Malaki 2:2 - MUKANDA WA MYIDI MUKULU

² — Nunteleje, nunnemeke, tshianana nennukengeshe. Diakalenga dimvua munulaye nediandamuke diakabi. Bulelela nengenze nanku, bualu kanuena nuangata mikenji yanyi ne mushinga.

Mukanda wa Nzambi Dihungila Dikulukulu ne Dihungila Dihia-dihia 2003

² Yehowa wa misumba udi wamba ne, Binuikala kanuyi baunvuile, ne binuikala kanuyi bauteka mu mitshima yenu, bua kunemeka dina dianyi, nennutumine mulau, nenkudimune masanka enu alue milau; eyo, nakumana kuavuisha milau, bualu bua kanuena nuteka dî dianyi mu mitshima yenu.

Malaki 2:2 ပူးပေါင်းရင်းမြစ်များ

Misambu 69:22

Baluishi banyi bavua bakisa biakudia bianyi, bampesha maluvu a buanji, pamvua ne nyota.

Nsumuinu 3:33

Maweja-Nangila udi utshipa nzubu ya benji ba malu mabi; kadi udi wela ya bantu bakane lupemba.

Yeshaya 42:25

Ke pavua Maweja-Nangila muleje bantu bende bunene bua tshiji tshiende, mubakengeshe ne mvita. Mvita kuosha bena Izrayele nseke yonsu. Kadi nanshabu kujingulula tshintu. Kapia kubosha, kubashidisha, kadi nanshabu kubuelela meji.

Yeshaya 47:7

Uvua uditangila wewe bu mukalenga mukaji, uvua ne bua kudia bumfumu kashidi mu bantu. Kadi kuvua muele meji bimpe, ku malu avua enzeka diba adi. Kuvua nansha muele meji, ku bivua ne bua kuenzeka to.

Yeshaya 57:11

Udi mukukuatshishe bowa, uudi utshina bikole nanku, bua wewe kunshima, bua wewe kubenga kunzuluka, bua wewe kubenga kungangata ne mushinga, nnganyi? Bu mundi mupuwe mutantshi mule, kuena ungangata kabidi ne mushinga. Udi wela meji ne: biudi wenza mbiakane anyi?

Yirmeya 34:17

Yirmeya kuamba kabidi ne: — Maweja-Nangila udi wamba ne: “Yonsu wa kunudi uvua ne bua kuanyisha bua mupika wende, muanabu nansha muena mutumba nende, aye mudiye musue. Kadi kanuena bangitabe to. Nanku, meme Maweja-Nangila ndi ngamba ne: Nennutumine mvita, tshiyole tshia nzala, ne disama dia tshiambu. Nenku makalenga onsu a pa buloba neikale ne bowa padiwu amona bidi binuenzekela.

Yezekiyele 3:7

Kadi bena Izrayele kabena mua kukuteleja to. Bualu kabena basue kunteleja meme. Badi bantu ba tshitunu, badi ne muoyi mupape.

Agayi 1:6

Nuenu kukuna bintu bia bungi, kunowa bikese. Nudi nudia, kadi kanuena mua kuukuta. Nudi nunua maluvu, kadi nyota yenu kayena ijika. Nudi nuvuala bilamba, kadi numvua anu mashika. Muena mudimu udi upeta difutu, kadi didi dijika lukasa, bu mudi bintu bimata mu tshibombi tshitubuke!

Agayi 1:9

Nuvua batekemene biakudia bia bungi, nuenu kunowa bikese. Binuvua baye nabi mu nzubu yenu, meme kubiela mupuya, kutangalakabu Meme Maweja-Nangila wa bukole buonsu, ndi nnukonka ne: Ndi muenze nanku bua tshinyi? Ndi nnuamba ne: Ndi muenze nanku, bualu nudi balekele nzubu wanyi ashale munyanguke, nukuate mudimu bikole amu bua kulengeja yenu nuenu.

Malaki 2:1

“Meme Maweja-Nangila wa bukole buonsu ndi nnubela nuenu batuangaji, ne:

Malaki 3:9

Nuenu tshisamba tshijima, nudi bena diakabi, bualu nudi nunshima.

Luke 17:18

Bobu ki mbapingane bua kutumbisha Mvidi Mukulu bua tshinyi? Amu muenyi ewu!

Yoshua 7:19

Yoshuwa kumuambila ne: — Mulunda wanyi, umanye bukole bua Maweja-Nangila Mvidi Mukulu wa bena Izrayele. Ungambile bushiwa. Unjadikile tshiuvua muenze, kushimi to.

1 Petro 4:11

Muntu udi ulongesha Lumu lua Disanka, amanyishe bantu miaku ya Mvidi Mukulu. Udi wambuluisha bantu, enze mudimu awu ne bukole budi Mvidi Mukulu umupesha. Nanku Mvidi Mukulu neatumbe, mu malu onsu anudi nuenza, kudi Yezu Kristu, udi ne butumbi, kabidi ne bukole tshiendelele! Amene.

Didimanyisha 14:7

Uvua wamba ne diyi dikole ne: “Tshinayi Mvidi Mukulu, mutumbishayi! Bualu diba didiye ulumbuluisha bantu ndimane kukumbana. Kukuilayi Mufuki wa diulu, wa buloba, wa mayi manene, ne wa mpokolu ya mayi.”

Didimanyisha 16:9

Munya kuosha bantu bikole. Ke bantu kusendeka dina dia Mvidi Mukulu uvua ulongolola bipupu ebi. Kadi kabavua badilengeja, kabavua batumbisha Mvidi Mukulu to.