Luke 5:38 - MUKANDA WA MYIDI MUKULU

³⁸ Kadi mbimpe kuela nwinyo mupiamupia mu milondu ya biseba bipiabipia.

Mukanda wa Nzambi Dihungila Dikulukulu ne Dihungila Dihia-dihia 2003

³⁸ Kadi bidi bimpe bia kuelabo maluvu mahia-mahia mu milondo ya biseba bihia-bihia.

Luke 5:38 ပူးပေါင်းရင်းမြစ်များ

Yezekiyele 36:26

Nennupe muoyi mupiamupia. Nembueje mueyelu mupiamupia munda muenu. Nengumushe muoyi wenu mupape bu dibue, mpingaja muoyi wa muntu.

Matayi 9:17

Kabidi kabena mua kuela maluvu a nwinyo mapiamapia mu milondu ya biseba mikulukulu to. Bualu milondu ya biseba neyitayike, maluvu apumuke. Nanku milondu neyinyanguke. Kadi bua kulama bionsu bibidi bimpe, badi bela maluvu mapiamapia mu milondu ya biseba mipiamipia.

Luke 5:37

Muntu kena wela nwinyo mupiamupia mu milondu ya biseba bia kale. Bualu yeye muenze nanku, nwinyo mupiamupia neapande milondu ya biseba bia kale, nwinyo upumuka panshi, milondu inyanguka.

Luke 5:39

Muntu kena mua kusanka bua kunua nwinyo mupiamupia, yeye mumane kunua wa kale. Bualu bantu badi bamba ne: “Mvinyo wa kale ke udi muimpe.”

2 Korente 5:17

Padi muntu udisanga ne Kristu, ukadi muntu mupiamupia: bikulukulu mbimane kushila bipiabipia muaba.

Ngalate 2:4

Bushuwa bena ditaba bakuabu, bena mpala ibidi, bavua babuelakane netu, bavua basue kumutekesha panshi. Bantu aba mbabuele mu Tshisumbu tshietu bua kututentekela, kumona mutudi tudienzela bitudi basue, bualu tudi tuitaba Yezu Kristu. Nanku bavua basue kutupingaja mu bupika.

1 Timote 4:8

Manaya a kuibidija mubidi adi mimpe, alengelela bantu, kadi amu kakese. Kadi kutumikila Mvidi Mukulu kudi kubambuluisha mu bionsu, bualu kudi kutulaya muoyi bua mpindiewu, ne bua matuku atshidi kumpala.

Didimanyisha 21:5

Diba adi uvua musombe mu nkuasa wa butumbi kuambaye ne: “Mpindiewu ndi ngenzulula bionsu, bishale bipiabipia.” Pashishe kungambilaye ne: — Funda miaku yanyi eyi, bualu idi milelela. Udi mua kuyitaba.