Marke 3:9 - MUKANDA WA MYIDI MUKULU

⁹ Ke Yezu kuambila balongi bende bua kumulongoluela buatu bukese, bua bantu kabamufimpakaji.

Mukanda wa Nzambi Dihungila Dikulukulu ne Dihungila Dihia-dihia 2003

⁹ Yeye wakambila bayidi bandi ne, Buatu bukese bungindile, bua tshisumbu tshia bantu katshimusakidi;

Marke 3:9 ပူးပေါင်းရင်းမြစ်များ

Matayi 15:39

Yezu mumane kupingaja bantu ku mabu, kubuelaye mu buatu, kuya mu buloba bua Magadane.

Marke 4:1

Yezu kubanga kulongesha tshiakabidi ku dijiba dia Ngalileya. Bantu bavule kudisangisha, kumuela munkatshi. Yeye kubuela mu buatu, kusomba. Buatu buvua pa mayi, bantu bonsu bavua ku muelelu wa dijiba.

Marke 4:36

Kumukabu pavua bantu. Balongi kubuela mu buatu buvua Yezu mumane kubuela, kuyabu nende. Matu makuabu avua pamue nende.

Marke 5:2

Yezu kutuluka mu buatu, diakamue muntu kupatuka mu nkita, bua kusambakena nende. Muntu utua ne mukishi mubi munda, umutatshisha.

Marke 5:30

Diakamue Yezu kumvuaye ne: bukole buvua bumupatuke. Ke kutangilaye munkatshi mua bantu, ubakonka ne: — Udi mulenge bilamba bianyi nnganyi?

Marke 6:32

Ke kubuelabu mu buatu bobu nkayabu, kuya muaba mupengame.

Luke 5:1

Dituku dikuabu, Yezu uvua ku muelelu wa dijiba dia Ngenesarete. Bantu bavua bamunguila bua kuteleja muaku wa Mvidi Mukulu.

Luke 5:3

Yezu kubuela mu buatu bukuabu buvua bua Simone. Kumulombaye ne: “Semena kakese ne buatu mu mayi.” Ke Yezu kusomba mu buatu amu, ulongesha bantu.

Yowanane 6:15

Yezu kumanya ne: nebankuate ku bukole bua ngikale mukalenga wabu. Nanku kumukaye tshiakabidi, bua kuya ku mukuna nkayende.