Luke 8:24 - MUKANDA WA MYIDI MUKULU

²⁴ Ke balongi kusemena kudi Yezu, bamubisha, bamuambila ne: — Mfumu, mfumu, tudi tufua! Yezu utabuluka ku tulu, kukanyina tshipepele ne mavuala. Kubatamabi, bionsu kushala talalaa.

Mukanda wa Nzambi Dihungila Dikulukulu ne Dihungila Dihia-dihia 2003

²⁴ Bakalua kudiye, bakamubisha ku tulu, bakamba ne, Mukelenge, Mukelenge, tudi tufua. Yeye wakabika, wakabuikila luhehele ne mavuala; biakalekela, muaba au wakatalala talalâ.

Luke 8:24 ပူးပေါင်းရင်းမြစ်များ

Misambu 65:7

Udi ushindika mikuna ku bukole buebe, uleja dikanda diudi nadi.

Yeshaya 50:2

Pamvua mufike bua kunusungidila, tshivua musangane muntu bua tshinyi? Pamvua mubabikile, kabavua bangandamune bua tshinyi? Maboku anyi mmatambe buipi anyi? Tshiena ne mushindu wa kunuambuluisha anyi? Ndi mupange dikanda bua kunusungidila anyi? Kadi vulukayi ne: meme muakule amu muaku umue, ndi ngumisha mayi manene, ndi ngandamuna misulu yenza tshipela. Nenku, mishipa neipange mayi, neifue nyota, neituadije kubola.

Yirmeya 5:22

Maweja-Nangila udi ukonka ne: Kanuena nuvuluka bukole buanyi anyi? Kanuena nuntshina bua tshinyi? Meme ndi muteke lusenga bua luikale mukalu wa mayi manene. Ludi bu nkila muasa bua kashidi. Mayi kaena mua kusambuka nkila awu to. Adi atuuta ku nkila, kadi nkila kena ubumbuka to. Mavuala adi atuutaku ne tshiona tshikole, kadi kaena asambuka nkila to.

Nahume 1:4

Udi ukanyina mayi manene, uuma. Udi ukamisha misulu yonsu. Mpata mimpe ya mu Bashane ne mitshi ya mu mukuna wa Karmele bidi bifuba. Bilongu bidi pa mukuna wa Lebanone bidi bipopoka.

Matayi 14:30

Kadi utangila lupepele, kumvuaye bowa, kutuadijaye kudiina mu mayi. Ke kuelaye diyi ne: — Mfumu, unsungidile!

Matayi 8:25

Balongi bende kumubisha, bamuambila ne: — Mfumu, utusungile, tudi mua kufua!

Marke 4:39

Yezu utabuluka, kukanyinaye bikole tshipepele, kuambilaye mayi a dijiba ne: — Puwa! Batanta! Tshipepele kutuya, bionsu kubalama menemene.

Luke 4:35

Yezu kukanyina mukishi mubi bikole, wela diyi ne: — Puwa! Patuka munda mua muntu ewu! Ke mukishi mubi kukulula muntu panshi, bantu bonsu batangile. Mukishi awu kupatuka munda mua muntu, kauyi mumuenzele bualu bubi nansha bumue.

Luke 4:39

Yezu kuinama pavuaye, kutumina disama dia mubidi luya diyi. Disama kujikadi! Mamu awu diakamue kutuadija kubalongoluela biakudia.

Luke 5:5

Simone kumuandamuna ne: — Mukalenga, tudi balobe butuku bujima. Katuena bakuate kantu to. Kadi bu muudi ungambila bua meme kuenza, nengele makondu.

Luke 8:25

Ke Yezu kukonka balongi ne: — Ditaba dienu diepi? Kadi balongi bavua ne bowa, bakema, bambilangana ne: — Muntu ewu nnganyi? Udi utumina mpepele ne mayi diyi, bimuitaba!