Malaki 1:6 - MUKANDA WA MYIDI MUKULU

⁶ — Meme Maweja-Nangila wa bukole buonsu, ndi ngambila batuangaji ne: Muana wa balume udi unemeka tatuende, muena mudimu udi unemeka mfumuende. Kadi meme tshiena tatuenu anyi? Tshiena mfumuenu anyi? Nanku kanuena nunnemeka, kanuena nuntshina bua tshinyi? Nudi numpetula, nunkonka ne: “Tudi bakupetule munyi?”

Mukanda wa Nzambi Dihungila Dikulukulu ne Dihungila Dihia-dihia 2003

⁶ Muana wa balume udi unemeka tatuʼandi, muhika udi unemeka nfumu wandi; kadi bingikala tatu, kunemekibua kuanyi kudi hanyi? Bingikala mukelenge, dintshina didi hanyi! Edi ndikonka dia Yehowa wa misumba kunudi, nuenu bakuidi, badi balengulula dina dianyi. Kadi nudi nunkonka ne, Tuakulengulula dina diebe munyi?

Malaki 1:6 ပူးပေါင်းရင်းမြစ်များ

Misambu 123:2

Bu mudi mesu a bapika, matangile tshianza tshia mfumuabu, bu mudi mesu a muena mudimu mukaji matangile tshianza tshia mamuende wa nzubu, ke mudi mesu etu matangile kudi Maweja-Nangila Mvidi Mukulu wetu, too ne muatuambuluishaye.

Ekesode 20:12

“Nemeka tatuebe ne mamuebe, nanku neulale bidimu bia bungi pa buloba bundi meme Maweja-Nangila Mvidi Mukulu webe mukupeshe.

Nsumuinu 17:6

Disanka dia bantu bakulumpe mpadibu bamone biikulu babu. Disanka dia bana mpadibu batangile baledi babu.

Nsumuinu 30:11

Kudi bantu badi batshipa batatuabu, bajana bamamuabu misangu yonsu.

Nsumuinu 30:17

Padi muntu useka tatuende, nansha ubenga kuitaba ku diyi dia mamuende, bikololu nebimutonkole mesu, biminyi nebimudie.

Yeshaya 1:2

Maweja-Nangila udi wamba ne: “Diulu, teleja, buloba, teya matshi. Meme kukolesha bana. Kadi bobu bamane kukola, kuntombokelabu.

Yeshaya 43:23

Kuena mundambule meme, kuena mungoshile bana ba mikoku to. Unudi banemeke ne milambu yenu, ki mmeme to. Meme tshiena mukubueje mu bupika, bua kukuenzela malu ku bukole, bua wewe kundambula milambu. Tshiena mukutonde pa kukulomba milambu ya manananshi.

Yeshaya 45:10

Muena diakabi mmuntu udi ukimina kuebeja tatuende ne: “Udi mumfikishe ku bantu nenku bua tshinyi?” Muena diakabi mmuntu udi ukonka mamuende ne: “Tshiudi mundelele ntshinyi?”

Yeshaya 64:7

Kadi wewe, Maweja-Nangila, udi amu tatu wetu. Tuetu tudi diima. Wewe ke udi mutufumbe, tudi bonsu bintu biuvua muenze ku bianza biebe.

Yeshaya 64:8

Maweja-Nangila, kutuleji tshiji tshipite bukole. Kuvuluki kashidi ntupakanyi itudi nayi. Tudi tukusengelela ne: vuluka mutudi bonsu bantu bebe.

Yirmeya 23:11

Bambi ne batuangaji bonsu badi benza buenzavi. Meme kubasangana benza bibi ne mu nzubu wanyi. Meme Maweja-Nangila ndi ngamba nanku.

Yirmeya 3:4

Mpindiewu udi umbikila ne dikamakama, wela mbila ne: “Tatu wanyi, mulunda wanyi wa ku buana,

Yirmeya 31:9

Badi bapingana badila muadi, kadi meme ndi ngenda nabu, mbasamba. Nembafile ku misulu idi ne mayi mavule. Ndi mbafile mu njila muimpe, udi kayi ne biniina, bua kabayi kudishinda. Bualu meme ndi tatu wa bena Izrayele. Efrayime ke muananyi muanabute.

Yirmeya 35:16

Bena Rekabe pabu bavua balonda mukenji wa kudi Yonadabe nkambua wabu. Kadi nuenu bena Yuda kanuvua banteleje to.”

Yezekiyele 22:26

Batuangaji benu kabena balonda mikenji yanyi, kabena banemeka miaba idibu bajidila mu dina dianyi. Kabena basunguluja bintu bidi bia tshijila, ne bintu bikuabu bidi bia tshianana. Kabena balongesha bantu mudi bintu bikuabu kabiyi ne mikiya, bikuabu ne mikiya. Kabena banemeka kabidi dituku dia Dikisha; badi badilengulula ku bukole. Nanku, kamuena muntu nansha umue udi unnemeka, mudibu ne bua kunnemeka.

Osheya 12:8

Maweja-Nangila udi wamba ne: Nuenu bena Efrayime, nudi bafuanangane ne bena Kenaane. Bualu nudi ne tshipimu tshia dishima ku bianza. Bua kupeta bintu, nudi nudinga bantu.

Osheya 4:6

Bantu banyi nebafue, bualu kabena bammanye meme to. Wewe kabidi uvua mundengulule. Nanku, nenkubenge, nkumushe ku mudimu wanyi wa butuangaji! Bualu mikenji yanyi meme Mvidi Mukulu webe, udi muyipue muoyi. Nanku meme tshiakuvuluka kabidi bana bebe to.

Osheya 5:1

Telejayi bimpe, nuenu batuangaji, nuenu kabidi bamfumu ba bena Izrayele, ne nuenu bonsu badi basombe mu lubanza lua mukalenga, nuenu ke bavua mua kulumbuluisha bantu bimpe. Kadi, ku Mispa nuvua bateye bantu banyi. Ku mukuna wa Tabore, nuvua nubamuenekela bu bukondu bumana kuela.

Lewitiki 19:3

“Muntu yonsu wa kunudi anemeke tatuende ne mamuende, kabidi anemeke dituku dia Dikisha. Bualu Meme ndi Maweja-Nangila Mvidi Mukulu wenu.

Sefanya 3:4

Bambi babu badi baditemba, banyanga mudimu wabu. Batuangaji babu kabena banemeka bintu bia tshijila; badi banaya ne mikenji ya Mvidi Mukulu.

Malaki 2:1

“Meme Maweja-Nangila wa bukole buonsu ndi nnubela nuenu batuangaji, ne:

Malaki 2:10

Tuetu bonsu katuena bena tatu umue anyi? Mvidi Mukulu wa mumue ke udi mutufuke! Kadi tudi tuenzelangana malu mabi, tupula ndondu uwa Mvidi Mukulu mutue ne bankambua betu bua tshinyi?

Malaki 2:8

Kadi nuenu batuangaji, nudi banyange mudimu wenu. Nudi balenduishe bantu ba bungi ku dilongesha dienu. Nudi bupule ndondu umvua mutue nenu. Meme Mvidi Mukulu wa bukole buonsu ndi njadika nanku.

Malaki 3:5

Mvidi Mukulu wa bukole buonsu udi ujadika ne: “Nemfike munkatshi muenu bua kunulumbuluisha. Nempishe lukasa bantu badi benza malu a majimbu, badi benda tshiendenda, badi baditshipa mitshipu ya dishima, badi babenga kufuta muena mudimu, badi bakengesha bakaji bakamba, bana ba nshiya ne benyi, nansha bonsu badi kabayi bantshina meme.”

Matayi 15:4

Bualu Mvidi Mukulu uvua muambe ne: “Nemeka tatuebe ne mamuebe.” Uvua muambe kabidi ne: “Udi wamba tatuende nansha mamuende bibi, basangane kumushipa anyi? Bamushipe!”

Matayi 15:6

muntu awu kena ne tshilumbu tshia kuambuluisha kabidi tatuende to.” Ke munudi nunyanga muaku wa Mvidi Mukulu, bua kukumbaja bibidilu bienu.

Matayi 19:19

Nemeka tatuebe ne mamuebe. Nanga mukuebe muudi mudinange wewe mene.

Matayi 6:9

Nutendelele mushindu ewu: “Tatu wetu udi mu diulu, dina diebe dia tshijila ditumbe;

Matayi 7:21

— Bantu badi bambikila ne: “Mfumu, Mfumu,” kabena babuela bonsu mu Bukalenga bua mu diulu to, amu badi benza tshidi Tatu wanyi udi mu diulu musue.

Marke 10:19

Udi mumanye mikenji ya ne: “Kushipi muntu; kuendi buendenda; kuibi; kuena mua kushiminyina muntu bualu; kuangatshi bintu bia bantu bakuabu ku dishima; unemeke tatuebe ne mamuebe.”

Marke 7:10

Bualu Moshe uvua muambe ne: “Unemeke tatuebe ne mamuebe,” kabidi ne: “Muntu udi utshipa tatuende nansha mamuende, bamushipe.”

Luke 10:29

Kadi mulongeshi wa mikenji uvua musue kuleja Yezu ne: lukonku luanyi luvua pa bualu. Ke kuebejaye Yezu ne: — Mukuetu nnganyi?

Luke 18:20

Udi mumanye meyi ne mikandu: “Kubueledi mukaji wa bende mu nzubu, kushipi muntu, kuibi, kushiminyinyi muntu bualu, unemeke tatuebe ne mamuebe.

Luke 6:36

Ikalayi ne luse luvule, bu mudi Tatuenu ne luse luvule.

Luke 6:46

“Nudi numbikila ‘Mfumu, Mfumu,’ kanuyi nuenza mundi munuambile bua tshinyi?

Efeze 6:2

“Nemeka tatuebe ne mamuebe” ke mukenji wakumpala udibu bela, balaya bualu. Udi uukumbaja, badi bamulaya ne:

Dielulula 1:31

ne mu tshipela. Nuenu nkayenu nudi bajadike muvua Maweja-Nangila munuambule, bu mudi muntu wambula muanende mu njila, too ne munudi bafike muaba ewu!”

Dielulula 32:6

Nudi bantu ba tshianana, kanuyi lungenyi! Munudi nuenzela Maweja-Nangila nanku mbishi? Kena Tatuenu, kena mufuki wenu anyi? Kena munusungule, bua nuikale bantu bende anyi?

Dielulula 5:16

“Muntu yonsu wa kunudi anemeke tatuende ne mamuende, mundi munuambile. Nanku nenuikale bena diakalenga mu ditunga, dindi meme Maweja-Nangila Mvidi Mukulu wenu munupeshe bua nushalemu ne muoyi matuku a bungi.

1 Petro 1:17

Panudi ntendelela, nudi nubikila Mvidi Mukulu ne: “Tatu”. Yeye kena ne kansungasunga. Udi ukosa nsambu ya bantu amu pa yoyi, bilondeshile malu adi muntu ne mutu muenze. Nanku matuku onsu anutshidi benyi panu, nuleje Mvidi Mukulu kanemu kenu mu bionsu binudi nuenza.