Luke 5:35 - MUKANDA WA MYIDI MUKULU

³⁵ Kadi tshikondu netshilue tshiumushabu muena dibaka. Diba adi nebajile biakudia.

Mukanda wa Nzambi Dihungila Dikulukulu ne Dihungila Dihia-dihia 2003

³⁵ Kadi matuku makuabo nealue; habanyengabo mubaki wa mukashi, nebajile bia kudia matuku au.

Luke 5:35 ပူးပေါင်းရင်းမြစ်များ

Yeshaya 22:12

Dituku adi, Maweja-Nangila, Mvidi Mukulu muena bukole buonsu, uvua munubele bua nudile muadi, bua nunyingalale, nubeye nsuki, nuvuale bilamba bia mu madilu.

Danyele 9:26

Ku nshikidilu kua bidimu muanda mutekete bivudija misangu makumi asambombu ne ibidi ebi, nebashipe muntu wa tshijila, kakuyi udi umusungidila. Pashishe mfumu mukuabu neafike ne tshiluilu tshiende. Neabutule tshimenga ne muaba wa tshijila. Kadi mfumu ewu neajimine ku tshiji tshia Mvidi Mukulu. Kadi too ne ku lufu luende, nealuangane mvita ya tshinyangu bu muvuabu babijadike.

Zekâya 13:7

Maweja-Nangila wa bukole buonsu udi wamba ne: “Muele wa myita, utape mulami wa mikoku, utuvua tukuata nende mudimu; ushipe mulami wa mikoku, mikoku neitangalake, meme mene nenduishe bana bayi.”

Matayi 9:15

Ke Yezu kubakonka ne: — Nudi nuela meji ne: bantu batshidi basomba ne musedianganyi mu tshibilu tshia dibaka, badi mua kubungama anyi? Nansha kakese! Kadi matuku adibu bumusha musedianganyi, nebajile biakudia.

Marke 2:20

Kadi tshikondu netshifike, tshiabanyengabu bayende wa mukaji. Padi dituku adi dikumbana nebajile biakudia.

Luke 17:22

Ke Yezu kuambila balongi bende ne: — Tshikondu netshifike tshinuajinga kumona dimue dia ku matuku a Muana wa muntu. Kadi kanuakudimona to.

Luke 5:34

Yezu kubakonka ne: — Bantu badibu babikila mu didia dia dibaka, nudi mua kubabambidika bua bajile biakudia, muena dibaka mutshikale nabu anyi? Kanuena mua kuenza nanku to!

Luke 5:36

Yezu kubelela kabidi lusumuinu elu ne: — Muntu kena mua kupanda tshilamba tshipiatshipia, bua kuangata tshitetela, kutshiasa ku tshilamba tshikulukulu. Bualu yeye muenze nanku, udi unyanga tshilamba tshipiatshipia. Kabidi tshitetela tshipiatshipia katshiena tshiumvuangana ne tshilamba tshikulukulu.

Yowanane 12:8

Nenuikale ne bapele matuku onsu pamue nenu, kadi meme kanuakuikala nanyi matuku onsu.

Yowanane 13:33

Bana banyi, ntshidi nenu kabidi amu bua meba makese. Nenunkebe. Kadi ndi nnuambila mpindiewu bimvua muambile bena Yuda ne: kanuena mua kuya kundi nya.

Yowanane 16:28

Ndi mufume kudi Tatu, mufike pa buloba. Mpindiewu ndi ngumuka pa buloba, mpingana kudi Tatu.

Bienzedi 1:9

Yezu mumane kuamba nanku, kubandaye mu diulu, bobu batangile. Ke divuba kujika Yezu, kabayi bamumone kabidi to.

Bienzedi 14:23

Bavua bateka bakulu mu Tshisumbu tshionsu tshia bena ditaba. Bamane kujila biakudia, kutendelelabu Mvidi Mukulu amue matuku. Pashishe kubatekabu mu bianza bia Mfumu, uvuabu bitabe.

Bienzedi 3:21

Mpindiewu Yezu udi ne bua kushala mu diulu, too ne ku tshikondu tshidi Mvidi Mukulu ne bua kuakajilula bionsu, bu muvuaye muambe kale kudi bambi bende ba tshijila.

1 Korente 7:5

Kanubenganganyi mu nzubu. Panuikala basue kubengangana nanku, nuanji kumonangana. Nuenze kabidi nanku amu bua matuku makese, bua numone mua kutendelela muenu muonsu. Pashishe nudisange tshiakabidi mu nzubu, muenu mua tshibidilu. Kanuyi benze nanku, nudi mua kupanga kudilama, diabolu udi mua kunuteya, kunutshimuna.

2 Korente 11:27

Mvua mukuate midimu mikole ya dipungi. Mvua mutshishe butuku misangu ne misangu. Mvua mufue ne nyota. Mvua mupange biakudia matuku mulongulongu. Mashika avua mantonde, bualu tshivua ne bilamba bikumbane.