Malaki 1:12 - MUKANDA WA MYIDI MUKULU

¹² Kadi nuenu nudi numpetula. Kanuena nuangata tshilambuilu tshia Maweja-Nangila ne mushinga. Nudi nulambuilapu biakudia bidi kabiyi bimpe.

Mukanda wa Nzambi Dihungila Dikulukulu ne Dihungila Dihia-dihia 2003

¹² Kadi nuenu nudi nunyanga dina dianyi, hanuamba ne, Mesa a Yehowa adi mabiha, ne bia kudia biandi, milambu ya ha mesa, mbintu bia kulengulula.

Malaki 1:12 ပူးပေါင်းရင်းမြစ်များ

2 Samuele 12:14

Kadi bua paudi muenze bualu ebu, baluishi ba Maweja-Nangila bapetshi mushindu wa kudiwula Maweja-Nangila. Nanku, muanebe udibu balele mpindiewu, neafue.

Yezekiyele 41:22

ne tshilambuilu tshienza ne mabaya. Tshi vua ne bule bua metre umue ne tshitupa, butshiama bua metre umue. Tshivua ne matumba, kabidi ne tshitaku tshia mabaya. Ku nseke yonsu inayi, kuvua anu mabaya. Muntu kungambila ne: — Ke mesa adibu bateke kumpala kua Maweja-Nangila.

Yezekiyele 44:16

Bobu nkayabu nebabuele muaba wanyi wa tshijila, basemena ku tshilambuilu, ne ku mesa a tshijila. Nebalame bimpe mikenji indi mufile bua midimu ya mu nzubu wanyi.

Osheya 13:9

Nuenu bena Izrayele, ndi mumane kunubutula. Kakutshiena udi mua kunuambuluisha.

Lewitiki 18:21

“Kuena ne bua kulambula bana bebe kudi mvidie wa Moleke to, bualu udi upepeja dina dianyi. Meme ndi Maweja-Nangila Mvidi Mukulu wenu.

Amosa 2:7

Badi badiata ku makasa badi kabayi ne bukole. Ku kabadi badi banyanga tshilumbu tshia mupele udi kayi ne kantu ku bianza. Tatu ne muanende wa balume, badi benza malu a buendenda mu bulalu bumue ne nsongakaji mupika wa momumue. Ke mudibu banyanga dina dianyi dia tshijila.

Malaki 1:13

Nudi nuamba kabidi ne: “Udi utupungija ne mudimu mukole be.” Nudi amu numpetula meme Mvidi Mukulu wa bukole buonsu. Nudi nundambula nyama miiba, mikale itebuka, nansha isama. Ndi nnukonka ne: mundi mua kuanyisha milambu ya mushindu ewu mmunyi?

Malaki 2:8

Kadi nuenu batuangaji, nudi banyange mudimu wenu. Nudi balenduishe bantu ba bungi ku dilongesha dienu. Nudi bupule ndondu umvua mutue nenu. Meme Mvidi Mukulu wa bukole buonsu ndi njadika nanku.

Rome 2:24

Bualu Mikanda ya tshijila idi yamba ne: “Buenu nuenu bena Yuda, ke budibu bampendela kudi bantu ba bisamba bikuabu.