Luke 8:35 - MUKANDA WA MYIDI MUKULU

³⁵ Ke bantu kufika bua kudimuena bivua bienzeke. Basemena pabuipi ne Yezu, kusanganabu muntu uvua mikishi mibi mishiye, musombe ku makasa a Yezu, muvuale bilamba, lungenyi lubutama. Ke bowa kukuata bantu.

Mukanda wa Nzambi Dihungila Dikulukulu ne Dihungila Dihia-dihia 2003

³⁵ Bakahatuka mu musoko bua kutangila bualu buakalua; bakalua kudi Yesu, bakasangana muntu wakahatuka bademon munda muandi mushikame ku makasa a Yesu, muluate bilulu, muikale ne lungenyi luimpe; bakatshina.

Luke 8:35 ပူးပေါင်းရင်းမြစ်များ

Misambu 51:10

Ungambile muudi mumfuile luse, bua ngende kabidi ne musangelu. Nansha wewe mumane kunzaza, nensanguluke.

Yeshaya 53:12

Ke pandi mumuteke, mu mulongu wa bantu banene. Neabanye bintu bia mu mvita pamue ne bilobu. Uvua mudifile, mudipuekeshe, too ne ku lufu, mmuditeke mu mulongu wa benzayi. Kadi uvua muambule pa makaya ende, bilema bia bantu bakuabu bonsu. Uvua muakuile bena tshibawu, bua babafuile luse.”

Matayi 4:24

Mu ditunga dijima dia Siriya, kutuadijabu kuyukidilangana bualu bua Yezu. Bavua bafika kudiye ne bantu bonsu bavua kabayi bumvue bimpe, bikale ne masama ne ntatu bishilangane. Munkatshi muabu muvua bavuabu bakuate kudi diabolu, bena tshiseke, ne bena tuneke. Yezu uvua ujikija masama abu onsu.

Marke 5:15

Batantshila kudi Yezu, kumonabu muntu uvua ne mikishi mibi ya bungi awu musombe panshi, muvuale bilamba, lungenyi luende lubutame. Buowa kubakuata.

Luke 10:39

Mukaji awu uvua ne muanabu, diende Mariya. Ke Mariya kuya kusomba ku makasa a Mfumu, uteleja bivuaye ulongesha.

Luke 15:17

Kutuadijaye kuela meji, kudiambila ne: “Bena mudimu ba tatuanyi badi ne biakudia bipite bungi, kabayi mua kubidia, kubijikija. Meme apa nkadi mfua ne nzala!

Luke 2:46

Dituku disatu kumusanganabu mu nzubu wa Mvidi Mukulu. Uvua musombe munkatshi mua balongeshi ba bena Yuda, ubateleja, ubela ne nkonku.

Luke 8:27

Yezu utuluka anu mu buatu, kusambakenaye ne muntu ufumina mu tshimenga. Ke muntu uvuabu bakengesha kudi mikishi mibi kuonsu eku. Kavua uvuala kabidi bilamba, kavua usomba mu nzubu. Uvua amu muaba uvua nkita.

Luke 8:34

Bantu bavua balama ngulube bamona nanku, kunyemabu. Kutangalajabu lumu lua bualu abu mu tshimenga ne mu misoku.

Bienzedi 22:3

— Ndi muena Yuda. mBandele mu Tarse wa mu Silisiya. Kadi ndi mukolele mu Yerushalayime emu. Ngamaliyele, ke uvua mundongeshe bimpe bitambe mikenji ya bankambua betu. Mvua mukuatshile Mvidi Mukulu mudimu ne disuminyina, amu munudi nuenu bonsu benza lelu.

1 Yone 3:8

Muntu utshidi utungunuka ne dienza bibi, udi muntu wa diabolu, bualu diabolu mmuenze bibi biangatshile ku ntuadijilu. Kadi Muana wa Mvidi Mukulu mmumueneke panu, bua kubutula bidi diabolu muenze.