Malaki 2:6 - MUKANDA WA MYIDI MUKULU

⁶ Bavua balongesha amu malu mimpe. Kabavua bashima. Bawa bumvuangana nanyi bimpe, benza bimvua musue. Bawa basaka bantu ba bungi bua balekele kuenza malu mabi.

Mukanda wa Nzambi Dihungila Dikulukulu ne Dihungila Dihia-dihia 2003

⁶ Diyisha dia mei a bushuwa diakadi mukana muabo, ne mei mabi kakahatuka ku mishiku yabo. Bobo bakenda nʼanyi mu ditalala ne mu buakane, bakadimusha mitshima ya ba bungi bua balekele bubi buabo.

Malaki 2:6 ပူးပေါင်းရင်းမြစ်များ

Genese 17:1

Abrame mumane kukumbaja bidimu makumi tshitema ne tshitema, Maweja-Nangila kumumuenekela, umuambila ne: — Ndi Mvidi Mukulu wa bukole buonsu. Witabe diyi dianyi, wikale muntu muakane.

Genese 6:9

Ndelanganyi ya Nowa idi nunku: Nowa nkayende munkatshi mua bantu ba tshikondu atshi, uvua muntu muakane, witaba Mvidi Mukulu, udisanga nende mu malu onsu.

Misambu 119:142

Buakane buebe mbua kashidi, mikenji yebe kabena mua kuyishintulula.

Misambu 119:151

Maweja-Nangila, wewe udi pabuipi, bantu batekemene meyi ebe onsu.

Misambu 37:30

Muntu wa Mvidi Mukulu udi wakula miaku ya meji, umvuija bantu bidi Maweja-Nangila musue.

Misambu 37:37

Jooja muntu udi wenza malu makane, tangila muntu wa nsongu. Neumone ne: muntu wa nenku udi ne diakalenga mu bana bende.

Nsumuinu 5:2

Nenku wewe mulame mibelu yanyi, newakule anu pa biudi mumanye.

Yirmeya 23:22

Bu bobu babuele mu tshipangu tshianyi, bavua mua kuambila bantu banyi malu onsu amvua muambe. Nanku bavua mua kuambuluisha bantu bua badilengeje.

Danyele 12:3

Bantu ba lungenyi nebakenke bu bintu bia mu diulu. Bantu bavua bambuluisha bakuabu bua batendelele Mvidi Mukulu ne muoyi umue, nebakenke bu mitotu tshiendelele.

Osheya 4:6

Bantu banyi nebafue, bualu kabena bammanye meme to. Wewe kabidi uvua mundengulule. Nanku, nenkubenge, nkumushe ku mudimu wanyi wa butuangaji! Bualu mikenji yanyi meme Mvidi Mukulu webe, udi muyipue muoyi. Nanku meme tshiakuvuluka kabidi bana bebe to.

Matayi 22:16

Kutumabu balongi babu bakuabu, ne bamue ba bena Erode, bua kuambila Yezu ne: — Mulongeshi, tudi bamanye ne: wewe udi wamba malu malelela. Udi ulongesha amu patoke tshidi Mvidi Mukulu musue bua muntu enze. Kuena utshina bidi bantu bela meji, bualu kuena ukakala muntu. Kuena utshina buneme bua muntu.

Marke 12:14

Kufikabu, bamuambila ne: — Mulongeshi, tudi bamanye ne: udi wamba bulelela. Kuena utshina bidi bantu bela meji. Bualu kuena utangila bua mpala wa muntu, kadi udi ulongesha bulelela mudi Mvidi Mukulu musue bua muntu enza. Tuambilaku: mikenji yetu mmianyishe bua kufuta mukalenga wa bakalenga wa bena Rome tshitadi anyi? Tudi mua kumufuta anyi katuena mua kumufuta?

Luke 1:6

Bonsu babidi bavua bakumbaja bivua Mvidi Mukulu musue, batumikila bimpe menemene mikenji yonsu ne meyi onsu bia Maweja-Nangila.

Luke 20:21

Nanku kukonkabu Yezu ne: — Mulongeshi, tudi bamanye ne: biudi wamba ne biudi ulongesha bidi amu pa biobi. Kuena utangila muanzu wa muntu. Kadi udi ulongesha anu patoke tshidi Mvidi Mukulu musue ne: bantu benze.

Bienzedi 26:18

bua ubatabaje; ubumushe mu miidima, babuele mu butoke; ubapatule ku bumfumu bua diabolu, babuele mu bumfumu bua Mvidi Mukulu. Nanku bobu bangitabe, nebabajimijile mibi yabu. Nebabuele mu tshisumbu tshia bantu ba Mvidi Mukulu.”

Dielulula 33:10

Bena Levi badi balongesha bena Izrayele mikenji yebe. Badi balambula pa tshilambuilu tshiebe milambu ya manananshi, ne ya kuosha.

Dielulula 33:8

Moshe kuela ndelanganyi ya bena Levi lupemba, wamba ne: “Maweja-Nangila, udi mupeshe batuangaji, ndelanganyi ya Levi, Urime ne Tumime, bintu bia tshijila, bualu badi bakuitaba muabu muonsu. Uvua mubatete ku Masa, mubabingishe ku mayi a Meriba.

Dielulula 33:9

Bena levi mbakunange wewe Maweja-Nangila, bipite mudibu bananga baledi babu, bena meku abu, nansha bana babu badibu balele. Ke muvuabu bakumbaje mikenji yebe, banemeke nanku ndondu webe.

Didimanyisha 14:5

Katshi kabena babumvua bashima. Kabena ne kalema nansha kamue.

1 Samuele 2:12

Bana ba balume ba mutuangaji Eli bavua bantu babi. Kabavua batshina Maweja-Nangila to.