Luke 6:14 - MUKANDA WA MYIDI MUKULU

¹⁴ Ke Simone (uvuaye muinyike kabidi dina dia Petro), ne muanabu Andre, Yakobe ne Yowanane, Filipe ne Bartolmayi,

Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Simona, wakidikeye dina dikuabo ne, Petelo, ne muanʼabo Andele, ne Yakobo ne Yone, ne Filipo ne Bâtolomayo,

Luke 6:14 ပူးပေါင်းရင်းမြစ်များ

Matayi 10:2

Mena a bapostolu dikumi ne babidi adi nunku: wa kumpala ke Simone, uvua ne dina dikuabu dia Petro, ne muanabu Andre; Yakobe ne muanabu Yowanane, bonsu babidi bana ba Zebede;

Matayi 10:3

Filipe ne Bartolmayi; Tomase ne Matayi, mulambuishi wa bitadi; Yakobe muana wa Alfayi, ne Tadeyi;

Matayi 4:18

Pavua Yezu wendakana ku muelelu wa Dijiba dinene dia Ngalileya, kumonaye balobi babidi, bana ba muntu umue. Umue uvua Simone, uvuabu binyika kabidi ne: Petro, mukuabu uvua Andre. Bavua baloba mu dijiba ne bukondu buabu.

Matayi 4:21

Yezu mumane kuenda mutantshi, kumonaye kabidi bana bakuabu babidi ba muntu umue, Yakobe ne Yowanane, bana ba Zebede. Bavua ne tatuabu Zebede mu buatu, balongolola makondu abu. Yezu kubabikila.

Marke 1:19

Yezu utungunuka amu mutantshi, kumonaye Yakobe ne muanabu Yowanane, bana ba Zebede. Bavua mu buatu buabu, balongolola makondu abu.

Marke 1:29

Bobu kupatuka mu nzubu wa kutendelela wa bena Yuda. Kuyabu diakamue kua Simone ne Andre. Kubatuabu mu nyima kudi Yakobe ne Yowanane.

Marke 14:33

Kuangataye Petro, Yakobe ne Yowanane. Kubangaye kumvua buowa ne dipampakana dikole,

Marke 3:16

Telejayi mena a bantu dikumi ne babidi bavuaye musungule: Simone (uvua ne dina dikuabu dia Petro),

Marke 5:37

Yezu kavua muanyishe bua muntu mukuabu amufile nansha, kadi amu Petro ne Yakobe ne muanabu Yowanane.

Marke 9:2

Matuku apita asambombu, Yezu kuangata Petro, Yakobe ne Yowanane, kuyaye nabu nkayabu pa mukuna mutumbuke. Kukudimukaye mpala bobu batangila.

Luke 5:10

Yakobe ne Yowanane, bana ba Zebede, bavua bakuata mudimu ne Simone, bavua kabidi ne bowa. Kadi Yezu kuambila Simone ne: — Kutshinyi to. Biangatshile ku mpindiewu, newikale tshilembi tshia bantu.

Luke 5:8

Simone Petro umona nanku, kutuaye binu kumpala kua Yezu, wamba ne: — Mfumu, umuka kundi. Ndi muena malu mabi.

Luke 6:13

Butshia kubikilaye balongi bende. Kusungulaye munkatshi muabu dikumi ne babidi, kubinyikaye ne: mbapostolu.

Luke 6:15

Matayi ne Tomase, Yakobe muana wa Alfayi, ne Simone (uvua mu tshisumbu tshia baluidi ba ditunga),

Yowanane 1:45

Pashishe Filipe kusambakena ne Natanayele. Kumuambilaye ne: — Tuvua bamone muntu uvua Moshe mutele mu mukanda wa Mikenji, kabidi uvua bambi bambe. Ke Yezu, muana wa Yozefe, muena mu tshimenga tshia Nazarete.

Yowanane 14:8

Filipe kumuamba ne: — Mfumu, utuleje Tatu. Ke tshionsu tshitudi tujinga.

Yowanane 6:5

Yezu ukenzakana, kumona tshisumbu tshia bantu tshinene tshienda tshimuvuila. Nanku kukonkaye Filipe ne: — Nkuepi kutudi mua kusumba biakudia bia kubadisha buonsu bungi buabu?

Yowanane 6:8

Umue wa ku balongi bende, dina diende Andre, muanabu ne Simone Petro, kumuambilaye ne:

Bienzedi 1:13

Bamane kufika ku Yerushalayime, kubandabu mu tshibambalu tshia nzubu tshia kulu, muaba muabu basomba misangu mivule. Bobu abu ke Petro, Yowanane, Yakobe ne Andre, Filipe ne Tomase, Bartolmayi ne Matayi, Yakobe muana wa Alfayi, Simone muluidi wa ditunga, ne Yuda muana wa Yakobe.

Bienzedi 12:2

Kukoseshaye Yakobe, muanabu ne Yowanane, mutu.

2 Petro 1:1

Meme Simone Petro, mupostolu ne muena mudimu wa Yezu Kristu, ndi mfundila bonsu bavua bapete ditaba dia mushinga mukole dia mushindu umue ne ditudi nadi. Nudi badipete ku disua dilenga dia Mvidi Mukulu wetu ne dia Musungidi Yezu Kristu.