Malaki 1:2 - MUKANDA WA MYIDI MUKULU

² Maweja-Nangila udi wambila bantu bende ne: — Ndi mununange. Kadi bobu badi bamukonka ne: — Tshidi tshijadika ne: udi mutunange ntshinyi? Maweja-Nangila udi wandamuna ne: — Esawu kavua muanabu ne Yakobe anyi? Kadi mvua munange Yakobe,

Mukanda wa Nzambi Dihungila Dikulukulu ne Dihungila Dihia-dihia 2003

² Yehowa udi wamba ne, Nakunusua, kadi nudi nuamba ne, Wakutunanga munyi? Yehowa udi ukonka ne, Esau kakadi muanʼabo ne Yakoba, anyi? Nakananga Yakoba,

Malaki 1:2 ပူးပေါင်းရင်းမြစ်များ

Genese 25:23

Maweja-Nangila kumuandamuna ne: Bisamba bia bantu bibidi bidi munda muebe, neulele bisamba bibidi bishilangane. Kadi tshisamba tshimue netshipite tshikuabu ku bukole. Muanabute neikale mupika wa muakunyende.

Genese 25:25

Mbuyi uvua mukunze, muikale ne boya pambidi, buenza bu tshinkutu. Kumuinyikabu ne: Esawu.

Genese 25:26

Kadi Kabanga kulua, mukuate muanabu Esawu ku tshikankanya. Kumuinyikabu ne: Yakobe. Diba divuabu balele bana abu, Izake uvua ne bidimu makumi asambombu.

Genese 27:33

Izake mukana kumukuata kapia, kukonkaye ne: — Uvua muntuadile munyinyi wa nyama wa mu bulembi, wewe kuyi muanji kufika nnganyi? Ndi mumane kudia bivuaye mundambile. Mbamuedi lupemba. Neashale nalu kashidi.

Genese 48:4

Uvua mundaye ne: “Neulele bana ba bungi. Ndelanganyi yebe neivulangane, yenza bisamba bivule. Ditunga edi nedishale dienu kashidi.”

1 Bakalenga 10:9

Maweja-Nangila Mvidi Mukulu webe atumbe. Uvua mukusungule bua wikale mukalenga wa bena Izrayele! Bualu Maweja-Nangila mmunange bena Izrayele kashidi. Ke padiye mukuteke mukalenga wabu bua kubaludika mu njila wa malu mimpe.

2 Bakalenga 3:8

Kadi, Yosafate kukonka Yorame ne: “Netuyile njila kaayi?” Yorame kuandamuna ne: “Netuyile mu tshipela tshia Edome.”

Yeshaya 43:4

Bualu udi ne mushinga ku mesu anyi. Kakuena mukuabu, amu wewe! Meme ndi mukunange. Nenku, ndi mfila bantu bakuabu pa mutu pebe. Bisamba bikuabu nembishintakaje nebe.

Yeshaya 63:1

Nganyi ewu udi ufuma ku Edome, mu tshimenga tshikulu tshia Bosra, ne bilamba bikunze kunzuu? Udi muvuale tshinkutu tshiende. Udi wenda mpala muele mulu, mudiumvue mudiye ne makanda! Maweja-Nangila udi wandamuna ne: — Ke meme! Ndi mufike bua kukosa nsambu, ndi mufike bua kunyoka bukua matunga, bua nsungidile bantu banyi.

Yirmeya 2:31

(Bantu badi babala bualu ebu mpindiewu, bateleje bimpe tshidi Maweja-Nangila wamba!) Bena Izrayele, meme Maweja-Nangila ndi nnukuatshisha bowa mudi tshipela nansha mudi ditunga didi ne miidima bikuatshisha bantu bowa anyi? Eyi, bantu banyi bena Izrayele, mmunyi munudi nuamba ne: “Tudi tuenza mutudi basue, katuena tupingana kuudi!”

Yirmeya 2:5

Maweja-Nangila udi unukonka ne: Bankambua benu bavua bammone ne bualu bubi kaayi? Bakandekela bua tshinyi? Bakambenga amu bua kutendelela mvidie ya tshianana. Nanku bobu kabidi badi bantu ba tshianana!

Yirmeya 31:3

Bantu banyi bavua bamba ne: “Maweja-Nangila mmutumuenekele mufume kule!” Ke meme kubambila ne: “Ndi mununange tshiendelele. Ke pandi nnulamata kashidi.

Amosa 1:11

Teleja tshidi Maweja-Nangila wamba ne: “Ndi ndumbuluisha bena Edome, mbapisha bua malu mabi mavule, kadi nangananga, bualu bavua balondakaja, ne muele wa mvita mu bianza, bana babu bena Izrayele. Kabavua ne luse nansha lua kana. Bavua balamina bana babu lukuna kashidi, babafikila munda, bakeba kubabutula. Nanku tshiena mua kubafuila luse! Nenkumbaje bindi mujadike ne:

Malaki 2:17

Nudi nutondesha Maweja-Nangila ne mayuki enu. Nudi nukonka ne: “Tudi tumutondesha munyi?” Bidi bimutonda ke miaku inudi nuamba ne: “Maweja-Nangila udi wanyisha muntu udi wenza malu mabi. Tshianana uvua mua kunyoka bantu ba mushindu ewu. Ke kabidi miaku yenu ya ne: “Mvidi Mukulu utu ukosa nsambu pa yoyi, udi penyi?”

Luke 10:29

Kadi mulongeshi wa mikenji uvua musue kuleja Yezu ne: lukonku luanyi luvua pa bualu. Ke kuebejaye Yezu ne: — Mukuetu nnganyi?

Yowanane 15:12

Telejayi mudi mukenji wanyi: nunangangane mundi munanga.

Dielulula 10:15

Kale Maweja-Nangila uvua umvuangana amu ne bankambua benu, mubanange anu bobu. Kadi mpindiewu, mmunusungule nuenu, ndelanganyi yabu, munkatshi mua bisamba bionsu, munudi bamone emu.

Dielulula 23:5

Bualu panupatukila mu Ejipitu, bantu aba bavua banupale biakudia ne mayi a kunua mu luendu luenu. Kabidi bavua bafuta Balaame bua kunutshipaye. Balaame ewu, ke muana wa Beyore, uvua mu musoku wa Petore, mu Mezopotamiya.

Dielulula 33:3

Maweja-Nangila mmunange bisamba bia bena Izrayele. Udi ukuba bonsu badi bamuitaba, bimane ku makasa ende bua kumvua mibelu yende.

Dielulula 4:37

Maweja-Nangila uvua wenza bionsu ebi, bualu uvua unanga bankambua benu. Kabidi uvua munusungule nuenu ndelanganyi yabu. Kunupatulaye mu Ejipitu ku bukole buende.