Malaki 1:11 - MUKANDA WA MYIDI MUKULU

¹¹ Meme Maweja-Nangila wa bukole buonsu, ndi njadika ne: kudi diba dipatukila too ne kudidi dibuelela bantu ba bisamba bionsu badi bannemeka. Miaba yonsu badi bangoshila musenga wa kamonya, badi bandambula milambu minkumbanyine. Bulelela, bisamba bia bende bidi binnemeka.

Mukanda wa Nzambi Dihungila Dikulukulu ne Dihungila Dihia-dihia 2003

¹¹ Yehowa wa misumba udi wamba ne, Ku kuhatuka kua diba tô ne ku kubuela kuadi dina dianyi didi dinene munkatshi mua ba mu bisamba bia bantu. Mu muaba wonso badi bangoshila musenga wa manananshi ne badi bafila mulambu, mulambu muakane mene, mu dina dianyi; bualu bua dina dianyi didi dinene munkatshi mua ba mu bisamba bia bantu.

Malaki 1:11 ပူးပေါင်းရင်းမြစ်များ

1 Kulondolola 16:25

Maweja-Nangila udi munene, wa kutumbisha bipite, wa kutshina ku mutu kua mvidie yonsu.

Misambu 111:9

Uvua mutumine bantu bende lupandu, uvua mumanyishe ndondu wende bua ashale kashidi. Dina diende dia tshijila, didi dikuatshisha bantu bowa.

Misambu 113:3

Kudi diba dipatukila ne kudidi dibuelela, bantu bonsu batumbishe Maweja-Nangila.

Misambu 138:5

Batumbishe midimu yebe bimba ne: “Lumu lua Maweja-Nangila ndunene.

Misambu 141:2

Dilomba dianyi dibande kuudi, bu muinshi wa kamonya, dilomba dianyi dikale bu mulambu wa dilolu.

Misambu 45:17

Mukalenga wanyi, bana bebe ba balume nebapiane bumfumu bua bankambua bebe. Neubateke bamfumu pa buloba bujima.

Misambu 48:10

Mvidi Mukulu wetu, mu nzubu webe wa tshijila, tudi tuvuluka muuvua mutunange, mutuenzele bimpe.

Misambu 48:11

Miaba yonsu bantu badi bakutumbisha. Lumu luebe ndutangalake pa buloba bujima, bualu udi ulombola bantu ne buakane.

Misambu 50:1

Musambu wa mu mukanda wa misambu ya Asafe. Mvidi Mukulu, Mvidi Mukulu Maweja-Nangila uvua muakule, muele lubila pa buloba. Kumvuikalu kudi diba dibanda ne kudidi dibuelela.

Misambu 65:9

Pa buloba bujima bantu badi bakatshila, malu a dikema audi wenza. Kudi diba dipatukila, ne kudidi dibuelela, bonsu badi bela mbila ya disanka.

Misambu 67:2

Mvidi Mukulu wetu, utuleje muudi utunanga, utuele lupemba, ututangile ne luse.

Misambu 86:9

Wakafuka bisamba bionsu, nebifike bua kukukukuila, ne kukutumbisha wewe Maweja-Nangila.

Misambu 96:8

Luayi numanyishe butumbi buende, buelayi mu lubanza lua nzubu wende, numutuadile milambu.

Yeshaya 12:4

Dituku adi nenuambe ne: “Tumbishayi Maweja-Nangila. Numanyishe bantu dina diende. Nulondele bisamba bionsu malu a dikema avuaye muenze. Nukobole ne: Dina diende ndinene!

Yeshaya 12:5

Imbilayi Maweja-Nangila ne bisanji, bualu mmuenze malu a dikema. Numuanyishe pa buloba bujima!”

Yeshaya 19:21

Nenku Maweja-Nangila neadimanyishe kudi bena Ejipitu. Bobu kabidi nebamumanye, bamutendelele ne milambu ya kuosha, ne milambu ya bia pa madimi. Nebaditshipe kudiye, nebashale balama mitshipu yabu.

Yeshaya 30:27

Monayi, Maweja-Nangila nkayende udi ufika, ufumina kule. Kapia ne muinshi bidi bileja tshiji tshikole tshidiye natshi. Udi wakula ne tshiji. Miaku yende idi bu kapia kadi kosha.

Yeshaya 45:6

Bantu ba ku luseke ludi diba dipatukila, ne ba ku luseke ludidi dibuelela, nebamanye ne: Kakuena Mvidi Mukulu mukuabu, amu Meme Maweja-Nangila. Kakuena mukuabu to.

Yeshaya 54:5

Bualu uvua mukufuke, ke washala bu bayebe. Ke yeye udibu binyika ne: “Maweja-Nangila muena bukole buonsu.” Yeye ke wa tshijila wa Izrayele, udi ukupandisha. Yeye mene ke udibu binyika ne: “Mvidi Mukulu wa buloba bujima.”

Yeshaya 59:19

Nenku bantu nebatshine Maweja-Nangila. Nebanemeke butumbi buende, bituadije luseke ludi diba dipatukila, too ne luseke ludidi dibuelela. Neafike lubilu, bu musulu wa muenji mukole, udibu basakila kudi tshipepela.

Yeshaya 66:18

Udi mumanye malu mabi adibu benza, ne meji adibu bela. Maweja-Nangila udi wamba ne: Ndi makasa mu njila. Nkadi pa kusangisha bantu ba mu bisamba bionsu, ba miakulu yonsu, bua bamone lumu lundi nalu.

Yirmeya 10:6

Maweja-Nangila, kakuena mukuabu bu wewe, wewe udi munene. Bantu badi bamanye bunene ne bukole buebe.

Yirmeya 10:7

Nanku bantu bonsu badi ne bua kukunemeka, wewe mukalenga wa bisamba bionsu bia pa buloba. Bualu bukalenga buonsu mbuebe wewe. Munkatshi mua bena meji bonsu ba pa buloba, munkatshi mua bakalenga bonsu, kamuena mukuabu bu wewe.

Yirmeya 4:2

Wewe muikale muntu wa muoyi umue, wa buakane ne wa luse, wewe muditshipe muambe ne: “Ndi nditshipa mu dina dia Maweja-Nangila udi ne muoyi”, nanku bisamba bia bantu bakuabu nebindombe bua meme kubiela lupemba. Nebisanke bualu buanyi meme Maweja-Nangila.

Danyele 2:45

Uvua mumone dibue dilamuka ku mukuna, kadiyi dinyungisha kudi muntu, bua divue kusunsula tshiamu tshifiike, tshikunze, buloba bosha, tshiamu tshitoke tshia mushinga mukole, ne tshiamu tshia mpawungi bivua ku lupingu. Mvidi Mukulu udi nkumanyisha wewe, Mukalenga, malu adi ne bua kuenzeka matuku adi kumpala. Tshilota tshiebe mbualu budi Mvidi Mukulu mukuleje bulelela. Dijingulula dindi mukuambile didi pa diodi.”

Amosa 9:12

Diba adi, bena Izrayele nebakuate tshiakabidi matunga, avua anyi ku kale, a bena Edome, ne a bena bisamba bikuabu. Meme Maweja-Nangila ndi njadika nanku. Nenkumbaje kabidi bindi ngamba.”

Mika 5:4

Yeye neafile ditalala. — Pikala bena Ashure bafika bua kukuata ditunga dietu, babuela mu nzubu ya bakalenga betu, netubatumine bamfumu tshisumbu tshinene bua kubaluisha.

Sefanya 2:11

Maweja-Nangila neabakuatshishe bowa. Neabutule nwidie yonsu ya pa buloba. Diba adi, bantu bonsu, nansha badi basomba kule kupite, nebamutendelele, muntu yonsu muaba udiye usomba.

Sefanya 3:9

“Pashishe nenkudimune bantu; nengumushe mikiya idi ku mishiku yabu. Nebantendelele meme Maweja-Nangila, nebankukuile ne muoyi umue.

Zekâya 8:7

Ndi nnulaya ne: neusungidile bantu banyi, badi mu bupika mu matunga a kudi diba dipatukila ne kudidi dibuelela.

Malaki 1:14

Muntu udi ne nyama mimpe mu bimuna biende, undaya nyama muimpe, kadi undinga, undambula nyama udi ne tshilema, mmuena diakabi. Bualu meme ndi mukalenga munene udi bisamba bionsu bitshina. Meme Maweja-Nangila wa bukole buonsu udi njadika nanku.

Malaki 3:3

Neasombe panshi, bu mudi muntu udi wengulula, ulengeja tshiamu. Neumbushe mikiya yonsu ya batuangaji ba mu ndelanganyi ya Levi, pashishe bobu nebalambule milambu yabu kudi Maweja-Nangila. Neabatokeshe bu mudibu batokesha tshiamu tshia mpawungi, ne tshiamu tshitoke tshia mushinga mukole. Diba adi, batuangaji nebafile milambu yabu kudi Maweja-Nangila, mushindu udi mikenji yamba.

Matayi 28:19

Nenku nuye kudi bantu ba bisamba bionsu. Nubenze balongi banyi. Nubatue mu mayi mu dina dia Tatu, dia Muana, ne dia Mueyelu wa Tshijila.

Matayi 8:11

Ndi nnujadikila ne: bantu bavule nebafume luseke ludi diba dipatukila, ne ludidi dibuelela, basombe ne Abrahame, Izake, ne Yakobe mu Bukalenga bua mu diulu.

Luke 1:10

Diba divuabu bosha musenga wa kamonya, bantu bonsu bavua batendelela pambelu.

Rome 12:1

Bana hetu, padi Mvidi Mukulu muleje nanku mudiye utufuila luse, ndi nnusengelela bua nudifile kudiye bu mulambu udi ne muoyi, bu mulambu wa tshijila, udi umusankisha. Ke mushindu muimpe unudi ne bua kumutendelela.

Rome 15:16

dia meme kuikala muena mudimu wa Yezu Kristu bua bisamba bikuabu. Ndi nkumbaja mudimu wa tshijila wa mutuangaji ewu, pandi ndongesha Lumu lua Disanka lua Mvidi Mukulu, bua Mueyelu wa Tshijila ujidile bantu ba bisamba bikuabu, bikale bu mulambu udi ulengelela Mvidi Mukulu.

Filipe 4:18

Ndi nnujadikila ne: nkadi mupete bionsu binuvua bantumine. Bidi bikumbane bipite. Bu mudi Epafrodite muntuadile mpindiewu bimuma basue kumpesha, bionsu bindi nkengela, ndi nabi. Bintu bienu bidi bu mulambu wa dipembu dimpe, udi Mvidi Mukulu wanyisha, umusankisha.

2 Tesalonike 1:12

Nanku nenutumbishe dina dia Mfumu wetu Yezu. Yeye kabidi neanutumbishe, ku bidiye wenza munda muenu. Ebi nebienzeke bualu bua Mvidi Mukulu wetu udi ununanga, ne Mfumu Yezu Kristu kabidi.

1 Timote 2:8

Ndi musue nanku bua bantu balume batendelele Mvidi Mukulu miaba yonsu, bele bianza mulu, batendelele ne muoyi mutoke, kabayi ne tshiji, nansha matandu munda.

Didimanyisha 11:15

Pashishe mutumibue wa muanda mutekete kuela mpungi. Meyi makole kumvuika mu diulu, amba ne: “Bumfumu bua kulombola buloba budi kudi Maweja-Nangila wetu ne kudi Meshiya wende. Nebashale mu bukalenga kashidi.”

Didimanyisha 15:4

Maweja-Nangila, wabenga kukutshina nnganyi? Wabenga kukunemeka udiku anyi? Bualu Wewe nkayebe udi wa tshijila. Bisamba bionsu nebikukukuile, bualu bantu bonsu badi bamona patoke malu mimpe audi wenza.”

Didimanyisha 5:8

Yeye mumane kuangata mukanda, Bia muoyi binayi ne bakulu makumi abidi ne banayi kukukuila Muana wa mukoku. Mukulu yonsu uvua ne lunzenze, kabidi ne makopu menza ne mpawungi muwule ne musenga wa kamonya. Musenga awu ke mitendelelu ya bena tshisamba tshia Mvidi Mukulu.