Matayi 27:41 - MUKANDA WA MYIDI MUKULU

⁴¹ Bamfumu ba batuangaji, balongeshi ba mikenji, ne bakulu, bavua bamuseka kabidi, bamba ne:

Mukanda wa Nzambi Dihungila Dikulukulu ne Dihungila Dihia-dihia 2003

⁴¹ Bakuidi banene ba Nzambi ne bafundi ne bakulu bakamuseka nunku, bakamba ne,

Matayi 27:41 ပူးပေါင်းရင်းမြစ်များ

Yobe 13:9

Kadi bu yeye mua kunuteta, nudi mua kubinga anyi? Nudi nushima Mvidi Mukulu bu munudi nushima muntu anyi?

Misambu 35:26

Badi basanka bua diakabi dianyi, bundu bubakuate, bupuke lumu! Badi baditambisha, bampepeja, bafue bundu disu tente!

Yeshaya 28:22

Nenku mpindiewu, lekelayi bilele bienu bibi, bua kabayi kukolesha majita a mionji ya mu nshingu yenu. Bualu Maweja-Nangila Mvidi Mukulu muena bukole buonsu, mmungambile ne: ndi mujadike bua kubutula ditunga dijima.

Yeshaya 49:7

Maweja-Nangila, wa tshijila wa bena Izrayele, udi mudiangatshile mu bianza tshilumbu tshia tshisamba tshiende. Mpindiewu, wewe udibu bapepeja, udibu badiombola, udi mupika wa bakalenga ba tshikisu, Maweja-Nangila udi ukuambila ne: “Pamona bakalenga muudi mupatuke mu bupika, nebajuke mu nkuasa yabu. Balombodi ba matunga pamonabu, nebadiele panshi bua kukunemekela.” Nebaleje mudibu banemeka Maweja-Nangila, wa tshijila wa Izrayele. Bualu yeye uvua mukusungule, udi ukumbaja kabidi bivuaye mulaye.

Zekâya 11:8

Meme kuipata ku mudimu balami basatu ba mikoku, munkatshi mua ngondu umue. Kadi tshivua mulame mikoku ne lutulu, bualu ivua imbenga.

Matayi 27:40

bamba ne: — Wewe uvua musue kuupula nzubu wa Mvidi Mukulu, kuasulula mukuabu mu matuku asatu. Nanku dipandisha wewe muine. Pawikala Muana wa Mvidi Mukulu, tuluka ku mutshi mutshiamakane!

Matayi 27:42

— Yeye ewu uvua musungidile bantu bakuabu. Kadi kena mua kudisungidila bua tshinyi? Yeye kena mukalenga wa Izrayele anyi? Atuluke mpindiewu ku mutshi mutshiamakane, netumuitabe!

Luke 18:32

Nebamufile mu bianza bia bantu ba bisamba bikuabu. Bobu abu nebamuseke, nebamupende, nebamutuile mate pambidi.

Luke 22:52

Ke Yezu kuambila bamfumu ba batuangaji, balombodi ba balami ba nzubu wa Mvidi Mukulu, ne bakulu, bavua bafika bua kumukuata ne: — Nudi bafike ne miele ya mvita, kabidi ne mitshi, bua kunkuata bu mushipianganyi anyi?

Luke 23:35

Bantu bonsu batua bimane muaba awu, batangile. Bamfumu ba bena Yuda bavua baseka Yezu, bamba ne: — Uvua musungile bantu bakuabu. Pikalaye Kristu uvua Mvidi Mukulu musungule, adisungile, tumone!