Luke 9:1 - MUKANDA WA MYIDI MUKULU

¹ Yezu kusangisha balongi bende dikumi ne babidi, kubapa bukole ne bumfumu bua kuipata mikishi mibi yonsu, ne bua kujikija masama a bantu.

Mukanda wa Nzambi Dihungila Dikulukulu ne Dihungila Dihia-dihia 2003

¹ Yeye wakabikila bayidi bandi dikumi ne babidi, wakabaha bukole ne bukokeshi bua kuleshabo bademon bonso, ne bua kukoleshabo bakadi ne mabedi.

Luke 9:1 ပူးပေါင်းရင်းမြစ်များ

Matayi 16:19

Nenkupe nsapi ya Bukalenga bua mu diulu: tshiwakandika pa buloba, nebatshikandike ne mu diulu; tshiwanyisha pa buloba, nebatshianyishe ne mu diulu.

Matayi 4:24

Mu ditunga dijima dia Siriya, kutuadijabu kuyukidilangana bualu bua Yezu. Bavua bafika kudiye ne bantu bonsu bavua kabayi bumvue bimpe, bikale ne masama ne ntatu bishilangane. Munkatshi muabu muvua bavuabu bakuate kudi diabolu, bena tshiseke, ne bena tuneke. Yezu uvua ujikija masama abu onsu.

Matayi 8:9

Meme ndi ku bumfumu bua bantu bakuabu, kabidi ndi ne bena myita bandi ntumina diyi. Ndi ngamba ewu ne: “Yaku!” udi uya; ndi ngambila mukuabu ne: “Lua kuneku!” udi ulua. Pandi ngambila muena mudimu wanyi ne: “Enza mudimu ewu!” udi wenza.

Luke 10:1

Ke Mfumu kusungula balongi bakuabu makumi muanda mutekete ne babidi. Uvua ubatuma babidi babidi, bua badianjile kumpala kuende mu bimenga bionsu, ne miaba mikuabu yonsu, bivuaye ne bua kuya.

Luke 10:19

Telejayi: mvua munupeshe bumfumu bua nudiate nyoka ne tuminyimynyi, ne bua nutshimune bukole buonsu bua muluishi. Kakuena tshintu tshianuenzela bibi.

Yowanane 14:12

Ndi nnujadikila bulelela ne: muntu udi ungitaba neenze kabidi midimu indi ngenza. Neenze mikuabu mipite bunene, bualu ndi nya kudi Tatu.

Bienzedi 1:8

Kadi nenupete bukole, diba dianupuekela Mueyelu wa Tshijila. Nanku nenumone mua kujadika malu anyi mu Yerushalayime, mu ditunga dijima dia Yudeya ne dia Samariya, kabidi too ne ku ndekelu wa buloba.

Bienzedi 3:16

Muntu ewu unudi bamona, kabidi bamanye, udi wenda ku bukole bua dina dia Yezu, ne bua ditaba divuaye nadi pa dina adi. Bu muvuaye muitabe Yezu, ke padiye wenda bimpe kashidi, bu munudi bamumona mujukilamu.

Bienzedi 4:30

Olola tshianza tshiebe, jikija masama a babeedi, enza bishima ne malu a dikema, mu dina dia muntu webe wa tshijila Yezu.

Bienzedi 9:34

Petro kumuamba ne: — Eneyase, Yezu udi ujikija disama diebe! Juka, udilongoluele bulalu! Eneyase kujuka diakamue.