Malaki 3:3 - MUKANDA WA MYIDI MUKULU

³ Neasombe panshi, bu mudi muntu udi wengulula, ulengeja tshiamu. Neumbushe mikiya yonsu ya batuangaji ba mu ndelanganyi ya Levi, pashishe bobu nebalambule milambu yabu kudi Maweja-Nangila. Neabatokeshe bu mudibu batokesha tshiamu tshia mpawungi, ne tshiamu tshitoke tshia mushinga mukole. Diba adi, batuangaji nebafile milambu yabu kudi Maweja-Nangila, mushindu udi mikenji yamba.

Mukanda wa Nzambi Dihungila Dikulukulu ne Dihungila Dihia-dihia 2003

³ Yeye neashikame hanshi ukunjisha ne ulengesha tshiamu tshia argent, nealengeshe bana ba Lewi. Neabakenkeshe bu or ne argent, bua bobo bikale kudi Yehowa bu bantu badi bafila milambu kudiye mu buakane.

Malaki 3:3 ပူးပေါင်းရင်းမြစ်များ

Misambu 116:17

Nenkulambule mulambu bua kukuela tuasakidila, kabidi nentumbishe dina diebe.

Misambu 4:5

Mutshinayi! Kanuenji kabidi malu mabi. Nudikonkonone panudi balale. Nushale talalaa.

Misambu 4:6

Lambulayi milambu idi minufundila bua kufila. Nutekemene kudi Maweja-Nangila.

Misambu 50:14

Tshindi ntekemena kuudi, ki mbiakudia nansha, kadi amu bua untumbishe, meme Mvidi Mukulu webe, ne bua ukumbaje malaya auvua mundaye meme, Muena kulu.

Misambu 50:23

Muntu udi ungela tuasakidila, ke udi untumbisha! Udi untumikila, ke undi mpandisha!

Misambu 51:19

Mvidi Mukulu wanyi, mulambu undi mua kukulambula, mmuoyi wanyi wa kulekela kuditambisha. Mvidi Mukulu wanyi, kubengi muoyi wanyi udi mupite kunyingalala bikole.

Misambu 66:10

Mvidi Mukulu wetu, udi mututete, mutulengeje, mudibu bengulula tshiamu tshia mushinga mukole mu kapia.

Nsumuinu 17:3

Mpawungi ne tshiamu tshitoke tshia mushinga mukole, badi babiteta mu kapia, kadi Maweja-Nangila udi uteta mushinga udi nawu muntu.

Nsumuinu 25:4

Padibu bumusha bikanganya ku tshiamu tshitoke tshia mushinga mukole, nsenda udi upeta tshiamu tshimpe tshia kuenza natshi tshintu tshimpe tshitambe.

Yeshaya 1:25

Wewe Yerushalayime, newikale nanyi tshilumbu. Nenkuele mu kapia bua kulengulula, kumusha bikanganya biebe, kumusha manyanu onsu adi munda muebe.

Yeshaya 48:10

Mvua mukutete. Tshiena mukutete mu kapia, bu mudibu bateta tshiamu tshitoke tshia mushinga mukole. Kadi mvua mukupitshishe mu makenga.

Yeshaya 61:6

Nuenu mene nebanuinyike ne: “Ke batuangaji ba Maweja-Nangila.” Bantu nebanutele bamba ne: “Ke bantu badi bakuatshila Mvidi Mukulu wetu mudimu.” Nenusankile ku mpetu ya bukua matunga. Nenuditembe ne bintu biabu.

Yirmeya 9:7

Ndimi ya bantu aba, idi anu bu mikete ya kushipangana nayi. Badi bamba anu malu a dishima. Badi bambila bantu nabu meyi mimpe. Kadi munda muabu badi bela meji mudibu mua kubakuata mu buteyi.

Yezekiyele 20:38

Nengumushe munkatshi muenu bantu bavua bantombokela kabayi bangitaba. Nembumushe mu matunga adibu basombe. Kadi kabena bapingana mu buloba bua Izrayele bua kusombamu to. Nanku nenujadike ne: meme ndi Maweja-Nangila.

Danyele 11:35

Bantu ba bungi nebafue munkatshi mua bantu ba meji. Lufu luabu nelumbushe mikiya ya bantu. Nelubalengeje, lubatokeshe too ne pafika tshikondu tshia ku nshikidilu wa malu. (Bualu tshikondu tshia ku nshikidilu ki ntshianji kufika.)

Danyele 12:10

Nebumbushe bantu ba bungi mikiya. Nebabatokeshe. Makenga neabalengeje. Bantu babi, badi kabayi mua kujingulula malu, nebatungunuke ne dienza dia malu abu mabi. Kadi bantu ba lungenyi nebajingulule malu adi enzeka.

Osheya 14:2

Nuenu bena Izrayele, pinganayi kudi Maweja-Nangila Mvidi Mukulu wenu. Panudi nudishinda, ke tshipeta tshia bubi buenu.

Zekâya 13:9

Nengumushe mikiya ya badi bashala ne muoyi. Nembatete, mudibu bateta tshiamu tshia mpawungi, ne tshiamu tshitoke tshia mushinga mukole, mu kapia. Nanku nebantendelele; nenkumbaje bidibu balomba. Nembabikile ne: ‘Bantu banyi,’ bobu nebangambe ne: ‘Maweja-Nangila ke Mvidi Mukulu wetu.’ ”

Dibadika 8:6

“Umbusha bena Levi munkatshi mua bena Izrayele, bua kumusha mikiya idi pambidi pabu.

Luke 3:16

Kadi Yowanane kubambila bonsu ne: — Meme ndi nnutua mu mayi. Kadi udi mumpite meme ku bukole, nealue. Meme tshiena mukumbane nansha mua kumukopola bisabata. Yeye neanutue munda mua Mueyelu wa Tshijila, ne mu kapia.

Rome 12:1

Bana hetu, padi Mvidi Mukulu muleje nanku mudiye utufuila luse, ndi nnusengelela bua nudifile kudiye bu mulambu udi ne muoyi, bu mulambu wa tshijila, udi umusankisha. Ke mushindu muimpe unudi ne bua kumutendelela.

Rome 15:16

dia meme kuikala muena mudimu wa Yezu Kristu bua bisamba bikuabu. Ndi nkumbaja mudimu wa tshijila wa mutuangaji ewu, pandi ndongesha Lumu lua Disanka lua Mvidi Mukulu, bua Mueyelu wa Tshijila ujidile bantu ba bisamba bikuabu, bikale bu mulambu udi ulengelela Mvidi Mukulu.

Filipe 2:17

Ndi kumpala kua Mvidi Mukulu bua kumulambula ditaba dienu. Pamue apa nebasakidile muoyi wanyi ku mulambu wenu. Nansha biobi bienzeka nanku, nensanke, nnubueje bonsu mu disanka adi.

Filipe 4:18

Ndi nnujadikila ne: nkadi mupete bionsu binuvua bantumine. Bidi bikumbane bipite. Bu mudi Epafrodite muntuadile mpindiewu bimuma basue kumpesha, bionsu bindi nkengela, ndi nabi. Bintu bienu bidi bu mulambu wa dipembu dimpe, udi Mvidi Mukulu wanyisha, umusankisha.

2 Timote 4:6

Diba dianyi dia kumfilabu bu mulambu diakukumbana. Tshikondu tshia meme kufua tshiafiki.

Tite 2:14

Yeye mene uvua mudifile buetu tuetu, bua kutupikula ku bubi buonsu, kutulengeja, kutuenza bantu bende badi bamuitaba amu Yeye, benza midimu mimpe ne disuminyina.

Ebrewu 12:10

Batatuetu ba pa buloba bavua batunyoka bua tshitupa tshipi, muvuabu bamone ne ke bidi bimpe. Kadi Mvidi Mukulu udi utunyoka bua kutuenzela bimpe, bua tuikale ba tshijila bu Yeye.

1 Petro 1:7

Makenga aa adi mua kujadika bukole bua ditaba dienu. Tshiamu tshia mpawungi tshidi tshintu tshia panu tshidi tshijimina. Kadi badi batshiteta mu kapia. Ke mudibu bateta mu makenga ditaba dienu, didi dipita tshiamu tshia mpawungi ku mushinga, bua kujadika bukole buadi. Nanku dituku diafika Yezu Kristu, nebanuele kalumbandi, nebanutumbishe, nebanupe lumu.

1 Petro 2:5

Nudifile bu mabue a muoyi, bua Mueyelu wa Tshijila umone mua kuibaka nenu nzubu wa Mvidi Mukulu. Nanku nenuikale tshisumbu tshia batuangaji ba tshijila, badi ne bua kulambula Mvidi Mukulu milambu, idi imusankisha bualu bua Yezu Kristu.

1 Petro 2:9

Kadi nuenu nudi tshisamba tshisungula. Nudi batuangaji ba Mukalenga, tshisamba tshia tshijila, bantu ba Mvidi Mukulu. mBanusungule bua kumanyisha bantu malu a dikema adi Mvidi Mukulu muenze. Bualu uvua munubikile bua nupatuke mu miidima, nubuele mu butoke buende bupite buimpe.

Didimanyisha 1:6

mMutuenze bakalenga ne batuangaji, bua tukuatshile Tatuende Mvidi Mukulu mudimu. Yezu Kristu udi ne butumbi, kabidi ne bukole, mu nkama ne nkama ya bidimu! Amene.

Didimanyisha 3:18

Ke pandi nkupesha lungenyi, bua usumbe kundi mpawungi muengulula mu kapia. Nanku newikale mubanji. Usumbe kabidi bilamba bitoke bua ubivuale, usokoke butaka buebe, ulekele kufua bundu. Usumbe kabidi buanga bua kuela mu mesu, bua umone.

Didimanyisha 5:10

Wewe kubateka bakalenga ne batuangaji, bua benzele Mvidi Mukulu wetu mudimu. Nebadie bumfumu pa buloba bujima.”