Luke 6:27 - MUKANDA WA MYIDI MUKULU

²⁷ “Kadi nuenu badi banteleja, ndi nnuambila ne: nangayi bena lukuna benu; enzelayi badi banukina bimpe.

Mukanda wa Nzambi Dihungila Dikulukulu ne Dihungila Dihia-dihia 2003

²⁷ Kadi ndi nuambila nuenu badi batelesha ne, Suai badi nʼenu lukuna, nuenzele badi nʼenu tshishi malu mimpe,

Luke 6:27 ပူးပေါင်းရင်းမြစ်များ

1 Bakalenga 13:6

Pashishe mukalenga Yerobowame kuambila muambi ne: — Ndi nkusengelela ne: utendakene Maweja-Nangila Mvidi Mukulu webe bua amfuileku luse, ampingajile diboku dianyi edi muadi mua kale. Muambi kulomba Maweja-Nangila, diboku dia mukalenga Yerobowame kupingana muadi mua kale.

Misambu 7:4

Maweja-Nangila Mvidi Mukulu wanyi, bu meme muenze bidibu bamba, bu meme munyange bianza bianyi ne bubi,

Nsumuinu 24:17

Kusanki padi muluishi webe udishinda. Kuji maja padi dikenga dimukuata.

Nsumuinu 25:2

Tudi tunemeka Mvidi Mukulu bualu udi usokoka tshidiye wenza. Tudi tunemeka bakalenga padibu bumvuija bidibu benza.

Marke 4:24

Yezu kubambila kabidi ne: — Nuadimuka panudi numvua bualu! Mvidi Mukulu neanupime ne tshipimu tshinudi nupima natshi bakuabu, nebanusakidile tshikuabu kabidi.

Luke 23:34

Ke Yezu kuamba ne: — Tatu, ubumvuile luse, bualu kabena bamanye tshidibu benza. Kuabanyanganabu bilamba bia Yezu, batshinka udi mua kubiangata.

Luke 6:22

“Padi bantu banukina, banubenga, banupenda, banupenda bualu bua Muana wa muntu, nudi bena diakalenga.

Luke 6:35

Kadi nangayi bena lukuna benu, benzelayi bimpe. Sombeshayi bantu bintu, kanuyi nutekemena ne: nebatupingajilebi. Nanku nenupete difutu dinene. Nenuikale bana ba Mvidi Mukulu Muena kulu. Bualu Yeye udi wenzela bena kadiwu, ne bantu babi, bimpe.

Luke 8:15

Kadi bantu bakuabu, bidi bibenzekela bu mudi ntete idi imata mu buloba buimpe. Badi bateleja muaku wa Mvidi Mukulu, bawakidila ne muoyi muimpe, baukumbaja. Bu mudibu bananukila nanku, badi bakuama bimuma.

Luke 8:18

Nuikale ne ntema, nuteleje bimpe! Bualu udi ne tshintu, neapete bipite. Kadi udi kayi natshi, nebamunyenge bikese bidiye wela meji ne: ndi nabi.

Luke 8:8

Minga kumata mu buloba buimpe. Kutolokayi, kukuama miepu. Muepu onsu uvua ne ntete lukama.” Ke Yezu kuamba kabidi ne: — Muena matshi a kumvua wasangana kumvua anyi? Umvuee!

Bienzedi 10:38

Nudi bamanye Yezu wa muNazarete, uvua Mvidi Mukulu musungule. Uvua mumuwuje ne Mueyelu wende wa Tshijila, kabidi ne bukole buende. Nanku Yezu kuendakana mu ditunga dijima, wenza bilenga, ujikija masama a bantu bonsu, bavuabu bakuate kudi mukishi mubi. Bualu Mvidi Mukulu uvua nende.

Bienzedi 16:28

Kadi Polu kumuela diyi muende muonsu ne: — Kudienzedi bibi nansha! Tuetu bonsu tudi apa!

Bienzedi 7:60

Pashishe kutuaye binu panshi, kuela lubila lukole ne: — Mfumu, kuvuluki bubi buabu ebu! Mumane kuamba nanku, kukulaye muoyi.

Ngalate 6:10

Patutshidi ne diba, tuenzelayi bantu bonsu bimpe, kadi nangananga bena ditaba netu.

1 Tesalonike 5:15

Enzayi muenu muonsu, bua muntu kapingajidi mukuende bubi ku bubi. Kadi nukebe diba dionsu munudi mua kuenzelangana bimpe, kuenzela kabidi ne bantu bakuabu bonsu bimpe.

3 Yone 1:11

Mulunda wanyi, kuidikiji bualu budi bubi, kadi idikija amu malu mimpe. Muntu udi wenza malu mimpe, udi wa Mvidi Mukulu. Udi wenza bibi, kena muanji kumona Mvidi Mukulu.