Malaki 1:4 - MUKANDA WA MYIDI MUKULU

⁴ Pikala bena Edome bamba ne: “Mbatubunde, kadi netuibake tshiakabidi bimenga bietu bidibu banyangakaje.” Meme Maweja-Nangila wa bukole buonsu ndi ngamba ne: “Nansha bibake tshiakabidi bimenga abi, kadi meme ne-mbiupule.” Nebinyike ditunga diabu ne: “Ditunga dia malu mabi.” Badi basombamu nebabinyike ne: “Bantu badi Maweja-Nangila ulekela tshiji.”

Mukanda wa Nzambi Dihungila Dikulukulu ne Dihungila Dihia-dihia 2003

⁴ Biamba Edome ne, Bakatubutula, kadi netuibake mu bikulu kabidi, Yehowa wa misumba udi wamba ne, Base biabo, kadi meme nenguhule. Bakuabo nebababikile ne, Buloba bua bubi, ne Bantu badi Yehowa nʼabo tshiji tshiendelele.

Malaki 1:4 ပူးပေါင်းရင်းမြစ်များ

Yobe 12:14

Tshidi Mvidi Mukulu mupule, kabena batshibakulule kabidi. Udiye wela mu lukanu, kabena mua kumupatulamu nansha!

Yobe 34:29

Kadi padi Mvidi Mukulu kayi unyoka muntu, udi mua kumupisha nnganyi? Yeye musue kusokoma, udi mua kumumona nnganyi?

Yobe 9:4

Mvidi Mukulu udi mutupite ku bukole ne ku lungenyi. Udi mua kumutonuena mesu kabayi bamunyoka, nnganyi?

Misambu 127:1

Musambu wa bena ngendu udi mu mukanda wa misambu ya Shelomu. Padi Maweja-Nangila kayi muibake nzubu, bibaki badi batata tshianana. Yeye kayi mulame tshimenga, balami badi batshisha tshianana.

Misambu 137:7

Maweja-Nangila, kupangi kuvuluka malu avua bena Edome benze, dituku divuabu bakuate Yerushalayime: bavua bela mbila ne: “Butulayi tshimenga, tshibutulayi ne ku bitaku biatshi!”

Misambu 33:10

Maweja-Nangila udi utupakaja ngenyi ya bukua bisamba, upumbisha meji adi bantu bela.

Nsumuinu 21:30

Meji, lungenyi nansha dimanya bidi tshianana, paudi uluisha Maweja-Nangila.

Yeshaya 10:4

Diba adi, nudi mua kusungula amu malu abidi: kubuelakana ne bena lukanu, nansha kufua. Kadi tshiji tshia Maweja-Nangila katshiena tshijika, tshianza tshiende tshitshidi tshiela mulu.

Yeshaya 11:14

Nebaye bonsu pamue batangile luseke ludi diba dibuelela, ku mikuna ya bena Peleshete. Bonsu babidi nebaye batangile luseke ludi diba dipatukila, bua kupawula bisamba bidi mu tshipela. Nebakuate ditunga dia bena Edome ne dia bena Mowabe. Bena Amone nebikale ku bumfumu buabu.

Yeshaya 34:10

kadi katema bufuku ne munya, kabandisha amu kubandisha muinshi mulu. Ditunga nedishale dikolu, muntu kayi upitshilamu, kashidi ne kashidi.

Yeshaya 34:5

Muele wa mvita wa Maweja-Nangila, udi umueneka mu diulu. Monayi mudiwu ushipa bantu ba bena Edome aba, badi Maweja-Nangila musue kubutula.

Yirmeya 31:17

Maweja-Nangila udi wamba ne: Kutekeshi mu maboku to. Bana bebe nebapingane mu ditunga.

Yirmeya 49:20

Nanku, teleja tshidi Maweja-Nangila musue kuenzela bena Edome, tshidiye mulongoluele bena Temane. Kanuedi mpata: bana ne bena butekete mene, nebaye nabu bonsu, bu mudibu basaka bimuna.

Yirmeya 49:7

Maweja-Nangila wa bukole buonsu udi umanyisha malu adi atangila bena Edome, wamba ne: Bena meji kabena kabidi mu Temane anyi? Bena lungenyi lutue kabena mua kufila kabidi ngenyi anyi? Lungenyi luabu ndunyanguke anyi?

Yirmeya 49:8

Bena Dedane, kudimukayi, nunyeme! Nusombe ku mbuebue, bualu ndi imubutula anu mpindiewu, nuenu ndelanganyi ya Esawu. Ke tshikondu tshindi ne bua kununyoka!

Yirmeya 5:17

Bena tshisamba atshi nebadie bintu bienu bionsu, binudi nunowa, ne binutshidi nabi mu mayeba, bana benu ba balume ne ba bakaji, bimuna bienu binene ne bikese, mionji yenu ya mvinyo ne mitshi yenu ya bimuma. Bena mvita nebanyangakaje bimenga bienu bivuabu bakoleshe ne bimana, muaba unudi nuela meji ne: njiwu kayena mua kutukuata munemu to.”

Muadi 3:37

Nganyi udi mua kutuma diyi musangu amu umue, bualu kuenzekabu? Amu Maweja-Nangila ke udi wenza nanku.

Yezekiyele 11:10

Nansha munda mua ditunga dia bena Izrayele nennunyoke, nennushipe mu mvita, bua mimanye ne: meme ndi Maweja-Nangila.

Yezekiyele 25:13

Kadi meme Maweja-Nangila Mvidi Mukulu ndi njadika ne: Nennyoke bena Edome bikole. Nembutule bantu ne nyama bidi mu ditunga diabu. Ditunga nedishale tshipela, biangatshile ku tshimenga tshia Temane too ne ku tshia Dedane. Bantu ba mu ditunga dia Edome nebafue mu mvita.

Yezekiyele 25:14

Bantu banyi bena Izrayele nebasombuele bena Edome mu dina dianyi. Bena Izrayele nebabanyoke bikole, mushindu udi tshiji tshianyi tshilomba. Bena Edome nebalonge mudibu ne bua kuntshina. Meme Maweja-Nangila Mvidi Mukulu, ndi njadika bualu abu.”

Yezekiyele 26:14

Nenkushiye anu lubuebue lutupu, muaba udi balobi ba minyinyi ya mu mayi banyikila makondu abu. Kabakuibaka kabidi tshimenga to. Meme Maweja-Nangila Mvidi Mukulu ndi njadika nanku.

Yezekiyele 35:4

Bimenga bienu nebishale makolu. Ditunga dienu nedinyanguke kashidi. Nenumanye ne: meme ndi Maweja-Nangila.

Yezekiyele 35:9

Nenshiye ditunga dienu tshipela kashidi. Muntu kakusomba kabidi mu bimenga bienu to. Nanku nenujadike ne: meme ndi Maweja-Nangila.

Amosa 1:11

Teleja tshidi Maweja-Nangila wamba ne: “Ndi ndumbuluisha bena Edome, mbapisha bua malu mabi mavule, kadi nangananga, bualu bavua balondakaja, ne muele wa mvita mu bianza, bana babu bena Izrayele. Kabavua ne luse nansha lua kana. Bavua balamina bana babu lukuna kashidi, babafikila munda, bakeba kubabutula. Nanku tshiena mua kubafuila luse! Nenkumbaje bindi mujadike ne:

Amosa 3:15

Nengupule nzubu yonsu, nansha udibu base bua tshikondu tshia mashika, nansha bua tshikondu tshia luya. Nennyangakaje nzubu mialabale ayi, isuabu balengeja ne mibanga. Meme Maweja-Nangila ndi njadika nanku.

Amosa 5:11

Nudi nukengesha udi kayi bukole, numunyenga ntete ivuaye munowe. Nanku kanuakulala mu nzubu mipiamipia, inuvua base ne mabue. Kanuakunua maluvu a mvinyo anuvua bapete, ku mionji misunguluke inuvua bakune.

Amosa 6:11

Dimukayi, bualu: Maweja-Nangila mmuele diyi, nzubu yonsu neyele mitanta, yupuka, minene, nansha mikese.

Amosa 6:2

Nuanji kuya ku Kalne, numone bivua bienzekaku. Pashishe nupitshile ku tshimenga tshinene tshia Amate. Nutungunuke too ne ku Ngate, tshimenga tshia bena Peleshete. Nenujadike ne: kanuena nupita makalenga aa nansha, nansha buloba buawu buikale bushadile ku buenu.

Obadya 1:1

Telejayi bivua Maweja-Nangila Mvidi Mukulu mumanyishe Obadya, bua kukanyina bena Edome. Maweja-Nangila kutuma muntu ne mukenji, kudi bantu ba bisamba bikuabu. Tuetu kumvua muntu awu wamba ne: “Jukayi, tuye kuluisha bena Edome.”

Obadya 1:10

“Nuvua baluishe bana benu, ndelanganyi ya Yakobe babashipe, bapawule bintu biabu. Nanku bundu nebunukuate. Nebanubutule kashidi.

Malaki 1:3

mudiwule Esawu. Mvua munyange buloba bua mikuna budibu basombe kudi bena Edome, ndelanganyi ya Esawu. Mvua mufile ditunga diabu kudi mibuabua ya mu tshipela.

Matayi 12:30

Udi kayi nanyi, mmumbenge. Udi kayi ungambuluisha bua kusangisha, udi umuangalaja.