Luke 9:5 - MUKANDA WA MYIDI MUKULU

⁵ Kadi muaba wabenga bantu kunuakidila, numuke mu musoku awu, nututule lupuishi lua ku makasa enu, bua lushale kubavuluija tshiyuabu benze.

Mukanda wa Nzambi Dihungila Dikulukulu ne Dihungila Dihia-dihia 2003

⁵ Bantu badi kabai banuitabusha, hanutshidi nuluhuka mu musoko au, nututule nsenga idi mu makasa enu bu tshimanyinu tshia dibenga diabo.

Luke 9:5 ပူးပေါင်းရင်းမြစ်များ

Nehemya 5:13

Pashishe meme kunyukula luzemba lua tshilamba tshianyi, ngamba ne: — Ke mudi Mvidi Mukulu mua kunyukula bonsu badi kabayi bakumbaja malaya abu. Mvidi Mukulu abipate mu nzubu yabu, abanyenge bintu biabu, bashale bianza bitupu. Bantu bonsu bavua bamba ne: — Amene! Bikale amu nanku. Bantu bonsu bavua batumbisha Maweja-Nangila. Matuku onsu bavua bakumbaja biwabu balaye.

Matayi 10:18

Nebaye nenu kudi balombodi ne bakalenga ba matunga bualu buanyi, bua nuenu kujadika bulelela buanyi kumpala kuabu, ne kumpala kua bantu badi kabayi bena Yuda.

Marke 6:11

Padi miaba mikuabu bantu babenga mua kunuakidila nansha kunuteleja, numuke muaba awu, nututule lupuishi lua mu makasa enu, bua lushale kubavuluija tshiyuabu benze.

Marke 9:37

— Muntu udi wakidila umue wa ku bana bakese aba mu dina dianyi, udi ungakidila meme. Muntu udi ungakidila, kena ungakidila amu meme, udi wakidila kabidi uvua muntume.

Luke 10:16

Ke Yezu kuambila kabidi balongi bende ne: — Muntu udi unuteleja, udi unteleja meme. Muntu udi unubenga, udi umbenga meme. Kadi muntu udi umbenga, udi ubenga ne Tatu uvua muntume.

Luke 5:14

Ke Yezu kumukandika ne: — Kuena mua kuambila muntu bualu ebu to! Kadi uye kudi mutuangaji bua akukenkete. Pashishe ulambule mulambu wa kudikobolola uvua Moshe mufunde, bua bantu bonsu bajadike ne: ukadi mupande.

Luke 9:4

Muaba onsu wanuakidilabu, nusombe mu nzubu umue awu, too ne diba dinudi numuka mu musoku awu.

Luke 9:48

ubambila ne: — Muntu udi wakidila muana ewu mu dina dianyi, mmungakidile meme mene. Udi ungakidila meme, udi wakidila kabidi uvua muntume. Bualu udi mushadile kunudi nuenu bonsu, ke udi mupite bonsu mene.

Bienzedi 13:51

Polu ne Barnabase kubatutuila lupuishi lua ku makasa, kuya mu Ikoniyume.

Bienzedi 18:6

Kadi bena Yuda bavua bamuluisha, bamupenda. Nanku Polu kubanyukuila bilamba biende, ubamba ne: — Panuikala bajimine, nuambe ne: tudi badijimije nkayetu. Meme tshiena ne bualu. Bituadija ku lelu, nenye kudi bantu ba bisamba bikuabu.