Matayi 17:7 - MUKANDA WA MYIDI MUKULU

⁷ Ke Yezu kusemena kudibu, kubalenga, wamba ne: — Jukayi! Kanutshinyi!

Mukanda wa Nzambi Dihungila Dikulukulu ne Dihungila Dihia-dihia 2003

⁷ Yesu wakalua, wakabalenga tshianza, wakamba ne, Bikai, kanutshinyi.

Matayi 17:7 ပူးပေါင်းရင်းမြစ်များ

Danyele 10:10

Pashishe tshianza kundenga, kunjula. Ke luzakalu kungenza ku binu ne ku bianza.

Danyele 10:18

Diakamue, uvua mufuanangane ne muntu awu kundenga tshiakabidi, bua kumpingajila bukole.

Danyele 8:18

Patshivuaye wakula nanyi, mvua amu mpala panshi, mufue tshipuka. Yeye kundenga, kungimanyika kulu.

Danyele 9:21

Pantshiwa ntendelela nanku, Ngabriyele, mutumibue wa Mvidi Mukulu, umvua mumone kumpala, diba diwa Mvidi Mukulu mundeje malu, kusemena pabuipi nanyi ne lukasa luonsu, diba didibu balambula mulambu wa dilolu.

Matayi 14:27

Diakamue Yezu kubambila ne: — Kanutshinyi. Meme! Koleshayi muoyi!

Matayi 17:6

Balongi bumvue nanku, kudielabu mpala panshi. Bowa kubakuata bikole.

Matayi 17:8

Balongi babanduluka, kabatua bamona muntu mukuabu, kadi anu Yezu nkayende.

Luke 24:5

Bakaji abu kutshina, binama panshi. Ke bantu babidi abu kubakonka ne: — Muntu udi ne muoyi, nudi numukeba munkatshi mua bantu bafile bua tshinyi?

Bienzedi 9:6

Kadi, juka, buela mu tshimenga. Nebakuambilemu tshiudi ne bua kuenza.

Didimanyisha 1:17

Meme mumumone nanku, mvua mupone panshi ku makasa ende bu muntu mufue. Ke yeye kuteka tshianza tshiende tshia balume pambidi panyi, wamba ne: — Kutshinyi to! Meme ndi wa kumpala ne wa ndekelu.