Marke 2:8 - MUKANDA WA MYIDI MUKULU

⁸ Diakamue Yezu kumanya meji avuabu bela munda muabu, kubakonkaye ne: — Nudi nuela meji a nanku bua tshinyi?

Mukanda wa Nzambi Dihungila Dikulukulu ne Dihungila Dihia-dihia 2003

⁸ Hakamanya Yesu munda muandi ne, Badi badikonka munda nunku, yeye wakabakonka ne, Nudi nudikonkela munda muenu nunku tshinyi?

Marke 2:8 ပူးပေါင်းရင်းမြစ်များ

1 Kulondolola 29:17

Mvidi Mukulu wanyi, ndi mumanye ne: udi ukonkonona meji adi munda mua bantu, udi wanyisha badi ne muoyi mutoke. Mvua mukulambule biuma bianyi, lelu meme kumona bantu badi basangile apa, benza bia mumue ne disanka.

Misambu 139:2

Udi mumanye pandi nsomba nansha mbika, majinga anyi udi muamanye kale.

Nsumuinu 15:26

Maweja-Nangila udi udiombola meji mabi adi bantu bela, kadi udi wanyisha miaku ya dijingilangana nayi disanka.

Nsumuinu 24:9

Meji adiye wela adi amufikisha ku bubi. Bantu kabidi kabena bananga muntu udi useka bakuabu.

Yeshaya 55:7

Muntu mubi alekele njila yende mibi. Udi kayi ne meji makane, alekele meji ende mabi! Bantu bapingane bonsu kudi Maweja-Nangila, bualu neabafuile luse! Bapingane kudi Mvidi Mukulu wetu, bualu neabalekele mibi yabu!

Yezekiyele 38:10

“Meme Maweja-Nangila Mvidi Mukulu, ndi ngamba ne: Padi tshikondu atshi tshikumbana, neutuadije kuela meji mabi.

Matayi 12:15

Yezu umvua lumu lua tshifufu atshi, kumukaye muaba awu. Bantu bavule kumulonda. Yezu kujikija masama a bantu bonsu.

Matayi 16:7

Balongi bumvua nanku, kuambilanganabu ne: — Udi wamba nanku, bualu katuena bangate mampa.

Matayi 9:4

Yezu umanya meji avuabu bela, kubakonkaye ne: — Nudi nuela meji mabi munda muenu bua tshinyi?

Marke 2:7

“Mudi muntu ewu ne dikima dia kusendeka Mvidi Mukulu nunku mmunyi? Udi mua kujimijilangana mibi nnganyi? Amu Mvidi Mukulu nkayende?”

Marke 2:9

Tshidi tshitekete, nkuambila muena tuneke ne: “Mbakujimijile mibi yebe,” nansha nkuamba ne: “Juka, ambule tshiata tshiebe, uye?”

Marke 7:21

Bualu munda mua muntu, mu muoyi wende, mudi mupatuka meji mabi, buendenda, buivi, dishipangana,

Luke 24:38

Ke Yezu kubakonka ne: — Nudi nupampakana bua tshinyi? Nudi nuela mpata munda muenu bua tshinyi?

Luke 5:22

Yezu kumanya meji avuabu bela. Kubakonkaye ne: — Nudi ne meji a mushindu ewu bua tshinyi?

Luke 6:8

Kadi Yezu uvua mumanye meji avua munda muabu. Ke kuambilaye muena tshianza tshibalame ne: — Juka, imana kuaka, bantu bonsu bakumone. Muntu awu kujuka, kuimana.

Yowanane 21:17

Pashishe kumukonkaye tshiakasatu ne: — Simone, muana wa Yowanane, udi munnange anyi? Petro kubungama, bualu Yezu uvua umukonka tshiakasatu ne: “Udi munnange anyi?” Ke kumuandamunaye ne: — Mfumu, udi mumanye bionsu, udi mumanye mundi mukunange! Yezu kumuambila ne: — Ukube mikoku yanyi.

Yowanane 6:64

Kadi bamue ba munkatshi muenu kabena bitaba nansha. (Bualu Yezu uvua mudianjile kumanya ku tshibangidilu bavua kabayi bitaba. Uvua mumanye kabidi muntu uvua ne bua kumuyila mu tshitungu.)

Bienzedi 5:3

Ke Petro kumuebeja ne: — Ananiyase, mudi diabolu mubuele mu muoyi webe mmunyi? Udi mushime Mueyelu wa Tshijila, mudilamine tshitupa tshia mushinga wa budimi bua tshinyi?

Bienzedi 8:22

Lekela meji mabi auvua nawu. Utendelele Mfumu, bua, bu biobi mua kuenzeka, akufuile luse, bua meji mabi auvua muele.

Ebrewu 4:13

Kakuena kantu nansha kamue kadi mua kusokoma Mvidi Mukulu. Bintu bionsu, bifukibua bionsu bisanga bidi bimueneka patoke ku mesu kuende. Yeye ke utudi ne bua kuambila malu etu onsu.

Didimanyisha 2:23

Nenshipeshe bana bende bonsu. Nenku Bisumbu bionsu bia bena ditaba nebimanye ne: Meme ndi njingulula meji ne majinga bidi munda mua bantu. Nemfute muntu yonsu wa kunudi, bilondeshile malu avuaye muenze.