Malaki 2:17 - MUKANDA WA MYIDI MUKULU

¹⁷ Nudi nutondesha Maweja-Nangila ne mayuki enu. Nudi nukonka ne: “Tudi tumutondesha munyi?” Bidi bimutonda ke miaku inudi nuamba ne: “Maweja-Nangila udi wanyisha muntu udi wenza malu mabi. Tshianana uvua mua kunyoka bantu ba mushindu ewu. Ke kabidi miaku yenu ya ne: “Mvidi Mukulu utu ukosa nsambu pa yoyi, udi penyi?”

Mukanda wa Nzambi Dihungila Dikulukulu ne Dihungila Dihia-dihia 2003

¹⁷ Nuakutondesha Yehowa ne mei enu. Kadi nudi nukonka ne, Tuakumutondesha munyi? Hanuamba ne, Muntu yonso udi wenza malu mabi udi muakane ku mesu kua Yehowa, ne yeye udi usanka bualu buandi; anyi hanuakonka ne, Nzambi utu walumbulula bilumbu ne kulumbulula kuakane udi kudi kunyi?

Malaki 2:17 ပူးပေါင်းရင်းမြစ်များ

Yobe 34:17

Mvidi Mukulu yeye muikale ne lukinu, uvua mua kulombola diulu ne buloba anyi? Wewe, udi mua kudiwula muena Bukole buonsu, muena malu makane anyi?

Yobe 34:36

Nutete anu bidiye wamba, nenumone ne udi wakula anu bu bantu babi.

Yobe 36:17

Kadi mpindiewu badi bakunyoke bua bubi buebe. Tshilumbu ntshikukuate.

Yobe 9:24

Padi ditunga mu bianza bia muena tshikisu, Mvidi Mukulu udi ufofamija mesu a bakoshi ba nsambu. Padiye kayi muenze nanku, mukuabu udi mua kuenza nanku nnganyi?

Muambi 8:11

Muntu udi wenza malu mabi kabena bamunyoka mpindiewu. Ke padi bantu benza malu mabi misangu yonsu.

Yeshaya 1:14

Tshiena musue bibilu bienu bia ngondu mipiamipia. Masanka onsu anudi nulongolola, tshiena nawu bualu. Bidi bujitu bundi tshiyi mua kuambula kabidi to.

Yeshaya 29:15

Bantu badi benza malu mu musokoku, basokoka Maweja-Nangila meji adibu bela, benza malu abu mu miidima, mbena diakabi! Badi bela meji ne: “Watumona nnganyi? Wamanya tshitudi tuenza nnganyi?”

Yeshaya 30:18

Kadi Maweja-Nangila udi windila, utekemena matuku onsu, diba didiye mua kunufuila luse. Udi ukeba mudiye mua kunuambuluisha. Bualu Maweja-Nangila udi Mvidi Mukulu, udi wenza bionsu amu bimpe. Bonsu badi batekemena kudi Mvidi Mukulu, mbena diakalenga.

Yeshaya 43:22

Maweja-Nangila udi wamba ne: “Wewe Izrayele, tshisamba tshia Yakobe, kuena muntendelele to. Meme nkavua mukutonde!

Yeshaya 43:24

Uuvua musumbile mienge ya mupuya muimpe ku mushinga mukole, ki mmmeme to! Mafuta a nyama yebe ya milambu, kuena mungukutshishe meme nawu to! Apu, wewe udi mungenze meme mupika webe ne bilema biebe. Buenzayi buebe ke bualu budi buntonda!

Yeshaya 7:13

Nanku Yeshaya kumuamba ne: — Wewe Akaze ne bena diku diebe, ndelanganyi ya Davide, ntelejayi. Nudi nusuya bantu bikole, nudi basue kusuya kabidi ne Mvidi Mukulu wanyi anyi?

Yirmeya 12:1

Maweja-Nangila wewe udi amu mubinge, tshiena mua kukuasa tshilumbu. Kadi ndi musue anu kukuela lukonku pa malu audi wenza. Mudi bantu badi kabayi balonda mikenji yebe bapeta dikasa dimpe mmunyi? Badi bakutombokela badi basomba talalaa bua tshinyi?

Yirmeya 15:6

Maweja-Nangila udi wamba ne: Nuenu ke badi bambenga, bangela nyima. Ke mumvua mufike bua kunubutula, bualu bidi bintonda bua kunufuila luse.

Yirmeya 17:15

Bantu bonsu badi bankonka ne: “Makenga adi Mvidi Mukulu mutulaye adi penyi? Atukuate mene tumone!”

Yirmeya 44:22

Nansha kakese! Maweja-Nangila kavua mua kuanyisha kabidi malu mabi enu. Ke pavuaye mubutule ditunga dienu, mudinyangakaje, bantu kabayi base kabidi mu ditunga edi. Dikadi dikuatshisha bowa. Dikadi bu tshilejilu tshia kutshipa natshi bantu. Nuenu bonsu nudi mua kujadika tshidiye wamba.

Yezekiyele 16:43

Kuena muvuluke tshimvua mukuenzele ku buana buebe to. Udi mumfikishe munda ku bionsu biuvua muenze. Ke mundi ne bua kukunyoka bua buenzavi buebe! Meme Maweja-Nangila, ndi njadika bualu ebu. Kuvua musakidile buenzavi bua bundu ebu ku malu ebe mabi makuabu a kutendelela mvidie anyi?”

Yezekiyele 18:25

Nudi nuamba ne: ‘Bidi Maweja-Nangila wenza kabiena bimpe to. Udi ukolesha malu!’ Nuenu bena Izrayele, telejayi bimpe, udi ukolesha malu mmeme anyi? Nansha kakese! Badi bakolesha malu bapitshisha, ke nuenu!

Yezekiyele 8:12

Mvidi Mukulu kunkonka ne: — Yezekiyele, udi mumone bimpe bidi bakulu ba bena Izrayele benza mu musokoku, muntu yonsu udi ku muaba udi bimfuanyi bia mvidie wende. Badi basue kudibingisha, bamba ne: “Maweja-Nangila kena mutumone to. Mmumane kumuangala mu ditunga.”

Yezekiyele 9:9

Maweja-Nangila kungambila ne: — Malu mabi adi bantu benza mu bukalenga bua Izrayele nansha bua Yuda mmapite bunene. Bantu aba badi bashipangana mu ditunga dijima. Badi bakengeshangana mu tshimenga tshionsu. Badi bambilangana ne: “Maweja-Nangila ukadi mumuangale mu ditunga, kena mutumone to.”

Amosa 2:13

Nennutekakaje mudi ditempu ditenkakana, divuabu buwuje ne miepu, bapitshisha.

Sefanya 1:12

Diba adi nentemeshe muendu, bua kukalula tshimenga tshia Yerushalayime. Nennyoke bantu badi basomba talala, bu mudi maluvu abutama, ashiya binyindanyinda panshi. Badi bamba ne: ‘Maweja-Nangila kena wenza bualu, nansha buimpe nansha bubi!’

Malaki 2:14

Nudi nukonka ne: katshiena ubianyisha bua tshinyi? Bualu nuvua balaye ku mesu kua Maweja-Nangila ne: nendamate mukaji undi musele ku buana buanyi. Yeye ke muena kuanyi undi musungule. Kadi nuenu kumubenga.

Malaki 3:8

Ndi nnuandamuna ne: ‘Panudi nudinga Mvidi Mukulu, nudi nuenza bimpe anyi? Kadi nuenu nudi amu nundinga!’ Nudi nunkonka ne: ‘Tudi tukudinga munyi?’ ‘Nudi nundinga mu tshia dikumi tshia binudi nupeta, ne mu milambu.

Dielulula 32:4

Maweja-Nangila udi ne bukole bu lubuebue. Bionsu bidiye wenza, bidi bimpe. Bidiye wamba, bidi bilelela. Bidiye ulaya, udi ubikumbaja. Udi wenza amu malu mimpe.

1 Samuele 2:3

Kanuakudi meyi a bungi bua kuditambisha, kanuakudi kabidi nansha a kapeja. Bualu Maweja-Nangila udi Mvidi Mukulu, mmumanye bionsu, ulumbuluisha bantu bua bionsu bidibu benza.