Malaki 3:10 - MUKANDA WA MYIDI MUKULU

¹⁰ Nanku nundambule mu nzubu wanyi tshia dikumi menemene tshia ku midimu inudi nukuata, bua biakudia bikale kashidi mu nzubu muanyi. Pa bualu ebu, nudi mua kunteta meme Mvidi Mukulu wa bukole buonsu, nenumone mundi nnunzuluila mayeba a mu diulu, nnuela lupemba, ndokesha mvula.

Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Luai ne tshia dikumi tshionso mu nsubu wa kubutshila bintu, bua bia kudia bikale mu nsubu muanyi; Yehowa wa misumba udi wamba ne, Nuntete mpindiu ne muanda eu, numone bingikala tshiyi mununzuluile bibi bia mu diulu, munulokeshile masanka, kanuyi nukengela bintu bikuabo kabidi.

Malaki 3:10 ပူးပေါင်းရင်းမြစ်များ

Genese 28:22

Dibue dindi muimanyike edi ndia tshijila. Nedikale nzubu wa Mvidi Mukulu. Nenkupingajile tshia dikumi tshimue tshia bintu bionsu biudi mumpeshe.

Genese 7:11

Matuku dikumi ne muanda mutekete a ngondu muibidi, Nowa mumane kukumbaja bidimu nkama isambombu, mayi onsu avua muinshi mua buloba kupatukawu ne bukole miaba mishilangane, bibi bionsu bia mulu ku-nzulukabi.

2 Bakalenga 7:19

Muntu uvua wenda miaba yonsu ne mukalenga wa bena Izrayele uvua mubenge, wamba ne: “Nansha Maweja-Nangila mutunzuluile biibi bia mu diulu bua kututumina ntete, bualu buudi wamba ebu budi mua kuenzeka anyi?” Nanku, muambi Elisha uvua mumuandamune ne: “Eyowa, wewe neumone bualu ebu. Kadi kuakudia bintu abi to.”

2 Bakalenga 7:2

Kadi muntu uvua wenda ne mukalenga, kubenga, wamba ne: — Nansha Maweja-Nangila mutunzuluile biibi biamu diulu bua kututumina ntete, bualu buudi wamba abu budi mua kuenzeka anyi? Muambi Elisha kuandamuna ne: — Eyowa, wewe neumone bualu ebu. Kadi kuakudi a bintu ebi to.

1 Kulondolola 26:20

Bena Levi bakuabu bavua ne mudimu wa kulama bibutshilu bia mu nzubu wa Mvidi Mukulu, ne bintu bia tshijila bivuabu balambula Mvidi Mukulu.

Nehemya 12:44

Tshikondu atshi, bavua basungula bantu bua kulama mayeba, miaba ivuabu bateke biakudia bia tshianyi bivua bantu balambule, ne tshia dikumi tshia bintu bia mu madimi. Nanku, bintu bia mu madimi abi, bivua bifume mu madimi avua pabuipi ne bimenga. Bavua babipesha batuangaji ne bena Levi bilondeshile mikenji. Bualu mudimu onsu uvua batuangaji ne bena Levi benza, uvua usankisha bena Yuda bonsu.

Nehemya 12:47

Mu matuku a Zerubabele, nansha a Nehemya, bena Izrayele bavua bafila dituku dionsu kudi bimbi ba misambu ne kudi balami ba biibi bintu bivuabu ne bua kufila. Bavua bapesha kabidi bena Levi milambu ya tshijila. Bena Levi pabu bavua bapesha batuangaji ndelanganyi ya Arone, bintu bivuabu ne bua kupeta.

Nehemya 13:5

mutuangaji Eliyashibe kumulongoluela muaba mu tshibambalu tshinene, tshiyuabu bateka kuonsu eku milambu ya bintu bia mu madimi, musenga wa kamonya, bintu bia kukuata nabi mudimu mu nzubu wa Mvidi Mukulu, bintu bia ku milambu bivua bia batuangaji, ne tshia dikumi tshia ntete ya kuenza bukula, tshia mvinyo mupiamupia, ne tshia mafuta, tshivua bena Levi ne balami ba ku biibi ne bua kupeta.

Misambu 37:3

Tekemena kudi Maweja-Nangila, enza bimpe, neushale mu ditunga, usombemu talalaa.

Misambu 78:23

Kutuminaye mavuba a kulu diyi. Kunzululaye biibi bia diulu.

Muambi 11:3

Kudi mutshi mukubikile ke kudiwu ushadila. Padi mavuba muwule ne mayi, mvula udi uloka.

Yezekiyele 34:26

Nenganyishe bua mikoku isombe pabuipi ne mukuna wanyi wa tshijila. Nendokeshe mvula mukumbane pa tshikondu tshiende.

Yezekiyele 44:30

Batuangaji nebapete biakudia bia tshianyi bia mu madimi, ne bintu bionsu bidi bena Izrayele bantuadila mu nzubu wanyi. Bantu nebapeshe batuangaji bukula buimpe budibu nabu. Nanku, nembele lupemba.

Osheya 2:21

Izrayele, nenkusele, ushale muena kuanyi kashidi. Biuma bindi nkusela nabi, ke dikulamata dianyi, ke bilenga bindi nkuenzela, ke dinanga dindi nkunanga nadi, ke luse lundi nkufuila.

Yowele 2:19

Udi ubenzela bidibu bamulomba, ubalaya ne: “Nennutumine tshiakabidi ntete ya kuenza bukula, maluvu ne mafuta. Nenuhidie nukute! Tshiena nnufuisha kabidi bundu, munkatshi mua bisamba bia bende.

Yowele 2:24

Mayeba neuwule tente ne ntete; mvinyo ne mafuta nebiuwule mu bipanza.”

Lewitiki 26:10

Nenunowe biakudia bia bungi. Nenuhidie matuku mavule. Bua kupeta muaba wa kulama bipiabipia, anu nuenu banji kumusha bia kale.

Lewitiki 26:3

“Panudi nuitaba meyi anyi, nutumikila mikenji yanyi, nuyilonda,

Lewitiki 27:30

“Nenku bena Izrayele badi ne bua kulambula Maweja-Nangila tshia dikumi tshimue tshia biakudia bia mu madimi, kabidi ne tshia bimuma bia ku mitshi. Bualu mbintu biende.

Agayi 2:19

Mu mayeba enu kanutshiena ntete ya kuenza bukula to. Mionji yenu ya nwinyo, mitshi ya mfiku, mitshi ya ngrenade, mitshi ya olive, kabivua bikuama to. Kadi biangatshile dituku dia lelu, nennusankishe. Mitshi yenu neakuame.

Dibadika 18:21

Maweja-Nangila kuamba kabidi ne: — Bena Levi badi bangenzela mudimu mu ntenta wa kusambakena, difutu diabu ke tshia dikumi tshimue tshia bintu bionsu bidi bantu bapeta mu Izrayele.

Matayi 6:33

Nuenu bangabanga nuditatshishe bua Bukalenga bua Mvidi Mukulu; nukumbaje tshidi Mvidi Mukulu musue. Nanku Yeye neanusakidile bikuabu bionsu abi.

Dielulula 12:6

Muaba awu, ke unudi mua kulambuila bintu bionsu binudi nabi: milambu ya kuosha, ya bobumue, tshia dikumi tshia bintu bia mu madimi, milambu ya budisuile, milambu ya mapiku, too ne ya banabute ba bimuna bienu: ngombe, mikoku ne mbuji.

Dielulula 14:22

Ku tshidimu tshionsu, nusunguile Maweja-Nangila tshia dikumi tshia bia mu madimi enu.

Dielulula 14:29

Biakudia abi, nebiambuluishe bena Levi, badi kabayi ne muaba wa bumpianyi munkatshi muenu. Nebiambuluishe benyi, bana ba nshiya ne bakaji bakamba banudi nabu. Nebapete bintu bia kudiabu kuukuta. Nanku Maweja-Nangila Mvidi Mukulu wenu, neanuele lupemba mu bionsu binudi nuenza.

Dielulula 28:12

Bena Izrayele, Maweja-Nangila neanunzuluile tshibuashibuashi, muaba udiye mulame mayi a mvula. Neanulokeshile mvula anu pa diba diende, bua midimu yenu yonsu itante. Nanku kanuakusomba makuta kudi bantu ba bisamba bikuabu to. Amu bobu nebikale banusomba.