Malaki 3:12 - MUKANDA WA MYIDI MUKULU

¹² Bisamba bikuabu bionsu nebinuambe ne: nudi bena diakalenga, bualu nudi nusomba mu ditunga dimpe ditambe. Maweja-Nangila wa bukole buonsu, ndi njadika nanku.’ ”

Mukanda wa Nzambi Dihungila Dikulukulu ne Dihungila Dihia-dihia 2003

¹² Yehowa wa misumba udi wamba ne, Ba mu bisamba bionso nebanubikile ne, Basankishibue; bualu bua nenuikale bena buloba budi ne disanka dimpe.

Malaki 3:12 ပူးပေါင်းရင်းမြစ်များ

2 Kulondolola 32:23

Bantu ba bungi kutuadila Maweja-Nangila milambu mu Yerushalayime. Kutuadilabu kabidi Izkiya mukalenga wa bena Yuda bintu bia kumusankisha nabi. Biangatshile musangu awu, kunemekabu mukalenga Izkiya kudi bena matunga onsu, bavuaye nabu mutumba.

Misambu 72:17

Lumu lua mukalenga lushale kashidi, bamutumbishe too ne muajimina diba tshiendelele! Bantu belangane lupemba, bamba ne: Mvidi Mukulu akusankishe, muvuaye muenzele mukalenga! Mu matunga onsu bantu bamutue makumbu!

Yeshaya 61:9

Nebamanye ndelanganyi yenu miaba yonsu, mu matunga onsu. Bantu bonsu badi babamona, nebamanye ne: ke bantu badi Maweja-Nangila muele lupemba.

Yeshaya 62:4

Kabakukuinyika kabidi ne: “Mmukaji udibu babenge”. Ditunga diebe kabena badinyika kabidi ne: “Mbuloba bunyanguke”. Kadi nebakuinyike ne: “Munanga wa Maweja-Nangila”. Nebinyike buloba buebe ne: “Ke mukaji udi usomba mu dibaka dimpe”. Bualu neusankishe Maweja-Nangila bulelela, kabidi buloba buebe nebuikale bu mukaji musela.

Yeshaya 62:5

Eyowa bu mudi nsongalume usela muana wa bakaji, ke mudi Ewu udi ukuibakulula ushala bayebe. Bu mudi mubangila usankisha mumubangidi, wewe kabidi neusankishe Mvidi Mukulu webe.

Yirmeya 33:9

Nanku, nengikale ne disanka pa kutela dina dia Yerushalayime. Tshimenga etshi nentshikebele lumu ne butumbi kudi bisamba bionsu bia pa buloba. Padi bantu bajingulula malu mimpe amvua muenzele Yerushalayime, nebazakale. Nebakanke pamonabu diakalenga ne disanka bimvua mupeshe bena tshimenga etshi.

Danyele 11:41

Neakuate ditunga didi dipite buimpe. Neashipemu bantu ba bungi. Kadi bena Edome, bena Mowabe, ne bantu basungula ba bena Amone nebapanduke mu bianza biende.

Danyele 8:9

“Ku lumue lupite bukese lua ku nsengu ayi, kupatukaku lusengu lupialupia. Kudiundalu ne bukole bupite, lutangila kuinshi, luseke ludi diba dipatukila, ne luseke lua ditunga dipite buimpe.

Zekâya 8:23

Diba adi, bantu dikumi ba mu bisamba bishilangane, nebakuate muena Yuda umue, ku luzemba lua tshilamba, bamuambila ne: ‘Tudi basue kuya nebe, bualu tudi bajingulule ne: Mvidi Mukulu udi kuenu.’ ”

Malaki 3:13

Maweja-Nangila udi wamba ne: “Nudi nunjana, pashishe nudi nukonka ne: ‘Tudi tukujana, tukuamba bishi?’

Luke 1:48

Bualu mmuntabele meme muntu wende, muntu wa patupu. Eyowa, biangatshile mpindiewu, bantu ba mu bikondu bionsu nebangambe ne: mmuena diakalenga.

Dielulula 11:12

Maweja-Nangila Mvidi Mukulu wenu, ke udi ulama buloba abu, ku ntuadijilu wa tshidimu too ne ku ndekelu watshi.