Luke 6:38 - MUKANDA WA MYIDI MUKULU

³⁸ Nupeshe bakuabu bintu, nanku Mvidi Mukulu neanupeshe kabidi. Nebanuelele pa tshilamba bintu bipima bimpe, bishindika, bisekenkeja, biya ne panshi. Nuenzele bantu bimpe ne muoyi wa kalolu. Nanku Mvidi Mukulu neanupe mapa ende ne muoyi wa momumue.”

Mukanda wa Nzambi Dihungila Dikulukulu ne Dihungila Dihia-dihia 2003

³⁸ nuhe bantu bintu, nunku nebanuhe bintu kabidi; nebafile mu biadi bienu tshihikilu tshiakane, tshishindika, tshisekenkesha, tshihongoloka. Bualu bua nebanuhikile bintu ne tshihikilu tshinudi nubahikila nʼatshi kabidi.

Luke 6:38 ပူးပေါင်းရင်းမြစ်များ

2 Samuele 19:36

Mpindiewu ndi ne bidimu makumi muanda mukulu. Tshiena mumanye kabidi mua kusunguluja bimpe ne bibi. Tshiena mua kumvua busheme bua bintu bindi ndia, nansha bindi nnua. Tshiena mua kusunguluja meyi a bantu balume nansha bakaji badi bimba misambu. Nanku ndi mua kuya nebe anu bua kukutatshisha bua tshinyi?

Estere 7:10

Bantu kuowela Amane ku tshiowelu tshivuaye mulongoluele Mordekayi. Nenku, tshiji tshia mukalenga kutuya.

Estere 9:25

Kadi Estere kuya kumanyisha mukalenga bualu abu. Ke mukalenga kutuma diyi, kufunda mukanda bua bakengeshe Amane mushindu uvuaye musue kukengesha bena Yuda. Ke bantu kumowa ne bana bende ba balume.

Yobe 42:11

Nanku, Yobe kuakidila bana babu bonsu ba balume ne ba bakaji, ne bonsu bavua bamumanye kale, kufikabu bua kumusamba. Bavua badila ne Yobe kaba kamue, bamukolesha ku muoyi bua makenga onsu avua Maweja-Nangila mumutumine. Pashishe muntu yonsu uvua umushila lukanu lutoke lua mushinga mukole, ne kakanu ka tshiamu tshia mpawungi.

Misambu 79:12

Maweja-Nangila, bisamba bitudi nabi mutumba bidi bikuluisha, ubipingajile misangu muanda mutekete bipendu biabu, bivuabu bakupenda.

Ekesode 21:24

Mushipianganyi wa disu, bamushipe diende. Mupodianganyi wa dinu, bamupole diende. Mukoshanganyi wa tshianza, bamukose tshiende. Mukoshanganyi wa dikasa, bamukose diende.

Nsumuinu 10:22

Kabiena kuluila. Maweja-Nangila nkayende ngubipapa bantu.

Nsumuinu 19:17

Paudi upesha mupele tshintu, udi utshisombesha Maweja-Nangila. Yeye ke wakufuta mudimu webe wa luse.

Nsumuinu 22:9

Muntu udi wenzelangana bimpe, Mvidi Mukulu neamuele lupemba, bualu tshiende tshiakudia udi wabanyangana ne bapele.

Yirmeya 32:18

Udi unanga bantu too ne ku ndelanganyi yabu tshinunu. Kadi padi baledi benza tshilema, udi unyoka ne bana babu mene. Udi Mvidi Mukulu munene ne wa bukole. Dina diebe mMvidi Mukulu wa bukole buonsu.

Matayi 10:42

Ndi nnujadikila bulelela ne: muntu udi upa umue wa ku bakese banyi aba nansha dikopu dia mayi matalale, bua padiye mulongi wanyi, kakubula difutu diende to.

Matayi 7:2

Mushindu unudi nulumbuluisha bakuabu, Mvidi Mukulu neanulumbuluishe kabidi nanku. Neanupime munudi nupimangana.

Marke 4:24

Yezu kubambila kabidi ne: — Nuadimuka panudi numvua bualu! Mvidi Mukulu neanupime ne tshipimu tshinudi nupima natshi bakuabu, nebanusakidile tshikuabu kabidi.

Luke 6:30

Muntu yonsu udi ukulomba tshintu, umupeshe. Pikala muntu muangate tshintu tshiebe, kutshinanyi nansha.

Dielulula 15:10

Nanku nuikale ne muoyi muimpe, nusombeshe mupele tshintu tshidiye ulomba. Nuenu benze nanku, Maweja-Nangila Mvidi Mukulu neanusankishe mu bionsu binudi nuenza.

Yakobe 2:13

Bualu muntu uvua kayi mufuile muanabu luse, Mvidi Mukulu neamulumbuluishe, kayi umufuila luse. Muntu uvua muleje luse, udi mua kutekemena luse kudi Mvidi Mukulu, mumukosedi wa nsambu.

Balombodi 1:7

Ke mukalenga Adoni-Bezeke kuela mbila ne: — Akia! Bakalenga makumi muanda mutekete, bavuabu bakose biala ne bana ba nkasa banene, bavua bangula, muinshi mua mesa anyi, biakudia bivua bimata panshi! Bushiwa, Maweja-Nangila wansombuedi ku bibi bionsu bimvua muenze. Kuyabu ne mukalenga Adoni-Bezeke ku Yerushalayime. Kuyaye kufuilaku.