Malaki 1:14 - MUKANDA WA MYIDI MUKULU

¹⁴ Muntu udi ne nyama mimpe mu bimuna biende, undaya nyama muimpe, kadi undinga, undambula nyama udi ne tshilema, mmuena diakabi. Bualu meme ndi mukalenga munene udi bisamba bionsu bitshina. Meme Maweja-Nangila wa bukole buonsu udi njadika nanku.

Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Kadi mulau wikale kudi udi udinga, udi ne mulume wa mikoko mu bimuna biandi, udi ulaya bua kumufila, hashishe, udi ufila mukuabo udi mulema kudi Yehowa. Yehowa wa misumba udi wamba ne, Meme ndi Mukelenge mimene, dina dianyi didi ditshinyisha ha mu bisamba bia bantu.

Malaki 1:14 ပူးပေါင်းရင်းမြစ်များ

Genese 27:12

Misangu mikuabu tatu udi mua kumbabata pambidi, kunsangana ne: ndi muena dishima. Udi mua kungela mulawu pa mutu pa kungela lupemba.

2 Samuele 24:24

Kadi mukalenga Davide kumuambila ne: — Kumpeshi tshianana to. Ndi musue kubisumba. Ndi nkufuta. Tshiena musue kulambula Maweja-Nangila Mvidi Mukulu wanyi milambu idibu bampesha tshianana to! Davide kumufuta nkanu mitoke ya mushinga mukole makumi atanu bua kusumba muaba wa tshishipuidi tshia ntete ya kuenza bukula, ne ngombe.

Misambu 102:16

Bisamba bionsu bia bantu benyi bitshine Maweja-Nangila, bakalenga bonsu ba pa buloba bujima batshine butumbi buende.

Misambu 47:2

Bisamba bionsu, tutayi nkashi. Nutumbishe Mvidi Mukulu ne mbila ya disanka.

Misambu 47:3

Bualu Maweja-Nangila, Mvidi Mukulu Muena kulu, udi wa kutshina, udi mukalenga munene, ulombola buloba bujima.

Misambu 47:8

Bualu Mvidi Mukulu ke mukalenga udi ulombola buloba bujima. Numutumbishe numuimbile misambu mimpe.

Misambu 48:2

Maweja-Nangila udi munene. Mbimpe tutumbishe Mvidi Mukulu wetu mu tshimenga tshiende, pa mukuna wende wa tshijila.

Misambu 68:35

Ambilayi bantu bonsu ne: Mvidi Mukulu udi ne bukole, udi Mukalenga munene mu Izrayele, butumbi buende mbutue mulu, mbutue panshi!

Misambu 76:12

Uditshipe kudi Maweja-Nangila, Mvidi Mukulu webe wenze muuvua mumulaye. Nuenu bonsu badi bamunyunguluke, nufike ne milambu yenu kudi Mvidi Mukulu wa kutshina.

Misambu 95:3

Bualu Maweja-Nangila, udi Mvidi Mukulu munene. mMukalenga munene udi upita mvidie yonsu.

Yeshaya 57:15

Udi ku mutu kua bintu bionsu, udi usomba mu nzubu wa kashidi, udibu binyika ne: Wa Tshijila, ke yeye udi wamba ne: “Meme Mvidi Mukulu wa tshijila, ndi nsomba mulu. Kadi ndi ngenda kabidi ne bantu badi mu makenga, badi ne muoyi wa bupuekele. Nanku nempingajile muena bupuekele muoyi, nempingajile mukengi disanka.

Yirmeya 10:10

Kadi, Maweja-Nangila udi Mvidi Mukulu mulelela. Udi Mvidi Mukulu wa muoyi ne mukalenga wa kashidi. Padiye ne tshiji, buloba budi buzakala. Padiye mufike munda, bisamba bia bantu kabiena mua kumutuila nkanana.

Yirmeya 46:18

— Mukalenga udibu babikila ne: “Maweja-Nangila wa bukole buonsu”, udi wamba uditshipa ne: Bu mundi ne muoyi bulelela, bu mudi mukuna wa Tabore munkatshi mua mikuna mikuabu, bu mudi mukuna wa Karmele mupite mayi manene bule. muluishi neafike munkatshi muenu ne bukole bupite.

Yirmeya 48:10

Maweja-Nangila atshipe bantu, badi benza mudimu wende ne lulengu, babenga bua muele wende kaushipi bantu.

Yirmeya 48:15

Bantu badi ne bua kubutula ditunga dienu dia Mowabe bakadi bafike bua kuluisha bimenga bionsu. Bansongalume benu balenga nebaye kupetangana nabu bua kubashipa. Ke tshidi mukalenga munene, udi dina ne: Maweja-Nangila wa bukole buonsu wamba.

Danyele 9:4

Meme kutendelela Maweja-Nangila, Mvidi Mukulu wanyi, mmutondela mibi yanyi: “Eyi, Maweja-Nangila Mvidi Mukulu munene, udi ukuatshisha bantu bowa, udi ulama ndondu yebe ne bonsu badi batumikila mikenji yebe, udi ne diyi dimue kudi bonsu badi bakunanga.

Sefanya 2:11

Maweja-Nangila neabakuatshishe bowa. Neabutule nwidie yonsu ya pa buloba. Diba adi, bantu bonsu, nansha badi basomba kule kupite, nebamutendelele, muntu yonsu muaba udiye usomba.

Zekâya 14:9

Dituku adi, Maweja-Nangila neikale mukalenga wa buloba bujima. Bantu kabakukukuila kabidi mukuabu to, kadi amu Yeye nkayende Mvidi Mukulu. Bonsu nebatumbishe amu dina diende.

Malaki 1:11

Meme Maweja-Nangila wa bukole buonsu, ndi njadika ne: kudi diba dipatukila too ne kudidi dibuelela bantu ba bisamba bionsu badi bannemeka. Miaba yonsu badi bangoshila musenga wa kamonya, badi bandambula milambu minkumbanyine. Bulelela, bisamba bia bende bidi binnemeka.

Malaki 1:8

Panudi nundambula nyama mufofame mesu, utebuka, nansha usama, nudi nuenza bimpe anyi? Meme Maweja-Nangila wa bukole buonsu ndi nnukonka ne: Nuenu balambule mulombodi wa buloba nyama wa mushindu ewu, udi mua kusanka anyi? Neanusankishe pende anyi?

Malaki 2:1

“Meme Maweja-Nangila wa bukole buonsu ndi nnubela nuenu batuangaji, ne:

Malaki 3:9

Nuenu tshisamba tshijima, nudi bena diakabi, bualu nudi nunshima.

Matayi 24:51

Neanyoke muena mudimu assu bikole. Neamuteke muaba udibu banyoke bena mpala ibidi. Muaba awu neadile muadi, usumakaja menu.

Matayi 5:35

Kanutedi buloba, bualu mmuaba udiye udiata. Kanutedi Yerushalayime, bualu ntshimenga tshia Mukalenga munene.

Marke 14:8

Yeye mmuenze muende muvuaye namu. Mmudianjile kulaba mubidi wanyi manananshi bua kuujika.

Luke 12:46

mfumuende neafike dituku didi muena mudimu awu kayi muelaku meji, ne diba didiye kayi mumanye. Nanku mfumuende neamunyoke bikole, neamuteke muaba wa baluishi ba Mvidi Mukulu.

2 Korente 8:12

Panudi nufila ne muoyi wa kalolu, Mvidi Mukulu neapime binudi nufila bilondeshile binudi nabi; kakubipima bilondeshile binudi kanuyi nabi.

Dielulula 28:58

Nuenu bena Izrayele, nukumbaje mikenji yonsu ya Mvidi Mukulu, idibu bafunde mu mukanda ewu. Nunemeke udibu binyike dina edi dia butumbi dia “Maweja-Nangila Mvidi Mukulu wenu.”

1 Timote 6:15

Yezu neamueneke tshikondu tshivua Mvidi Mukulu mujadike. Yeye Mvidi Mukulu umuepele, ke Muena bionsu, mpokolu wa diakalenga, Mukalenga udi upita bakalenga bonsu, Mfumu udi upita bamfumu bonsu.

Ebrewu 12:29

Bualu Mvidi Mukulu wetu udi kapia kadi kubutula.

Didimanyisha 15:4

Maweja-Nangila, wabenga kukutshina nnganyi? Wabenga kukunemeka udiku anyi? Bualu Wewe nkayebe udi wa tshijila. Bisamba bionsu nebikukukuile, bualu bantu bonsu badi bamona patoke malu mimpe audi wenza.”

Didimanyisha 21:8

Kadi bena bukata, bantu badi bavila Mvidi Mukulu, bamutombokela, bashipianganyi, benji ba malu a bundu, benji ba malu a majimbu, batendeledi ba nwidie, ne bena dishima bonsu, nebabele mu mayi manene atema kapia ka mvuanda. Mayi manene aa ke lufu luibidi.