Malaki 2:12 - MUKANDA WA MYIDI MUKULU

¹² Maweja-Nangila umushe muntu yonsu udi wenza malu mabi a nanku munkatshi mua ndelanganyi ya Yakobe, nansha yeye ulambula Maweja-Nangila wa bukole buonsu milambu!

Mukanda wa Nzambi Dihungila Dikulukulu ne Dihungila Dihia-dihia 2003

¹² Yehowa umushe muntu udi wenza nunku mu ntenta ya Yakoba, nansha mukonki nansha muitabi, nansha udi ulua ne mulambu kudi Yehowa wa misumba.

Malaki 2:12 ပူးပေါင်းရင်းမြစ်များ

1 Kulondolola 25:8

Bua kumanya dilondangana diabu ku mudimu, bavua batshinka, kabayi batangila dishilangana didi pankatshi pa bana ne bakulumpe, nansha pankatshi pa bakadi bamanye ne batshidi batuadija kulonga.

Yeshaya 61:8

Meme Maweja-Nangila ndi munange bantu badi benzelangana bimpe. Kadi ndi ndiwula bantu badi bangata tshintu tshia bende ku bukole. Nensankishe bantu banyi. Nentue nenu ndondu wa kashidi.”

Yeshaya 66:3

Bualu bantu aba bua kulambula milambu, badi bashipa ngombe. Kadi badi mua kushipa kabidi muntu mene. Badi bakosa mukoku muminu, kadi badi bashipa kabidi ne mbua mene. Badi balambula mulambu wa bia pa madimi. Kadi badi amu mua kulambula nansha mashi a ngulube. Badi bosha manananshi, kadi badi banemeka kabidi mvidie ya dishima. Bualu bantu aba mbadisunguile njila udibu basue kulonda. Bidi bibasankisha ke bindi mbenga meme.

Yezekiyele 14:10

Muambi wa nanku, ne muntu udi uya kumukonka malu, bonsu babidi mbena tshibawu tshia momumue. Nembanyoke.

Yezekiyele 24:21

nuenu bena Izrayele, ne: “Meme Maweja-Nangila Mvidi Mukulu nennyange nzubu wanyi wa tshijila. Nudi nudisua nende, numutangila nusanka. Ke muaba unudi nutekemena bua kupetela muoyi. Nebashipe bana benu ba balume ne ba bakaji banuvua bashiye mu Yerushalayime.

Osheya 9:12

Nansha bobu bakolesha bana, nembumushe panu, kabayi banji kufika ku bantu. Pangikala mumane kubenga bena Efrayime, nebashale bena diakabi!

Lewitiki 18:29

Nanku bantu bonsu badi benza malu mabi a nenku, nebabipate mu bena Izrayele.

Lewitiki 20:3

Kabidi meme Maweja-Nangila nennyoke muntu awu. Nemmuipate munkatshi mua bena Izrayele, bualu mmulambule mvidie wa Moleke muanende. Mulambu wa mushindu awu, udi upisha muaba wanyi wa tshijila mikiya, upepeja dina dianyi dia tshijila.

Amosa 5:22

nansha nundambula milambu ya kuosha. Milambu ya bia pa madimi enu idi imfikila ku muoyi. Tshiena nansha ntangila nyama, inudi nundambula bu milambu ya bobumue.

Zekâya 12:7

Maweja-Nangila neadianze kuambuluisha meku a Yuda, bua ndelanganyi ya Davide, ne bena Yerushalayime, kabadimonyi ne: tudi ku mutu kua bena Yuda bakuabu.

Malaki 1:10

Bivua mua kuikala bimpe, bua muntu wa munkatshi muenu, akange biibi bia ku nzubu wa Mvidi Mukulu, bua kanutemeshi kabidi kapia pa tshilambuilu tshianyi. Bualu kanuena ne tshia nsongu tshinudi nuenzamu. Bualu meme Maweja-Nangila wa bukole buonsu ndi njadika ne: tshiena nsanka bua kunumona. Milambu inudi nundambula kayena indengelela nansha.

Malaki 1:13

Nudi nuamba kabidi ne: “Udi utupungija ne mudimu mukole be.” Nudi amu numpetula meme Mvidi Mukulu wa bukole buonsu. Nudi nundambula nyama miiba, mikale itebuka, nansha isama. Ndi nnukonka ne: mundi mua kuanyisha milambu ya mushindu ewu mmunyi?

Malaki 2:10

Tuetu bonsu katuena bena tatu umue anyi? Mvidi Mukulu wa mumue ke udi mutufuke! Kadi tudi tuenzelangana malu mabi, tupula ndondu uwa Mvidi Mukulu mutue ne bankambua betu bua tshinyi?

Dibadika 24:5

Nuenu bena Izrayele, ndelanganyi ya Yakobe, ntenta yenu inudi nusomba idi mimpe mitambe.

Matayi 15:14

Balekelayi! Bampofu, badi balombola bampofu! Kadi padi mpofu ulombola mpofu nende mu njila, bonsu babidi nebadishinde mu tshiina.

2 Timote 3:13

Kadi bantu babi ne bena dishima nebatungunuke amu kutungunuka ne dienza bibi. Nebashimangane. Bantu bakuabu nebabashime.

Didimanyisha 19:20

Kukuatabu nyama, pamue ne muambi wa dishima uvua muenze malu a dikema, nyama mutangile. (Uvua mudinge ne malu a dikema awu bavuabu batue tshitampi tshia nyama, bakukuile tshimfuanyi tshiende.) Bavua bela nyama ne muambi wa dishima, batshikale ne muoyi, mu mayi manene avua atema kapia ka mvuanda.

1 Samuele 3:14

Nanku, ndi mumane kuditshipa bua bena nzubu wa Eli ne: nansha bobu bandambula nyama miosha, nansha bintu bia mu madimi, tshiena mua kupua bubi buabu muoyi to.