Luke 5:34 - MUKANDA WA MYIDI MUKULU

³⁴ Yezu kubakonka ne: — Bantu badibu babikila mu didia dia dibaka, nudi mua kubabambidika bua bajile biakudia, muena dibaka mutshikale nabu anyi? Kanuena mua kuenza nanku to!

Mukanda wa Nzambi Dihungila Dikulukulu ne Dihungila Dihia-dihia 2003

³⁴ Yesu wakabakonka ne, Nudi bamanye mua kujidisha balunda ba mubaki wa mukashi bia kudia, hatshidi mubaki wa mukashi nʼabo, anyi?

Luke 5:34 ပူးပေါင်းရင်းမြစ်များ

Musambu wa Solomo 5:8

“Eyi, nuenu nsongakaji ya mu Yerushalayime, ndi nnulomba, nnusengelela ne: nuenu basambakena ne munanga wanyi, nenumuambile tshinyi? Numuambile ne: Dinanga ndinsamishe muoyi!”

Musambu wa Solomo 6:1

Wewe nsongakaji mupite buimpe, munanga webe mmuye penyi? mMuyile njila kaayi? Tudi basue kumukeba pamue nebe.

Yeshaya 54:5

Bualu uvua mukufuke, ke washala bu bayebe. Ke yeye udibu binyika ne: “Maweja-Nangila muena bukole buonsu.” Yeye ke wa tshijila wa Izrayele, udi ukupandisha. Yeye mene ke udibu binyika ne: “Mvidi Mukulu wa buloba bujima.”

Yeshaya 62:5

Eyowa bu mudi nsongalume usela muana wa bakaji, ke mudi Ewu udi ukuibakulula ushala bayebe. Bu mudi mubangila usankisha mumubangidi, wewe kabidi neusankishe Mvidi Mukulu webe.

Sefanya 3:17

Maweja-Nangila Mvidi Mukulu webe udi nebe, udi tshilobu, mukuluidi wa mvita. Udi usanka bualu buebe. Udi ukunanga; nanku neakuenze muntu mupiamupia. Udi uja maja bu dituku dia tshibilu, wimba misambu ne disanka bualu buebe.”

Matayi 22:2

— Bukalenga bua mu diulu mbufuanangane ne mukalenga wa ditunga, uvua mulongoluele muanende wa balume didia dinene dia dibaka.

Matayi 9:15

Ke Yezu kubakonka ne: — Nudi nuela meji ne: bantu batshidi basomba ne musedianganyi mu tshibilu tshia dibaka, badi mua kubungama anyi? Nansha kakese! Kadi matuku adibu bumusha musedianganyi, nebajile biakudia.

Luke 5:33

Bantu kuamba Yezu ne: — Balongi ba Yowanane badi bajila biakudia misangu ne misangu, batendelela kabidi Mvidi Mukulu. Balongi ba Baparushe badi benza bia momumue. Kadi balongi bebe wewe badi anu badia, banua.

Luke 5:35

Kadi tshikondu netshilue tshiumushabu muena dibaka. Diba adi nebajile biakudia.

Yowanane 3:29

Muntu udi ne mukaji ke bayende wa mukaji. Kadi mulunda wa bayende wa mukaji udi wimana pabuipi ne muena mukaji, umuteleja. Udi usanka bikole padiye umvua diyi dia bayende wa mukaji. Ke disanka dianyi dijima. Mpindiewu diakumbanyi.

2 Korente 11:2

Ndi mununange, munukuatshile mukawu, mudi Mvidi Mukulu mununange, munukuatshile mukawu. Bualu nudi bu mukaji utshidi kamama, umvua mufile kudi bayende umuepele, ke Kristu.