Luke 8:1 - MUKANDA WA MYIDI MUKULU

¹ Pashishe Yezu kuya ne balongi bende mu bimenga bionsu ne mu misoku. Uvua ulongeshamu bantu, ubamanyisha Lumu lua Disanka lua Bukalenga bua Mvidi Mukulu. Balongi bende dikumi ne babidi bavua nende mu luendu alu.

Mukanda wa Nzambi Dihungila Dikulukulu ne Dihungila Dihia-dihia 2003

¹ Hakahita tshituha tshihi, Yesu wakendakana mu bimenga ne mu misoko mikese, wambila bantu bualu bua Nzambi, wenda ne lumu luimpe lua bukelenge bua Nzambi; bayidi bandi dikumi ne babidi bakadi nʼandi,

Luke 8:1 ပူးပေါင်းရင်းမြစ်များ

Matayi 11:1

Yezu mumane kuambila balongi bende dikumi ne babidi mikenji eyi, kumukaye muaba awu, kuyaye kulongesha mu bimenga bia mu ditunga. Kumanyishaye bantu Lumu lua Disanka.

Matayi 13:19

Padi bantu bumvua bakuabu balongesha malu a mu Bukalenga bua mu diulu, kabayi bajingulula muyayabu, Muena bubi udi ufika, umusha bivuabu bamiamine mu muoyi wabu. Ke ntete idi ipona ku muelelu wa njila.

Matayi 4:23

Yezu uvua wendakana mu ditunga dia Ngalileya dijima. Uvua ulongesha mu nzubu ya kutendelela, wambila bantu Lumu lua Disanka lua Bukalenga. Uvua ujikija kabidi masama ne matekete onsu avua bantu nawu.

Matayi 9:35

Yezu uvua upitshila mu bimenga bionsu ne mu misoku yonsu. Uvua ulongesha mu nzubu ya kutendelela ya bena Yuda. Uvua wenda wambila bantu Lumu lua Disanka lua Bukalenga bua Mvidi Mukulu. Uvua ujikija masama ne matekete onsu a bantu.

Marke 1:39

Yezu uvua wendakana mu Ngalileya mujima, ulongesha mu nzubu ya kutendelela ya bena Yuda, uvua wipata ne mikishi mibi.

Luke 1:80

Muana uvua utantamana. Lungenyi luende luvua lukola. Uvua usomba mu tshipela too ne ku dituku divuaye mudileje patoke kudi bena Izrayele.

Luke 20:1

Dituku dikuabu Yezu uvua ulongesha bantu mu nzubu wa Mvidi Mukulu, ubamanyisha Lumu lua Disanka. Bamfumu ba batuangaji, balongeshi ba mikenji, ne bakulu, kufika kudiye.

Luke 4:18

“Mueyelu wa Maweja-Nangila mmuntulukile. Udi munsungule, bua ntuadile bapele Lumu lua Disanka. Uvua muntume, bua mmanyishe bena lukanu ne: nebanulekele; mmanyishe kabidi bampofu ne: nenutabale; kabidi bua mpikule badibu bakengesha,

Luke 9:6

Balongi kumuka, kuya mu misoku yonsu, kumanyisha bantu Lumu lua Disanka, kujikijila kabidi babeedi masama miaba yonsu.

Bienzedi 10:38

Nudi bamanye Yezu wa muNazarete, uvua Mvidi Mukulu musungule. Uvua mumuwuje ne Mueyelu wende wa Tshijila, kabidi ne bukole buende. Nanku Yezu kuendakana mu ditunga dijima, wenza bilenga, ujikija masama a bantu bonsu, bavuabu bakuate kudi mukishi mubi. Bualu Mvidi Mukulu uvua nende.

Bienzedi 13:32

Tuetu kabidi tudi tunumanyisha Lumu lua Disanka elu ne: bivua Mvidi Mukulu mulaye bankambua betu,

Rome 10:15

Mudibu mua kumumanyisha, kakuyi bantu badibu bafuma bua kuenza nanku, mbishi? Ke padi Mukanda wa tshijila wamba ne: “Disanka kaayi dia kumona bantu bafika, batutuadila Lumu lua Disanka!”