Luke 9:56 - MUKANDA WA MYIDI MUKULU

⁵⁶ Nanku kuyabu mu musoku mukuabu.

Mukanda wa Nzambi Dihungila Dikulukulu ne Dihungila Dihia-dihia 2003

⁵⁶ Bakaya ku musoko mukuabo.

Luke 9:56 ပူးပေါင်းရင်းမြစ်များ

Matayi 18:10

— Kanupepeji nansha umue wa ku badi bu bana. Ndi nnujadikila ne; batumibue ba Mvidi Mukulu, badi balama bana aba, badi mu diulu, bamonangana diba dionsu ne Tatu wanyi udi mu diulu. [

Matayi 18:11

Bualu Muana wa muntu mmuvue kusungidila bavua bajimine.]

Matayi 20:28

Nanku Muana wa muntu kena mufike bua bamuenzele mudimu, kadi amu bua kukuatshila bantu bakuabu mudimu, ne bua kufila muoyi wende bua kupikula bantu ba bungi.

Matayi 5:39

Kadi meme ndi nnukandika ne: kanusombuedi muntu udi unuenzela bibi. Padi muntu ukukuma dipi ku ditama dia balume, umuandamuine kabidi ditama dia bakaji.

Luke 19:10

Muana wa muntu mmufike bua kukeba ne kusungidila bantu bavua bajimine.

Luke 22:51

Ke Yezu kubakandika, wamba ne: — Lekelayi! Kanutungunuki to. Yezu kulenga muntu awu ku ditshi. Kupinganadi muadi mua kale.

Luke 23:34

Ke Yezu kuamba ne: — Tatu, ubumvuile luse, bualu kabena bamanye tshidibu benza. Kuabanyanganabu bilamba bia Yezu, batshinka udi mua kubiangata.

Luke 9:55

Yezu kubatangila, kubatandisha.

Luke 9:57

Pavuabu mu njila, muntu kampanda kuambila Yezu ne: — Nenkulonde kuonsu kuudi uya.

Yowanane 10:10

Muivi udi ufika amu bua kuiba, kushipa ne kubutula. Meme ndi mulue bua bantu bapete muoyi, baupete wa bungi.

Yowanane 12:47

Padi muntu umvua miaku yanyi, kayi uyikumbaja, meme tshiena mua kumupisha ku tshilumbu to. Bualu meme ndi mufike bua kusungidila bantu. Tshiena muvue kubapisha to.

Yowanane 3:17

Mvidi Mukulu kavua mutume Muanende pa buloba bua kupisha badi pa buloba, kadi bua badi pa buloba bapetele lupandu kudiye.

Rome 12:21

Kuanyishi bua malu mabi akupite bukole. Kadi watshimune ku dienza dia malu mimpe.

1 Timote 1:15

Bindi ndongesha ebi bidi bilelela. Bantu bonsu bitabe ne: Yezu mmufike pa buloba bua kusungidila bantu babi. Meme ndi mubapite bonsu ku bubi.