Luke 7:12 - MUKANDA WA MYIDI MUKULU

¹² Pakavuaye pabuipi ne tshiibi tshia ku tshibuelelu tshia tshimenga, kumonaye bantu bavua baya kujika muntu ku nkita. Muntu awu uvua muana wa balume mulela umue wa mukaji mukamba. Bena mu tshimenga ba bungi bavua bafila mamu awu.

Mukanda wa Nzambi Dihungila Dikulukulu ne Dihungila Dihia-dihia 2003

¹² Hakafikeye ha buihi ne tshibuelelu tshia mu musoko, hakadi baluhuka ne muntu mufue, wakadi biandi muana umuehele mulela kudi mamu wandi, mamu wandi wakadi wa mu lufuila; bantu ba bungi ba mu musoko bakadi nʼandi.

Luke 7:12 ပူးပေါင်းရင်းမြစ်များ

Genese 22:12

Maweja-Nangila kumukandika ne: — Kulengi muana, kumuenzedi bibi. Mpindiewu ngajadiki ne: udi untshina meme Mvidi Mukulu, bualu kuena mumpale muanebe umuepele umvua mukupeshe.

Genese 22:2

Mvidi Mukulu kumuambila ne: — Angata muanebe umuepele Izake uudi mupite kunanga awu, uye nende mu ditunga dia Moriya pa mukuna umbakuleja, umungoshile pa tshilambuilu.

2 Samuele 14:7

Pashishe bena diku bonsu mbansangidile, bangamba ne: “Tupeshe mushipianganyi. Tumushipe bua kusombuela muanabu udiye mushipe. — Nanku nembutule kabidi mupianyi wa bintu udi mushale ne muoyi”. Bena diku mbasue kuenza nanku bua kushipa muana ewu wa ndekelu umvua mushala mutekemena. Kabidi mbasue bua dina dia bayanyi dijimine pa buloba.

1 Bakalenga 17:12

Mukaji kuandamuna ne: — Bu mudi Maweja-Nangila Mvidi Mukulu webe ne muoyi, ndi nkujadikila ne: tshiena ne diampa to. Ndi mushale anu ne dianza dia bukula mu mulondu, ne mafuta makese mu kasu. Ndi mufike muaba ewu bua kuangula tukunyi, bua kuya kulamba biakudia bidi bishala abi, bua meme kudia ne muananyi wa balume. Patuadia biakudia abi netufue, bualu katuena ne bikuabu to.

1 Bakalenga 17:18

Mamuende wa muana kukonka muambi Eliya ne: — Muambi wa Mvidi Mukulu, udi mungenzele nenku bua tshinyi? Udi mufike muaba ewu bua wewe kuvuluija Maweja-Nangila buenzayi bundi muenze, bua Maweja-Nangila kushipa muananyi anyi?

1 Bakalenga 17:23

Muambi Eliya kuambula muana. Kutulukaye nende panshi. Kumupingajaye kudi mamuende, umuambila ne: — Tangila muanebe, udi ne muoyi!

1 Bakalenga 17:9

— Juka, uye kusomba mu tshimenga tshia Sarepta, pabuipi ne tshimenga tshia Sidone. Meme ndi mumane kutuma diyi bua mukaji mukamba wa mu tshimenga atshi, kukupeshaye biakudia.

2 Bakalenga 4:16

Elisha kumuambila ne: — Tshidimu tshidi kumpala etshi, anu tshikondu etshi, neukongoloje muana wa balume mu maboku. Kadi, mukaji kuela diyi ne: — Kundingi to! Wewe udi muambi wa Mvidi Mukulu, lekela kungambila bualu bua dishima!

2 Bakalenga 4:20

Muena mudimu kuya ne muana kudi mamuende. Mamuende kumuambula pambidi. Kadi munda munya, muana kufila.

Yobe 29:13

Bantu bavua bapunga ne lufu, bavua banjingila diakalenga. Meme kusankisha bakaji bankamba.

Zekâya 12:10

Nempeshe ndelanganyi ya Davide, ne bena mu Yerushalayime, muoyi wa luse. Nebantendelele. Nebatangile kundi, bavuluka muntu uvuabu basompole. Nebamudile, bu mudibu badila muana wa balume umue mumane kufua. Nebase miadi mikole, bu mudibu basa miadi padi muanabute mufue.

Luke 7:11

Pashishe Yezu kuya mu tshimenga tshia Nayine. Balongi bende ne bantu bakuabu bavule bavua baya nende.

Luke 7:13

Mfumu ubamona, kumvuilaye mamu awu luse. Kumuambilaye ne: — Lekela muadi.

Luke 8:42

Bualu muanende wa bakaji umue epele wa mvula dikumi ne ibidi uvua upunga ne lufu. Pavua Yezu uya ku nzubu aku, bantu bavule bavua bamufimpakaja nseke yonsu.

Luke 8:52

Bantu bonsu bavua badila muana, bela miyenga. Ke Yezu kubapuwisha ne: — Puwayi! Nsongakaji ki mmufue to. mMulale!

Yowanane 11:19

Bena Yuda ba bungi bavua balue kusamba Marte ne Mariya bua lufu lua muanabu.

Bienzedi 9:39

Petro kuya ne bantu babidi aba diakamue. Ufika, kumubandishabu ku tshibambalu tshia kulu. Bakamba bonsu kumujingila ne miadi, bamuleja bilamba bia pambidi ne binkutu bivua Dorkase mutele, patshivuaye ne muoyi.

Bienzedi 9:41

Ke Petro kumukuata ku tshianza, umujula pa bulalu. Ke kubikilaye bena ditaba ne bakamba, ubaleja Tabita ne muoyi.

Yakobe 1:27

Bantu badi banemeka Mvidi Mukulu Tatu menemene, ke badi bambuluisha bana ba nshiya, ne bakaji bakamba, mu makenga abu, badilama ku bubi buonsu budi bufuma panu.