Luke 8:32 - MUKANDA WA MYIDI MUKULU

³² Muaba awu muvua tshisumbu tshinene tshia ngulube, yenda idia ku mukuna. Mikishi mibi kutendakena Yezu bua anyishe, ibuele munda mua ngulube. Yezu kuitaba.

Mukanda wa Nzambi Dihungila Dikulukulu ne Dihungila Dihia-dihia 2003

³² Tshisumbu tshia ngulube ya bungi tshiakadiku idia mashinde ku mukuna; bakamutendekena ne, Itabusha bua tuetu kubuela munda muai. Yeye wakitabusha.

Luke 8:32 ပူးပေါင်းရင်းမြစ်များ

1 Bakalenga 22:22

Mutumibue kuandamuna ne: “Nengenzeje bambi bonsu, bua bambile mukalenga Akabe malu a dishima.” Maweja-Nangila kuandamuna ne: “Ke mushindu muimpe mutambe wa kumushima. Uye kuenza nanku!”

Yobe 1:10

Wewe udi mumulame bimpe, ne diku diende ne bintu biende bionsu. Udi mumututshishe dikasa dimpe mu bintu biende bionsu. Bimuna biende mbitangidika ditunga dijima.

Yobe 1:12

Maweja-Nangila kumuandamuna ne: — Nanku, angata bionsu bidiye nabi. Kadi kumulengi yeye nansha. Ke mufundianganyi kumuka muaba uvua Maweja-Nangila.

Yobe 2:6

Maweja-Nangila kuambila mufundianganyi ne: — Mbimpe umuenzele tshiudi musue. Kadi kumushipi to.

Misambu 62:11

— Kukebi buneme ku tshinyangu, kutekemenyi makasa ku buivi. Nansha bubanji buebe buvulangane, kutekiku muoyi.

Yeshaya 65:4

Badi basomba mu nkita, babuela mu mbuebue. Badi badia munyinyi wa ngulube, bateka mu malongu abu biakudia bidi ne mikiya.

Yeshaya 66:3

Bualu bantu aba bua kulambula milambu, badi bashipa ngombe. Kadi badi mua kushipa kabidi muntu mene. Badi bakosa mukoku muminu, kadi badi bashipa kabidi ne mbua mene. Badi balambula mulambu wa bia pa madimi. Kadi badi amu mua kulambula nansha mashi a ngulube. Badi bosha manananshi, kadi badi banemeka kabidi mvidie ya dishima. Bualu bantu aba mbadisunguile njila udibu basue kulonda. Bidi bibasankisha ke bindi mbenga meme.

Lewitiki 11:7

— ngulube, bualu udi ne mikonu mipanduluke, kadi kena upingaja bintu mukana, ubidiululula.

Matayi 7:6

— Tshintu tshia tshijila, kanutshieledi mbua, bua kayinukudimukidi, ikebe kunusuma. Kanueledi ngulube busanga, bua kayibudiatakaji.

Luke 8:31

Mikishi ayi ivua isengelela Yezu, bua kayitumi mu kandondu ka buloba.

Luke 8:33

Nanku mikishi mibi kupatuka munda mua muntu, kubuela mu ngulube. Ngulube yonsu kupulumuka mu tshibungubungu, kudiela mu dijiba dia mayi, kufuilamu.

Yowanane 19:11

Yezu kumuandamuna ne: — Kuena ne bumfumu nansha bumue pambidi panyi, pa kumusha buvua Mvidi Mukulu mukupeshe. Nanku muntu uvua mmufile kuudi, udi ne tshibawu tshipite tshiebe.

1 Yone 4:4

Kadi nuenu, bana banyi, nudi bantu ba Mvidi Mukulu. Nukadi batshimune bambi ba dishima. Bualu Mueyelu udi munda muenu udi ne bukole bupite bua mueyelu udi munda mua bena panu.

Didimanyisha 20:7

Papita bidimu tshinunu, nebapande diabolu mu lukanu.