Malaki 1:5 - MUKANDA WA MYIDI MUKULU

⁵ Nuenu bena Izrayele nenumone malu aa. Nenukeme, nuamba ne: “Maweja-Nangila udi uleja bukole buende too ne ku ba bende, miaba idi kayiyi bena Izrayele!” Maweja-Nangila udi ubela batuangaji

Mukanda wa Nzambi Dihungila Dikulukulu ne Dihungila Dihia-dihia 2003

⁵ Mesu enu neamone malu â, nenuambe ne, Yehowa udi munene, nenuambe dî edi tô ne mu miaba mihite butshika bua buloba bua Isalele.

Malaki 1:5 ပူးပေါင်းရင်းမြစ်များ

2 Kulondolola 29:8

Nanku, Maweja-Nangila kufikila bena Izrayele ne bena Yuda munda bikole, kubalekelaye. Nuenu bonsu nudi bamanye mudi bantu bapampakana pa kumvua batela tshilumbu atshi tshia bena Yuda, babaseka.

Yezekiyele 38:16

Neufike bua kuluisha bantu banyi bena Izrayele. Neubuikile ditunga diabu bu mudi divuba dibuikila buloba. Nebienzeke kunyima kua matuku a bungi. Nenkutume wewe Ngoge bua kuluisha bena mu ditunga dianyi, bua bantu ba mu matunga a bende bamanye ne: ndi Mvidi Mukulu wa tshijila. Nembaleje malu onsu aa bualu wewe newikale muntu wanyi.

Yezekiyele 38:23

Nanku, nendeje bisamba bionsu ne: ndi Mvidi Mukulu munene wa tshijila. Bisamba nebimanye ne: meme ndi Maweja-Nangila.”

Yezekiyele 39:9

Bena Izrayele nebapatuke mu bimenga biabu. Nebatemeshe kapia. Neboshemu bia mvita bia baluishi babu. Ngabu minene ne mikese, mata ne mikete, mafuma ne misongolu, nebabioshe mu kapia kadi ne bua kutema bidimu muanda mutekete.

Mika 5:4

Yeye neafile ditalala. — Pikala bena Ashure bafika bua kukuata ditunga dietu, babuela mu nzubu ya bakalenga betu, netubatumine bamfumu tshisumbu tshinene bua kubaluisha.

Dielulula 11:7

Nanku nuenu nudi bajadike malu manene adi Maweja-Nangila munuenzele.

Dielulula 4:3

Nuvua badimuene nkayenu, muvua Maweja-Nangila Mvidi Mukulu wenu, mubutule bantu, bavua batendelela mvidie Baale-Peyore.

Yoshua 24:7

Bankambua benu kumbikila bua meme kubambuluisha. Meme kuteka divuba dia muinshi pankatshi pa tshisamba tshia bena Izrayele, ne tshia bena Ejipitu. Pashishe meme kubutula bena Ejipitu bonsu, mayi manene kubabuikilawu. Nuenu nudi bamanye mumvua mukengeshe bena Ejipitu! Malu onsu awu mamane kujika, tshisamba tshienu tshia bena Izrayele kushala mu tshipela matuku mapite bungi.

1 Samuele 12:16

Mpindiewu dilongololayi, nutangile tshishima tshinene tshidi Maweja-Nangila musue kuenza, nuenu bamone.