Malaki 2:16 - MUKANDA WA MYIDI MUKULU

¹⁶ Maweja-Nangila Mvidi Mukulu wa Izrayele, ne wa bukole buonsu, udi wamba ne: “Ndi ndiwula dishipa dia dibaka. Muntu udi wenza nanku udi amu bu muntu mushipianganyi. Nudimuke bua kanushipi ndondu wenu.”

Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Yehowa, Nzambi wa Isalele, udi wamba ne, Ndi nkina dishiha dia dibaka; Yehowa wa misumba udi wamba ne, Ndi nkina muntu udi ukengesha mukashi wandi nunku. Nudimuke bienu, bua nuenu kanulekedianganyi.

Malaki 2:16 ပူးပေါင်းရင်းမြစ်များ

Misambu 73:6

Badi baditemba, bu bantu bela mabue a busanga. Tshinyangu ke tshiabu tshivualu tshidi tshibakumbanyina.

Nsumuinu 28:13

Udi usokoka bilema biende, kena utuuta dikasa dimpe. Kadi udi ubitonda, ubibenga, Mvidi Mukulu neamufute luse.

Nsumuinu 5:20

Muananyi, mukaji wa bende udi ukusamina muoyi bua tshinyi? Bua tshinyi udi musue kubuelela mukaji wa bende mu nzubu.

Yeshaya 28:20

Eyowa, bu muambile bakulu ne: bulaalu mbupite buipi, muntu kena mua kudiololapu. Mbulankete mmupite bukese, muntu kena mua kudijingilamu.

Yeshaya 50:1

Maweja-Nangila udi unuebeja ne: Nudi nuamba ne: ndi mubenge Yerushalayime, mamuenu, kadi mukanda udi ujadika mundi munubenge wepi? Meme munusumbishe, munutume ku bupika, bua meme kufuta mabanza, kadi ndi munutume kudi nganyi? Eyowa, bavua banusumbishe bua malu enu mabi, bavua babenge mamuenu bua buntomboji buende, bua buntomboji buenu.

Yeshaya 59:6

muntu kena mua kubuvuala, muntu kena mua kudibuikilabu. Buntande budi amu bupetesha bantu dikenga. Ke mudi bianza bienu bienza mudimu, amu bua kukengesha bantu.

Luke 16:18

Muntu yonsu udi wipata mukajende, usela mukuabu, mmunyange dibaka. Udi usela mukaji uvuabu babenga kudi bayende, udi munyange pende dibaka.

1 Korente 7:10

Bena ditaba badi baselangana, ndi mbelela mukenji (udi kauyi wanyi, kadi wa kudi Mfumu) wa ne: mukaji udi ku dibaka, kena ne bua kumuka kudi bayende.