Malaki 2:7 - MUKANDA WA MYIDI MUKULU

⁷ Eyowa, mudimu wa mutuangaji udi wa kulongesha bantu, bua bamanye Mvidi Mukulu. Yeye ke udi bantu bakonka bua kumanya tshidibu ne bua kuenza. Bualu yeye ke udi ufikisha malu a Maweja-Nangila wa bukole buonsu kudi bantu.

Mukanda wa Nzambi Dihungila Dikulukulu ne Dihungila Dihia-dihia 2003

⁷ Bualu bua mishiku ya muakuidi idi ne bua kulama lungenyi, ne bantu badi ne bua kukeba diyisha diakane mukana muandi; bualu bua yeye udi messager wa Yehowa.

Malaki 2:7 ပူးပေါင်းရင်းမြစ်များ

2 Bakalenga 16:11

Mutuangaji Uriya kuenza tshilambuilu tshipiatshipia, bilondeshile luidi luvuabu bamutumine kudi Akaze. Uriya kujikija dibaka dia tshilambuilu, Akaze kayi muanji kupingana mu Yerushalayime, ufuma ku Damase to.

2 Bakalenga 16:16

Mutuangaji Uriya kukumbaja bionsu bivua mukalenga Akaze muambe.

2 Kulondolola 30:22

Izkiya kukolesha bena Levi ku muoyi, bualu bavua bakuatshila Maweja-Nangila mudimu muabu muonsu. Lumingu lujima bantu bavua badia pamue biakudia bia tshibilu, balambula milambu ya bobumue, batumbisha Maweja-Nangila, Mvidi Mukulu wa bankambua babu.

2 Kulondolola 31:4

Mukalenga Izkiya kutumina bena mu Yerushalayime bonsu diyi, bua bapeshe batuangaji ne bena Levi bintu bionsu bidi bibafundila, bua bamone mua kuenza mudimu wabu anu ne muoyi mujima, bilondeshile mudi mikenji ya Maweja-Nangila yamba.

Ezela 7:10

Bualu Ezra uvua mudifile ne muoyi wende mujima bua kulonga mikenji ya Maweja-Nangila, kuyikumbaja, kuyilongesha bena Izrayele, bua balonde anu meyi ne mikandu bidibu bafunde mu mikenji.

Ezela 7:25

“Kadi wewe Ezra, bilondeshile mikenji mimpe ya Mvidi Mukulu iudi nayi mu mukanda, usungule balumbuluishi ne balombodi, bua bikale bakosa nsambu ya bantu badi mu buloba ebu, kabidi badi bamanye mikenji ya Mvidi Mukulu webe. Badi kabayi bayimanye, neubalongesheyi.

Nsumuinu 5:2

Nenku wewe mulame mibelu yanyi, newakule anu pa biudi mumanye.

Muambi 5:5

Lekela kuakula miaku idi ikubipisha. Wewe muambe miaku mibi, newikale ne tshilumbu tshia kuambila mutuangaji ne: “Mvua mutupakane.” Nanku Mvidi Mukulu neakufikile munda bua miaku yebe mibi ayi. Ne anyange midimu yebe.

Yeshaya 42:19

Nganyi udi mpofu? Amu nuenu bantu banyi! Nganyi udi ne mapapa? Amu nuenu bandi ntuma! — Eyowa, udi mpofu, bu muntu udi Mvidi Mukulu utuma, nnganyi? Udi ne mapapa, bu muntu wa Maweja-Nangila, nnganyi?

Yeshaya 44:26

Kadi ndi nkumbaja, bivua bantu banyi bamba. Ndi nkumbaja malu avua bantu, bamvua mutume, bamane kumanyisha. Ndi njadika ne: ‘Bantu nebasombe tshiakabidi mu Yerushalayime. Nengasulule bimana bia tshimenga.’ Ndi ngamba kabidi ne: ‘Nebasulule bimenga bia bena Yuda.’

Yirmeya 15:19

Kadi Maweja-Nangila kungandamuna ne: Wewe mupingane kundi, nenkuakidile, ushale muena mudimu wanyi. Pawikala kuyi wamba kabidi malu a tshianana, kadi umanyishe bantu malu adi ne bualu, newikale tshiakabidi muambi wanyi. Meme nengikale mukana muebe. Bena Yuda badi ne bua kukulonda, kadi wewe kuena ne bua kubalonda bobu!

Yirmeya 18:18

Bantu bakuabu bavua bamba ne: “Tuyayi, tuelela Yirmeya tshitungu amu mpindiewu. Bualu batuangaji badi mua kutulongesha, tudi amu nabu. Tudi ne bena meji, bua bafile ngenyi. Tudi ne bambi badi mua kutumanyisha tshidi Mvidi Mukulu wamba. Tumufunde ku tshilumbu, katuteleji kabidi tshidiye wamba.”

Yirmeya 2:8

Batuangaji kabena bankeba ne: ‘Maweja-Nangila udi penyi?’ Bantu bavua bamanye mikenji bikole, kumpangabu. Balombodi ba bantu kuntombokela meme Maweja-Nangila. Bambi kuambila bantu malu mu dina dia Baale. Bantu bonsu kutendelela mvidie ivua kayiyi ne bukole.

Yezekiyele 22:26

Batuangaji benu kabena balonda mikenji yanyi, kabena banemeka miaba idibu bajidila mu dina dianyi. Kabena basunguluja bintu bidi bia tshijila, ne bintu bikuabu bidi bia tshianana. Kabena balongesha bantu mudi bintu bikuabu kabiyi ne mikiya, bikuabu ne mikiya. Kabena banemeka kabidi dituku dia Dikisha; badi badilengulula ku bukole. Nanku, kamuena muntu nansha umue udi unnemeka, mudibu ne bua kunnemeka.

Yezekiyele 7:26

Nenukenge anu kukenga. Nebanumanyishe anu ngumu mibi. Nebasengelele muambi bua abaleje malu atshidi kumpala, kadi kakubalejawu to. Mutuangaji kakuikala ne bualu budiye mua kulongesha. Bakulu kabakusa kabidi ngenyi.

Danyele 11:33

Munkatshi mua bantu aba badi ne meji mapite, nebalongeshe bantu bakuabu ba bungi. Kadi matuku makese nebashipe bamue ba munkatshi muabu, neboshe bakuabu, nebeele bakuabu mu lukanu, bamane kubanyenga bintu biabu.

Osheya 4:6

Bantu banyi nebafue, bualu kabena bammanye meme to. Wewe kabidi uvua mundengulule. Nanku, nenkubenge, nkumushe ku mudimu wanyi wa butuangaji! Bualu mikenji yanyi meme Mvidi Mukulu webe, udi muyipue muoyi. Nanku meme tshiakuvuluka kabidi bana bebe to.

Lewitiki 10:11

Kanuena mua kunua kabidi maluvu makole, panudi nulongesha bena Izrayele mikenji eyi idi Maweja-Nangila mubatumine kudi Moshe.

Sefanya 3:4

Bambi babu badi baditemba, banyanga mudimu wabu. Batuangaji babu kabena banemeka bintu bia tshijila; badi banaya ne mikenji ya Mvidi Mukulu.

Agayi 1:13

Pashishe Maweja-Nangila kutuma muambi Agayi bua kuambila bantu ne: — Meme Maweja-Nangila ndi nnulaya ne: Nengikale nenu.

Zekâya 7:3

ne bua kukonka batuangaji ne bambi ne: — Tudi ne bua kutungunuka amu ne miadi, tujila kabidi biakudia mu ngondu muitanu wa tshidimu tshionsu, bu mutudi tuenza kukadi bidimu bia bungi anyi?

Malaki 3:1

Telejayi mudi Mvidi Mukulu wa bukole buonsu unuandamuna ne: “Ndi ntuma muntu wanyi ne mukenji bua kundongoluelaye njila. Maweja-Nangila unudi nujinga neafike lukasa mu nzubu wende. Muntu udi ne mukenji unudi bindile awu, neanumanyishe ndondu undi mutue nenu. Nyeye awu ukadi ulua!”

Dibadika 27:21

Kadi Yoshuwa aye kuebeja mutuangaji Elazare bidiye ne bua kuenza. Mutuangaji akuate mudimu ne Urime, bua amanye tshindi musue, amanyishe Yoshuwa. Nanku Yoshuwa ne bena Izrayele bonsu nebakumbaje bionsu bidi mutuangaji Elazare ubambila.

Yowanane 13:20

Ndi nnujadikila ne: muntu wakidila muntu undi ntuma, udi ungakidila meme. Muntu udi ungakidila udi wakidila uvua muntume.

Yowanane 20:21

Yezu kubela muoyi tshiakabidi ne: — Bupole buikale nenu. Mudi Tatu muntume, meme kabidi ndi nnutuma.

Bienzedi 16:17

Kutulondaye tuetu ne Polu, wela mbila ne: — Bantu aba mbena mudimu wa Mvidi Mukulu, Muena kulu! Badi banumanyisha munudi mua kupanda!

2 Korente 5:20

Ke mutudi tuakula mu dina dia Kristu. Mvidi Mukulu mene udi unubikila patudi Umuambila ne: “Mu dina dia Kristu tudi tunusengelela ne: nuanyishe bua Kristu anutuangaje ne Mvidi Mukulu.”

Ngalate 4:14

Disama dimvua nadi, divua dinuelesha meji bikole. Kadi kanuvua bampetule, nansha bambenge. Nuvua bangakidile anu bu mutumibue wa Mvidi Mukulu, nansha bu Yezu Kristu mene.

Dielulula 21:5

Pashishe bena Levi, badi Maweja-Nangila Mvidi Mukulu wenu musungule bua kumuenzela mudimu, ne bua kuela bantu lupemba mu dina dia Maweja-Nangila, nebasemene pabuipi. Bualu bobu ke badi mua kujikija bilumbu bionsu: bia matandu, bia mvita, nansha bia bantu batapangane.

Dielulula 24:8

Nudimuke bua disama dia nsudi kadinukuatshi. Nukumbaje bionsu bindi mumane kuambila batuangaji ba bena Levi bua kunumanyisha.

1 Tesalonike 4:8

Muntu udi ubenga mikenji eyi, kena ubenga muntu, kadi udi ubenga Mvidi Mukulu, udi unupa Mueyelu wende wa Tshijila.

1 Samuele 2:17

Nanku bana ba balume ba mutuangaji Eli bavua bapepeja Maweja-Nangila bikole, bualu kabavua banemeka milambu ivuabu bamulambula.