Luke 9:38 - MUKANDA WA MYIDI MUKULU

³⁸ Muntu kampanda kuela mbila munkatshi muabu, wamba ne: — Mulongeshi, ndi nkusengelela ne: tangila muananyi wa balume. Ndi amu ne muana umue epele!

Mukanda wa Nzambi Dihungila Dikulukulu ne Dihungila Dihia-dihia 2003

³⁸ Muntu wa mu tshisumbu wakela dî diandi bikole ne, Muyishi, ndi nkutendekena, ulue kutangila muanʼanyi mulume; bualu bua udi muana wanyi umuehele mulela;

Luke 9:38 ပူးပေါင်းရင်းမြစ်များ

Genese 44:20

Tuetu kuandamuna ne: “Tatu udipu. Ukadi mukulumpe. Tudi kabidi ne muakunyetu wa mukala, uvua tatu mulele ku bukulakaja buende. Mukuluende, uvuaye mulonde, ukadi mufue. Muana awu mmushale amu nkayende wa ku bana ba mukaji uvua tatu mupite kunanga. Ke mudi tatu mumunange ne yeye mene bikole.”

Zekâya 12:10

Nempeshe ndelanganyi ya Davide, ne bena mu Yerushalayime, muoyi wa luse. Nebantendelele. Nebatangile kundi, bavuluka muntu uvuabu basompole. Nebamudile, bu mudibu badila muana wa balume umue mumane kufua. Nebase miadi mikole, bu mudibu basa miadi padi muanabute mufue.

Matayi 15:22

Ke mukaji wa bena Kenaane, uvua musombe mu buloba abu, kufika kudi Yezu, wela lubila lukole ne: — Mfumu, Muana wa Davide, mfuilaku luse! Muananyi wa bakaji kena bimpe to! Mbamu-kengeshe kudi mukishi mubi.

Luke 7:12

Pakavuaye pabuipi ne tshiibi tshia ku tshibuelelu tshia tshimenga, kumonaye bantu bavua baya kujika muntu ku nkita. Muntu awu uvua muana wa balume mulela umue wa mukaji mukamba. Bena mu tshimenga ba bungi bavua bafila mamu awu.

Luke 9:37

Butshia nenku, Yezu ne balongi bende kutuluka ku mukuna. Bantu ba bungi bavua bafika bua kusambakena nende.

Luke 9:39

Mukishi udi umukuata, umuelesha mbila tshimpitshimpi, umunyukula bikole, umupatuisha ntutu ku mishiku. Nanku udi umukengesha, kauyi musue kumushila muaba lukasa.

Yowanane 4:47

Yeye mumane kumvua ne: Yezu mmufike mu Ngalileya ufumine ku Yudeya, kuyaye kudiye. Kumusengelelaye bua aye kujikija disama dia muanende uvua upunga ne lufu ku Kefamawume.