Luke 8:42 - MUKANDA WA MYIDI MUKULU

⁴² Bualu muanende wa bakaji umue epele wa mvula dikumi ne ibidi uvua upunga ne lufu. Pavua Yezu uya ku nzubu aku, bantu bavule bavua bamufimpakaja nseke yonsu.

Mukanda wa Nzambi Dihungila Dikulukulu ne Dihungila Dihia-dihia 2003

⁴² bualu bua wakadi ne muana mukashi umuehele, wakadi bu bidimu dikumi ne bibidi; yeye wakamba kufua. Hakadiye wenda, bantu ba bungi bakamunguila.

Luke 8:42 ပူးပေါင်းရင်းမြစ်များ

Yobe 4:20

Biangatshile mu dinda too ne ku dilolu, bantu badi bapita bafua, kabayi nansha babamona kabidi.

Muambi 6:12

Muntu udi upita lubilu panu bu mundidimbi. Udi mumanye tshia nsongu tshidi muntu mua kuenza matuku makese adiye usomba panu nnganyi? Muntu nansha umue kena mua kumumanyisha kabidi bidi ne bua kuenzeka pa buloba, yeye mumane kufua.

Yezekiyele 24:16

— Yezekiyele, ndi nkunyenga mukajebe uudi utangila, usankidila. Neafue lufu lua tshikosu. Kadi kuena mua kudila muadi, kuena mua kutua mikemu, kuena mua kupuekesha binsonji to.

Yezekiyele 24:25

Pashishe, Maweja-Nangila kungambila ne: — Yezekiyele, nembanyenge nzubu wanyi wa tshijila, muaba udibu basokomena, udibu batangila basanka, udibu badisua nawu, udibu batekemena bikole. Nembanyenge kabidi bana babu ba balume ne ba bakaji.

Zekâya 12:10

Nempeshe ndelanganyi ya Davide, ne bena mu Yerushalayime, muoyi wa luse. Nebantendelele. Nebatangile kundi, bavuluka muntu uvuabu basompole. Nebamudile, bu mudibu badila muana wa balume umue mumane kufua. Nebase miadi mikole, bu mudibu basa miadi padi muanabute mufue.

Marke 5:24

Yezu kuya nende. Bantu bavule bavua bamulonda, bamufimpakaja nseke yonsu.

Luke 7:12

Pakavuaye pabuipi ne tshiibi tshia ku tshibuelelu tshia tshimenga, kumonaye bantu bavua baya kujika muntu ku nkita. Muntu awu uvua muana wa balume mulela umue wa mukaji mukamba. Bena mu tshimenga ba bungi bavua bafila mamu awu.

Luke 8:41

Ke muntu mukuabu kufika, dina diende Yayire. Uvua mulombodi wa nzubu wa ditendelela wa bena Yuda wa muaba awu. Kudielaye panshi ku makasa a Yezu, umusengelela, bua aye ku nzubu kuende.

Luke 8:43

Muaba awu muvua mukaji uvua ne disama dia mashi a muyeya kukadi bidimi dikumi ne bibidi. Uvua mufute baminganga bionsu bi-vuaye nabi. Kadi muntu nansha umue kavua mujikije disama diende.

Luke 8:45

Yezu kuebeja bantu ne: — Uvua mundenge nnganyi? Bantu bonsu kuandamuna ne: — Katuena bakulenge to. Ke Petro kuamba ne: — Mfumu, bantu bavule mbakuele munkatshi, mbakufimpakaje nseke yonsu.

Rome 5:12

Padi muntu umue, Adame, mubueje bubi pa buloba, kabidi bubi bubueje lufu, nanku lufu ludi lukuata bantu bonsu, bualu bonsu bavua benze malu mabi.