Luke 6:22 - MUKANDA WA MYIDI MUKULU

²² “Padi bantu banukina, banubenga, banupenda, banupenda bualu bua Muana wa muntu, nudi bena diakalenga.

Mukanda wa Nzambi Dihungila Dikulukulu ne Dihungila Dihia-dihia 2003

²² Hikala bantu nʼenu lukuna, hanumushabo munkatshi muabo, hanuhendabo, hahetulabo dina dienu ne, Ndibi, bua bualu bua Muana wa muntu, nenuikale ne disanka.

Luke 6:22 ပူးပေါင်းရင်းမြစ်များ

Yeshaya 65:5

Badi bambila bantu badi basambakena nabu ne: “Semenayi kule, kanundengi to, bualu ndi muntu wa tshijila. Patupu nudi mua kufua.” Pandi mmona malu adibu benza, ndi mpeta amu tshiji.

Yeshaya 66:5

Nuenu badi bateleja diyi dia Maweja-Nangila ne luzakalu, bamuitaba, umvuayi tshidiye unuambila. Nudi ne bena kuenu, badi banudiwula, banuipata munkatshi muabu, bualu nudi balamate Mvidi Mukulu. Badi banuamba, baseka ne: “Maweja-Nangila aleje bukole buende tumone munudi basanka!” Kadi bobu nebafue bundu.

Matayi 10:18

Nebaye nenu kudi balombodi ne bakalenga ba matunga bualu buanyi, bua nuenu kujadika bulelela buanyi kumpala kuabu, ne kumpala kua bantu badi kabayi bena Yuda.

Matayi 10:22

Bantu bonsu nebanukine, bualu nudi nungitabe Kadi wananukila ne ku ndekelu, nebamusungidile.

Matayi 10:39

Muntu udi musue kudilamina muoyi wende, neaujimije. Kadi udi ujimija muoyi wende bualu buanyi, neaupete.

Luke 20:15

Nanku kumukokelabu ku mpenga kua budimi, kumushipa. Kadi muena budimi neenze tshinyi ne bantu bavua bafutshila budimi buende?

Luke 21:17

Bantu bonsu nebanukine, bualu nudi bangitaba.

Luke 6:21

“Nuenu badi ne nzala mpindiewu, nudi bena diakalenga, bualu Mvidi Mukulu neanudishe, nuukute! “Nuenu badi badila mpindiewu, nudi bena diakalenga, bualu nenuseke!

Yowanane 12:42

Kadi nansha munkatshi mua bamfumu ba bena Yuda, ba bungi kuitaba Yezu. Kadi kabavua badileja patoke. Bualu bavua batshina Baparushe bavua mua kubipata mu nzubu wa kutendelela.

Yowanane 16:2

Nebanuipate mu nzubu ya kutendelela ya bena Yuda. Kabidi tshikondu netshifike tshikata bantu badi banushipa bela meji ne: tudi tukuatshila Mvidi Mukulu mudimu.

Yowanane 17:14

Mvua mubapeshe diyi diebe. Ba pa buloba bavua babakina, bualu kabena ba pa buloba, bu mundi meme tshiyi wa pa buloba.

Yowanane 7:7

Ba pa buloba kabena mua kunukina. Kadi badi bankina meme, bualu ndi njadika ne: midimu idibu bakuata mmibi.

Yowanane 9:34

Ke Baparushe kumuandamuna ne: — Wewe kantu katela kajima mu bubi, ukadi musue kutulongesha anyi? Kumuipatabu mu nzubu wa kutendelela.

Bienzedi 22:22

Bantu bavua bateleja Polu too ne ku miaku eyi. Ke kushishabu kuela mbila ne: — Muntu awu tshiende ndufu! Mushipayi! Tshidiye wenza pa buloba ntshinyi?

Bienzedi 24:5

Tudi bamanye se: muntu ewu ntshipupu. Udi utombueja bena Yuda bonsu pa buloba bujima. Udi mfumu wa tshisumbu tshia bena Nazarete.

Bienzedi 9:16

Nemmuleje muonsu muakengaye bua dina dianyi.

Yakobe 1:12

Muntu udi ulama ditaba padibu bamuteta, mmuena diakalenga. Yeye mumane kuleja muoyi mukole, neapete nsala wa kalumbandi. Nsala awu ke muoyi udi Mvidi Mukulu mulaye bonsu badi bamunanga.

1 Petro 3:14

Nudi amu bena diakalenga, nansha banukengesha bua malu mimpe anudi nuenza. Kanutshinyi bantu. Kanupampakanyi.