Luke 6:23 - MUKANDA WA MYIDI MUKULU

²³ Nusanke dituku adi, nutue tshianga, bualu difutu dinene ndinuindile mu diulu. Ke muvua bankambua bakengesha bambi nanku.

Mukanda wa Nzambi Dihungila Dikulukulu ne Dihungila Dihia-dihia 2003

²³ Dituku adi nusanke, nutuhike bua disanka, bualu bua difutu dienu didi dinene mu diulu; bualu bua bankambua babo bakenzela baprofete nunku kabidi.

Luke 6:23 ပူးပေါင်းရင်းမြစ်များ

2 Samuele 6:16

Musangu uvua mushete mufike mu Tshimenga tshia Davide, Mikale, muana wa Shawule, uvua mutangile pa dididishi. Kumonaye mukalenga Davide uja maja, unyunguluka kumpala kua mushete. Ke Mikale kudiula mukalenga Davide bikole.

1 Bakalenga 18:4

Pavua mukalenga mukaji Yezabele mushipeshe bambi ba Maweja-Nangila, Obadya uvua mupandishe bambi lukama, mubasokoke mu mbuebue: emu makumi atanu, emu makumi atanu. Mu mbuebue amu, Obadya uvua ubabadila biakudia ne mayi a kunua.

1 Bakalenga 19:10

Eliya kuandamuna ne: — Maweja-Nangila Mvidi Mukulu wa bukole buonsu, ndi mukunange bikole. Nanku tshitshiena musue kumona bionsu bidi bena Izrayele benza to. Bualu bena Izrayele mbanyangakaje ndondu webe, mbupule bilambuilu biebe, mbashipe bambi bebe. Ndi mushale anu meme nkayanyi. Kadi badi bakeba kunshipa ne meme!

1 Bakalenga 19:14

Kuandamunaye ne: — Maweja-Nangila Mvidi Mukulu wa bukole buonsu, ndi mukunange bikole. Kadi tshiena musue kumona bionsu bidi bena Izrayele benza to. Bualu bena Izrayele mbanyangakaje ndondu webe, mbupule bilambuilu biebe, mbashipe bambi bebe. Ndi mushale anu meme nkayanyi. Kadi, badi bakeba kunshipa ne meme.

1 Bakalenga 19:2

Ke Yezabele kutuma muntu bua kumanyisha muambi Eliya ne: “Malaba pa diba ditudi edi, meme tshiyi mukushipe, bu muudi mushipe bambi ba Baale, mvidie innyoke ne dinyoka dikole!”

1 Bakalenga 21:20

Eliya kuya kuambila Akabe bionsu abi. Akabe kumuambila ne: — Wewe muluishi wanyi, wapinganyi kabidi kundi! Eliya kuitaba ne: — Eyowa, ngapinganyi kabidi kuudi, bualu wewe udi usanka bua kuenza bidi Maweja-Nangila ubenga.

1 Bakalenga 22:27

Ubambile ne: bele muntu awu mu nzubu wa lukanu mu dina dianyi. Bamupeshe kapese ka diampa ne mayi makese a kunua, too ne pangapingana katakata ku mvita eyi.

1 Bakalenga 22:8

Akabe, mukalenga wa bena Izrayele, kuandamuna ne: — Muambi mukuabu umue udi munemu. Dina diende Mika, muana wa Imla. Kadi tshiena mumunange to. Bualu misangu yonsu udi ummanyisha amu malu mabi. Katshia, kena muanji kungambilaku bualu buimpe to. Mukalenga Yosafate kukema ne: — Kuangatshi muambi bibi nanku to!

2 Bakalenga 6:31

Mukalenga kuela diyi ne: — Dilolu edi, pangikala tshiyi mukose mutu wa Elisha, muana wa Shafate, Mvidi Mukulu annyoke ne dinyoka dikole.

2 Kulondolola 36:16

Kadi bena Izrayele kuseka bambi ba Mvidi Mukulu, kubalembakaja, kulengulula meyi a Mvidi Mukulu. Nanku, Maweja-Nangila kubafikila munda, kubanyoka bikole kabayi mua kupanda to.

Nehemya 9:26

Kadi bavua ne tshishiku. Nanku bobu kukutombokela, kubenga diyi diebe, kushipa bambi bebe, bavua bababela bua bapingane kuudi. Ke muvuabu bakuenzela bibi, bakupenda misangu ne misangu.

Misambu 58:11

Padi Mvidi Mukulu usombuela bantu babi aba, bantu bende nebasanke, badiate mu mashi a baluishi babu.

Yeshaya 35:6

Diba adi, batebuki nebatupike, baja ne maja, bu ngulungu mu mpata. Tumama netuele mbila ya disanka. Bualu mu tshipela, nemupatuke mayi: Misulu neipueke mu ditunga divua ne munanga.

Yirmeya 2:30

Meme kununyoka, kadi kabiena binuenzela bualu to. Kanuena bateleja mibelu eyi. Kadi nuenu kushipa bambi benu, bu nyama ya ntambue ya lonji.

Matayi 5:12

Sankayi, sangalayi, bualu Mvidi Mukulu neanusankishe bikole mu diulu. Bambi bavua banudianjidile, bavua babakengesha amu mushindu ewu.

Luke 1:41

Elisabete umvua muoyi uvua Mariya mumuele, diakamue muana kunyungakana bikole munda muende. Ke Elisabete kuwula tente ne Mueyelu wa Tshijila.

Luke 1:44

Bualu anu ngumvua ungela muoyi, muana kunyungakana ne disanka munda muanyi.

Luke 6:35

Kadi nangayi bena lukuna benu, benzelayi bimpe. Sombeshayi bantu bintu, kanuyi nutekemena ne: nebatupingajilebi. Nanku nenupete difutu dinene. Nenuikale bana ba Mvidi Mukulu Muena kulu. Bualu Yeye udi wenzela bena kadiwu, ne bantu babi, bimpe.

Bienzedi 14:10

Kumuambilaye ne diyi dikole ne: — Juka, imana mululame bimpe. Muntu kutupika, kuimana, kuenda bimpe.

Bienzedi 3:8

Muntu awu kutua makasa panshi, kuimana bimpe, kutuadija kuenda. Kubuelaye ne bapostolu pamue mu nzubu wa Mvidi Mukulu, wenda utupika, utumbisha Mvidi Mukulu.

Bienzedi 5:41

Bapostolu kumuka mu Tshipangu, benda basanka, bualu Mvidi Mukulu uvua mubamone ne: mbakane kumvua bipendu bua dina dia Yezu.

Rome 5:3

Nanku nansha tuetu mu makenga, tudi amu tusanka. Bualu tudi bamanye ne: dikenga didi dipetesha lutulu,

2 Korente 12:10

Ke pandi nsanka bualu bua Kristu mu butekete buanyi, nansha diba mene didibu batupenda, bantatshisha, bankengesha, bankuatshisha bowa. Nanku pandi ne butekete, ke pandi ne bukole.

Kolose 1:24

Mpindiewu ndi nsanka bua makenga adi mankuate bualu buenu. Bualu ku makenga anyi, ndi nkumbaja makenga adi Kristu kayi muanji kumvua bua mubidi wende, momumue ne bua Tshisumbu tshia bena ditaba.

2 Timote 2:12

Bituikala bumvue makenga ne lutuulu, netudie nende bumfumu; Bituamuvila, Yeye kabidi neatuvile;

Ebrewu 11:26

Utata muele meji ne: bobu bampetule mutotabu bapetule Kristu, ndi mpeta tshiuma tshidi tshipite biuma bia mu Ejipitu. Bualu mesu ende avua atangila amu difutu divuaye muindile kumpala.

Ebrewu 11:6

Kadi muntu kena mua kusankisha Mvidi Mukulu padiye kayi ne ditaba. Bualu muntu udi usemena pabuipi ne Mvidi Mukulu udi ne bua kuitaba ne: Mvidi Mukulu udiku, udi ufuta badi bamukeba.

Yakobe 1:2

Bana hetu, nudimone bena diakalenga menemene, padi makenga a mishindu yonsu anukuata.

1 Petro 4:13

Panudi nudisanga ne Kristu mu makenga ende, nusanke. Nanku pamueneka butumbi buende, nenusanke kabidi nutshionkomoka.

Didimanyisha 2:17

“Bidi Mueyelu wa Tshijila wambila Bisumbu bia bena ditaba, yonsu udi ne matshi a kumvua, asangane kumvua anyi? Umvue! “Badi batshimuna, nembapeshe mana masokome. Nempeshe kabidi yonsu wa kudibu lusoka lutoke lufunda dina dipiadipia, didi muntu kayi mumanye, amu udi udipeta.”

Didimanyisha 2:26

Badi batshimuna, bakumbaja bindi musue too ne ku ndekelu, nembapeshe bumfumu bua bisamba bikuabu bumvua mupete kudi Tatu wanyi.

Didimanyisha 2:7

“Bidi Mueyelu wambila Bisumbu bia bena ditaba, yonsu udi ne matshi a kumvua, asangane kumvua anyi? Umvue! “Badi batshimuna, nenganyishe bua badie tshimuma tshia mutshi wa muoyi, udi mu lupangu lua Mvidi Mukulu.”

Didimanyisha 21:7

Tshidi muntu mua kupeta kundi padiye utshimuna ntshietshi: Nengikale Mvidi Mukulu wende, yeye neikale muananyi.

Didimanyisha 3:12

Watshimuna, nemmuimanyike bu dikunji mu nzubu wa Mvidi Mukulu wanyi. Neashalemu kashidi. Nemfunde pambidi pende dina dia Mvidi Mukulu wanyi, ne dia tshimenga tshia Mvidi Mukulu wanyi. Tshimenga atshi ke Yerushalayime mupiamupia, udi utuluka mu diulu. Ke tshimenga tshidi Mvidi Mukulu wanyi wasa. Nemfunde kabidi pambidi pende dina dipiadipia dindi nadi.

Didimanyisha 3:5

Badi batshimuna, nebavuale bilamba bitoke. Tshiakukupula mena abu mu mukanda wa muoyi to. Nenjadikile Tatu wanyi ne batumibue bende ne: bantu aba mbanyi.