudi bena muntu. Nudi nukengeshangana bua tshinyi?”

Matayi 5:45

Nanku nenuikale bana ba Tatu wenu udi mu diulu, bualu Yeye udi ubandishila bantu babi ne bantu bimpe diba diende; kabidi udi utekesha mvula bua bantu bonsu, bua badi benza bimpe, ne bua badi benza bibi.

1 Kulondolola 12:17

Tshisumbu tshia bena Binyamine ne tshia bena Yuda kuya kaba kawa Davide munyemene.

1 Korente 6:6

Bulelela, muena ditaba udi mua kufunda muena ditaba nende ku tshilumbu anyi? Badi kabayi bitaba Mvidi Mukulu, ke badi ne bua kukosa nsambu yenu anyi?

Filipe 4:2

Wewe Evodiya, ne wewe Sintike, ndi nnulomba, nnusengelela bua numvuangane bu bana ba bakaji badi muntu umue mu ditaba.

Luke 20:36

Nanku kabatshiena mua kufua, bualu nebafuanangane ne batumibue ba Mvidi Mukulu. Badi bana ba Mvidi Mukulu, bualu mbabike ku lufu.

Efeze 4:1

Nanku, meme udibu bakuate mu lukanu, bualu ndi nkuatshila Mfumu mudimu, ndi nnulomba se: nuenze malu mimpe adi bantu, badi Mvidi Mukulu ubikila bua bikale bende, ne bua kuenza.

Rome 8:16

Mueyelu wa Mvidi Mukulu mene udi ujadikila kondu ketu ka munda ne: nudi bana ba Mvidi Mukulu.

Rome 8:19

Bionsu bidi Mvidi Mukulu mufuke bidi bipampakana, bindila tshikondu tshidi Mvidi Mukulu ne bua kuleja bana bende patoke.