Matayi 27:32 - MUKANDA WA MYIDI MUKULU

³² Pavuabu bumuka mu tshimenga, kusangilabu ne muntu wa mu musoku wa Sirene. Dina diende nSimone. Basolayi kumukolela bua ambule mutshi mutshiamakane wa Yezu.

Mukanda wa Nzambi Dihungila Dikulukulu ne Dihungila Dihia-dihia 2003

³² Hakaluhukau akasangana Muena Kule ne, dina diandi Simona, akamuenzesha ku bukole bua kutualeye mutshi mutshiamakane wa Yesu.

Matayi 27:32 ပူးပေါင်းရင်းမြစ်များ

Marke 15:21

Muntu mukuabu uvua upita mu njila, utumina ku budimi, diende Simone muena mu Sirene, uvua tatuende wa Aleksandre ne Rufuse. Basolayi kumuenzeja bua kuambulaye mutshi mutshiamakane wa Yezu.

Luke 23:26

Patuabu baya ne Yezu, kusangilabu ne Simone muena Sirene, uvua ufuma ku budimi. Basolayi kumukuata, kumupesha mutshi mutshiamakane, bua alonde nawu Yezu munyima.

Matayi 16:24

Pashishe Yezu kuambila balongi bende ne: — Pikala muntu musue kuenda nanyi mu njila, anji kudibenga, ambula wende mutshi mutshiamakane, andonde.

Bienzedi 6:9

Bantu bakuabu ba mu nzubu wa kutendelela wa bena Yuda, uvuabu binyika ne: “Ngwa Bapikula,” kudiwula Stefane. Bantu abu bavua bena Yuda ba mu musoku wa Sirene, ne ba mu tshimenga tshia Aleksandriya, kabidi ba mu buloba bua Silisiya ne Aziya. Kuelanganabu mpata ne Stefane.

Bienzedi 2:10

ba mu Frijiya, ba mu Pamfiliya, ba mu Ejipitu, ne ba mu buloba bua Sirene budi mu ditunga dia Libiya. Bakuabu mene badi bafume ku Rome.

Bienzedi 13:1

Mu Tshisumbu tshia bena ditaba ba mu Antiyokiya muvua bambi ne balongeshi. Mena abu adi nunku: Barnabase, Shimeyone (udibu binyika ne: Mufiike), Lusiyuse wa mu Sirene, Manayene (uvua mukole pamue ne Erode, mulombodi wa ditunga), ne Shawule.

Bienzedi 11:20

Kadi bamue bena ditaba bavua mu tshidila tshia Shipre, ne ba mu tshimenga tshia Sirene, bavua bafike kabidi mu Antiyokiya. Kutuadijabu kulongesha bantu ba bisamba bikuabu, babamanyisha Lumu lua Disanka lua Mfumu Yezu.

Yowanane 19:17

Yezu kupatuka mu tshimenga mudiambuile mutshi mutshiamakane wende, bua kuya muaba udibu binyika ne: “Muaba wa Kabalubalu ka mutu” (mu buena ebrewu badi bawinyika ne: “Ngolgota.”)

1 Bakalenga 21:13

Bantu babidi kusomba, balulamangane ne Nabote. Bantu abu, kumushiminyina malu kumpala kua bantu bonsu, bamba ne: — Nabote udi usendeka Mvidi Mukulu, usendeka ne mukalenga Akabe kabidi! Diakamue, kupatukabu ne Nabote mu tshimenga, kumuasa mabue, kumushipa.

Lewitiki 4:12

mutuangaji umuke nabi ku mitanda, aye kubioshila pa nkunyi ya kapia, muaba musunguluke udibu bimansha butu bua ku tshilambuilu.

1 Bakalenga 21:10

Muaba udi Nabote muimanyine awu, nushikikepu bantu babidi bena dikamakama, bikale balulamangane ne Nabote. Bantu abu, nebamushiminyine ne: Nabote udi usendeka Mvidi Mukulu, usendeka ne mukalenga Akabe. Pashishe, nupatuke nende mu tshimenga, numuase mabue, numushipe.”

Lewitiki 4:21

Pashishe bintu bionsu bidi bishale, mutuangaji umuke nabi mu mitanda, aye kubiosha bu mudibu bosha bintu bidi bishale bia ngombe mulume, padibu bakobolola mutuangaji munene. Mulambu ewu mbua kukobolola nawu bena Izrayele, bua Mvidi Mukulu abafuile luse.

Lewitiki 4:3

“Padi mutuangaji munene muenze bualu bubi, budi butampakena bena Izrayele bonsu, udi ne bua kudikobolola. Alambule Maweja-Nangila ngombe mulume, udi kayi ne bulema, bua Maweja-Nangila amufuile luse.

Bienzedi 7:58

Kumukokelabu ku mpenga kua tshimenga. Kumuasabu mabue bua kumushipa. Bajadiki ba bualu ebu, bavua badianjila kumuasa mabue, bavua bashiye bilamba biabu kudi nsongalume, diende Shawule.

Matayi 5:41

Pikala muntu ukuenzeja ku bukole bua wambule bujitu mutantshi wa kilometre umue, utungunuke ne bujitu abu kilometre ibidi.