Malaki 3:6 - MUKANDA WA MYIDI MUKULU

⁶ “Meme Maweja-Nangila tshiena nkudimuka. Kadi nuenu kabidi nudi basue kushala kashidi ndelanganyi menemene ya Yakobe.

Mukanda wa Nzambi Dihungila Dikulukulu ne Dihungila Dihia-dihia 2003

⁶ Bua meme Yehowa tshitu ngakudimuka, nunku nuenu, bana ba Yakoba, kanuena nubutuka.

Malaki 3:6 ပူးပေါင်းရင်းမြစ်များ

Genese 15:18

Dituku adi, Maweja-Nangila kutua ndondu ne Abrame muaba awu, kumulaya ne: — Matunga aa nengapeshe ndelanganyi yebe, biangatshile ku musulu wa Ejipitu ne ku musulu munene wa Perate.

Genese 15:7

Pashishe Maweja-Nangila kuambila Abrame ne: — Meme Maweja-Nangila ke uvua mukupatule mu Ure wa bena Babilone, bua kukupesha ditunga edi, dishale diebe.

Genese 22:16

umuambila ne: — Maweja-Nangila udi ujadika ne: Bu muudi muenze nanku kuyi mumpale muanebe umuepele, bu mundi meme Mvidi Mukulu, ndi nditshipa ne:

Misambu 102:26

Wakafuka buloba kale, diulu didi mudimu wa bianza biebe.

Misambu 102:27

Bintu ebi bionsu nebijimine, kadi wewe udi ushala. Diulu ne buloba nebisheleleke bu mudi tshilamba tshisunsuke. Neubishintule bu mudibu bashintula bilamba.

Misambu 102:28

Kadi wewe kuena ushintuluka, matuku ebe a muoyi kaena ne nshikidilu wawu.

Misambu 103:17

Kadi malu mimpe a Maweja-Nangila adi ashala bikondu bionsu kudi badi bamunemeka. Buakane buende budi bujama kudi bana ba bana babu,

Misambu 78:38

Kadi yeye uvua mubanange, ubafuila luse, kayi ubabutula. Kavua ulonda muvua tshiji tshiende tshimuambila. kavua ulonda meji atshi,

Misambu 78:57

Kushalabu bantu babi, bashipianganyi, bu muvua bankambua babu, kubengabu mikenji, bu mudi nshinga ya buta mituntumuke.

Yeshaya 41:13

Bualu meme Maweja-Nangila, ndi Mvidi Mukulu webe, ndi nkuambuluisha. Ndi nkuambila tshiakabidi ne: “Lekela kutshina. Nenkuambuluishe.”

Yeshaya 44:6

Maweja-Nangila, mukalenga wa bena Izrayele, udi uludika, ulama bantu bende. Yeye ke Maweja-Nangila muena bukole buonsu. Udi ukuambila, wewe Izrayele, ne: “Meme ndi wa kumpala, ndi kabidi wa ndekelu. Kakuena Mvidi Mukulu mukuabu, amu meme.

Yeshaya 46:4

Nengikale amu nnulama nenku too ne munuakulakaja. Nennulame bo bo bo, too ne munuatoka nsuki. Meme ke uvua munuambule kale, ntshidi amu nnuambula ne ku lelu. Eyowa, nuenu ke bandi mulame. Nennusungidile.

Yirmeya 32:27

— Meme Maweja-Nangila Mvidi Mukulu wa bantu bonsu badi pa buloba, ndi mua kuenza bionsu bindi musue.

Danyele 6:26

Matuku apita, mukalenga wa bakalenga kutumina bantu ba matunga onsu, ba bisamba bionsu, ba miakulu yonsu, badi basomba pa buloba bujima, mukanda ubambila ne: “Ndi nnujingila ditalala dijima!

Osheya 11:9

Tshiena nnunyoka, bilondeshile tshiji tshianyi to. Tshiena mbutula bena Efrayime musangu muibidi to, bualu meme tshiena muntu, ndi Mvidi Mukulu. Nuenu bena Efrayime, numanye ne: meme Mvidi Mukulu wa tshijila ndi nenu. Tshiena musue kufika kunudi mufike munda.”

Abakuke 1:12

Wewe udi Maweja-Nangila wa kale ne kale. Udi Mvidi Mukulu wanyi wa tshijila, wa kashidi ne kashidi. Maweja-Nangila, muena bukole utudi tutekemena, Wewe kusungula bena Babilone, kukolesha baluishi betu, bua bamfuishe, batunyoke.

Dibadika 23:19

Mvidi Mukulu kena muntu, kena ushima! Kena muana wa Adame, kena ushintulula meji ende. Udi wenza amu mudiye wamba. Udi ukumbaja bionsu bidiye ulaya.

Rome 5:10

Tuvua baluishi ba Mvidi Mukulu. Kadi ku lufu lua Muanende, Mvidi Mukulu mmupingaje diulu vuangana pankatshi petu nende. Nanku mpindiewu bamane kupingaja diumvuangana pankatshi petu nende, netupete lupandu ku muoyi wa Muanende.

Filipe 1:6

Mvidi Mukulu uvua mutuadije mudimu muimpe awu munkatshi muenu, ndi mujadike ne: neatungunuke nawu too ne muajikawu, dituku diafika Yezu Kristu.

Ebrewu 13:8

Yezu Kristu udi momumue makelela, lelu ne tshiendelele.

Ebrewu 6:18

Kudi malu abidi adibu kabayi mua kushintulula, malu abidi adi Mvidi Mukulu kayi mua kuvila. Nanku malu abidi aa adi atukolesha bikole ku muoyi, bua tumone mua kutekemena ne muoyi mujima bivuabu batulaye.

Yakobe 1:17

Mapa malenga onsu ne bintu bimpe bionsu bidi bituluka mu diulu, mbifuma kudi Mvidi Mukulu, Mufuki wa miendu ya mulu. Mvidi Mukulu kena ushintuluka; munda muende kamuena miidima; butoke buende kabuena bukepa.

Didimanyisha 1:8

Maweja-Nangila, Mvidi Mukulu wa bukole buonsu, udiku, uvuaku, wafikaku, udi wamba ne: “Meme ndi Alfa ne Omega.”

Didimanyisha 22:13

Ndi Alfa ne Omega, wa kumpala ne wa ndekelu, ntuadijilu ne nshikidilu.”

1 Samuele 15:29

Maweja-Nangila udi butumbi bua bena Izrayele. Nanku, kena mua kushima, kena mudi muntu udi lelu wamba bualu mushindu, maloba wamba mukuabu.