Luke 7:6 - MUKANDA WA MYIDI MUKULU

⁶ Ke Yezu kuya nabu. Pakavuaye pabuipi ne kufika ku nzubu, mfumu wa basolayi kumutumina balunda bende bua bamuambile ne: — Mfumu, kaditatshishi to. Tshiena mukumbane bua ubuele mu nzubu muanyi nansha.

Mukanda wa Nzambi Dihungila Dikulukulu ne Dihungila Dihia-dihia 2003

⁶ Yesu wakaya nʼabo. Hakadiye ha buihi ne nsubu, kapitene kakatuma balunda baku kudiye bua kumuambila ne, Mukelenge, kuditatshishi, meme tshiena muntu mukumbane bua wewe kubuela mu nsubu muanyi;

Luke 7:6 ပူးပေါင်းရင်းမြစ်များ

Genese 32:10

Yakobe kutendelela Mvidi Mukulu, wamba ne: — Mvidi Mukulu wa kaku wanyi Abrahame, ne wa tatu wanyi Izake, unteleje! Uvua mungambile ne: “Upingane kuenu mu ditunga dienu. Meme nenkulame, neupete dikasa dimpe.”

Nsumuinu 29:23

Muntu udi uditambisha neupuke milongu. Kadi bua kupeta lumu, bidi bimpe kuikala ne bupuekele bua muoyi.

Matayi 20:28

Nanku Muana wa muntu kena mufike bua bamuenzele mudimu, kadi amu bua kukuatshila bantu bakuabu mudimu, ne bua kufila muoyi wende bua kupikula bantu ba bungi.

Matayi 3:11

Meme ndi nnutua mu mayi bua nukudimune nsombelu wenu. Kadi udi undonda panyima, neanutue mu Mueyelu wa Tshijila ne mu kapia. Yeye udi ne bukole, mumpite meme. Meme tshiena mukumbane nansha bua kumukopola bisabata biende.

Marke 5:24

Yezu kuya nende. Bantu bavule bavua bamulonda, bamufimpakaja nseke yonsu.

Luke 5:8

Simone Petro umona nanku, kutuaye binu kumpala kua Yezu, wamba ne: — Mfumu, umuka kundi. Ndi muena malu mabi.

Luke 7:4

Bakulu kufika kudi Yezu, bamusengelela bikole ne: — Muntu awu mmuntu muimpe. mBimpe umuambuluishe.

Luke 7:5

Udi munange tshisamba tshietu. Yeye mene ke uvua muibakishe nzubu wetu wa kutendelela.

Luke 7:7

Ke pamvua muele meji ne: tshiena muakanyine bua mfike kuudi. Kadi tuma anu diyi, muena mudimu wanyi neumvue bimpe.

Luke 8:49

Yezu utshivua wakula, muena mudimu wa Yayire kufika, wambila mfumuende ne: — Muanebe wa bakaji mmumane kufua. Kutatshishi mulongeshi kabidi to.

Bienzedi 10:38

Nudi bamanye Yezu wa muNazarete, uvua Mvidi Mukulu musungule. Uvua mumuwuje ne Mueyelu wende wa Tshijila, kabidi ne bukole buende. Nanku Yezu kuendakana mu ditunga dijima, wenza bilenga, ujikija masama a bantu bonsu, bavuabu bakuate kudi mukishi mubi. Bualu Mvidi Mukulu uvua nende.

Yakobe 4:10

Nudipuekeshe kumpala kua Mfumu. Yeye neanubandishe.

Yakobe 4:6

Kadi bu mudi Mvidi Mukulu utunanga, udi utusankisha kabidi bipite. Ke padi Mikanda ya tshijila yamba ne: “Mvidi Mukulu udi ubenga bena ditambisha, kadi udi wanyisha bapuekele.”