Luke 9:16 - MUKANDA WA MYIDI MUKULU

¹⁶ Yezu kuangata mampa atanu ne mishipa ibidi, kutangila mulu, kuela Mvidi Mukulu tuasakidila bua biakudia abi. Kubikosololaye, kutapa balongi, bua babiabanyine bantu.

Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Yeye wakamema mitanda itanu ne mishiha ibidi, wakatangila mulu, wakabivuidishila disanka, wakabitshibula, wakabifila mu bianza bia bayidi bua kubitekabo ku mpala kua bantu.

Luke 9:16 ပူးပေါင်းရင်းမြစ်များ

Matayi 14:19

Pashishe kutumaye diyi, bua bantu basombe panshi mu bisosa. Ke kuangataye mampa atanu, ne minyinyi ibidi ya mu mayi. Kutangilaye mulu, wela Mvidi Mukulu tuasakidila. Kukosaye mampa, kuapeshaye balongi, bua baabanyine bantu.

Matayi 15:36

Pashishe kuangataye mampa muanda mutekete awu, kabidi ne tushipa. Kuelaye Mvidi Mukulu tuasakidila, kukosololaye mampa ne tushipa, kupesha balongi bende. Bobu kuabanyina bantu.

Marke 7:34

Pashishe Yezu kutangila mulu, witshija mioyi, wambila muntu ne: — Efata! (mmomumue ne “Jibuka.”)

Luke 22:19

Ke Yezu kuangata diampa, kuela Mvidi Mukulu tuasakidila, kudikosolola, kudiabanyina balongi bende, wamba ne: — Etshi mmubidi wanyi, [undi mufile bualu buenu. Enzayi nenku bua kumvuluka.

Luke 24:30

Kusombaye nabu ku mesa, kuangata diampa, wela Mvidi Mukulu tuasakidila. Pashishe kudikosololaye, kubabanyinadi.

Luke 9:15

Balongi kuitaba, kusombesha bantu bonsu panshi.

Luke 9:17

Bonsu bavua badia, buukuta. Balongi kukunguja bivua bishale mu bibondu dikumi ne bibidi tente.

Yowanane 6:11

Yezu kuangata mampa. Mumane kuela Mvidi Mukulu tuasakidila, kuabanyinaye bavua basombe panshi abu. Kubapeshaye kabidi mishipa, bungi buvuabu basue.

Yowanane 6:23

Kadi matu makuabu afumina ku tshimenga tshia Tiberiyade, avua mafike pepi ne muaba uvuabu badile mampa, pavua Mfumu mumane kuela Mvidi Mukulu tuasakidila.

Bienzedi 27:35

Polu mumane kuamba nanku, kuangataye diampa, kuela Mvidi Mukulu tuasakidila, bonsu bateleja. Pashishe kudikosaye, kudia.

Rome 14:6

Udi mumone ne: dituku kampanda ndinene dipite dikuabu, udi wenza nanku bua kunemeka Mfumu. Udi udia bionsu, udi ubidia bua kunemeka Mfumu, bualu udi wela Mvidi Mukulu tuasakidila padiye udia. Udi kayi udia bionsu, udi wenza nanku bua kunemeka Mfumu. Yeye kabidi udi wela Mvidi Mukulu tuasakidila.

1 Korente 10:30

Pandi ndia, ngela Mvidi Mukulu tuasakidila, mudibu mua kungasa tshilumbu, pandi ndia bindi ngela nabi Mvidi Mukulu tuasakidila, mmunyi?”

1 Korente 11:24

Kuelaye Mvidi Mukulu tuasakidila. Pashishe kukosololaye diampa, wamba ne: “Etshi mmubidi wanyi, undi ndambula bualu buenu. Enzayi nunku bua kumyuluka.”

1 Samuele 9:13

Nanku nenumupete anu panudi nubuela mu tshimenga, kayi muanji kubanda muaba wa tshijila bua kudia biakudia bia mulambu. Muntu nansha umue kena mua kudianza kudi a, mumonyi wa malu kayi muanji kufika. Yeye ke udi ne bua kuela milambu lupemba. Pashishe bantu bavuabu babikila nebadie. Buelayi mu tshimenga lukasa, nenumusangane anu mpindiewu.