Luke 7:14 - MUKANDA WA MYIDI MUKULU

¹⁴ Ke Yezu kuya ku mushete wa tshitalu, kuulenga ne tshianza. Bavua bawambula, kuimanabu. Yezu kuambila mufue ne: — Nsongalume, ndi nkutumina diyi, biika!

Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Wakalua ha buihi, wakalenga tshituadilu tshia tshitalu tshianza; batuadi batshi bakimana. Yesu wakamba ne, Nsongalume, ndi nkuambila ne, Bika.

Luke 7:14 ပူးပေါင်းရင်းမြစ်များ

1 Bakalenga 17:21

Ke muambi Eliya kudiolola pambidi pa muana misangu isatu, utendelela Maweja-Nangila, wamba ne: — Maweja-Nangila Mvidi Mukulu wanyi, ndi nkusengelela ne: ubishe muana ewu ku lufu.

1 Bakalenga 17:22

Maweja-Nangila kuitaba dilomba dia muambi Eliya. Kubishaye muana awu ku lufu. Muana kutuadija kupuyakana.

Yobe 14:12

Kadi muntu udi mufue, kakubika to. Kakujuka ku tulu tuende tua ndekelu to. Neatabale amu diba didi diulu dibutuka, dijimina.

Yobe 14:14

Kadi muntu mumana kufua, udi mua kubika tshiakabidi anyi? Uvua amu mua kuikala ne lutulu mu matuku atshidiye ukuata mudimu panu, utekemena too ne paudi ufika, bua kunjula.

Misambu 33:9

Udi wakula, etshi tshienzeka! Utuma diyi, tshiatshia tshipatuka!

Yeshaya 26:19

Tshisamba tshianyi, bafue bebe nebabike ku lufu, — nenku bitalu bia bantu banyi nebipete muoyi. — Badi balale mu buloba, nebajuuke, beela tunkunduluila. Bualu Maweja-Nangila, neakutumine lumuma ludi lupetesha muoyi. Nanku buloba nebupatule ne muoyi bafue bavua amu bu mundidimbi.

Marke 5:41

Kumukuataye ku tshianza, umuambila ne: — Talita kume! (Mmomumue ne: “Nsongakaji, ndi nkuambila ne: juka!”)

Luke 7:13

Mfumu ubamona, kumvuilaye mamu awu luse. Kumuambilaye ne: — Lekela muadi.

Luke 7:15

Mufue kubiika, kusomba, kutuadija kuakula. Yezu kumupingajila mamuende.

Luke 7:17

Bantu ba mu ditunga dijima dia Yudeya, ne ba mu matunga a ku mpenga, bavua bumvua lumu lua malu avua Yezu muenze.

Yowanane 11:25

Yezu kumuambila ne: — Meme ke udi ubisha bantu ku lufu, ubapesha muoyi. Muntu yonsu udi ungitaba, neikale ne muoyi, nansha yeye ufua.

Yowanane 5:21

Bualu bu mudi Tatu ubisha bantu bafue, ubapingajila muoyi, ke mudi Muana upesha bantu badiye musue muoyi.

Yowanane 5:25

Ndi nnujadikila ne: tshikondu tshidi kumpala, ntshimane kufika mene, tshidi bantu bafue bumvue diyi dia Muana wa Mvidi Mukulu. Badi badiumvue nebikale ne muoyi.

Rome 4:17

mudi Mukanda wa tshijila wamba ne: “Meme kukuenza nkambua wa bisamba bivule.” Udi tatu wetu kumpala kua Mvidi Mukulu uvuaye muitabe. Ke Mvidi Mukulu udi ubisha bantu ku lufu; udi ushindika bidi kabiyiku bua bikaleku.

Efeze 5:12

(Bidi bienza bundu mene bua kuamba malu adi bantu abu benza mu musokoku.)